<p><span style="color: #000000;"><strong>ភ្នំពេញ៖</strong> ពិធិការិនីរាងតូចច្រឡឹងកូនពីរ អ្នកនាង ខៀវ សានសាណា បានចេញមុខបកស្រាយ ដោយច្រានចោលព័ត៌មានរសើបកន្លងមកថា នាងនិង ឌីជេ តាប៊ុយ លួចបង្កាត់ភ្លើងស្នេហ៍ ក្រៅឆាក ជាមួយគ្នា ដោយនាងបានអះអាងថា សម្ព័ន្ធភាពរវាងពួកនាង គឺមានត្រឹមតែជាបងប្អូន គ្មានអ្វីលើសពីនេះ ដូចពាក្យចចាមអារ៉ាម ធ្លាប់លើកឡើងទេ ។</span></p>
<p><span style="color: #000000;">នាពេលកន្លងមក ធ្លាប់មានព័ត៌មានលេចឮតៗគ្នាថា ពិធីករ-ពិធីការិនី ក្នុងកម្មវិធី “ពេញចិត្តអត់” ប្រចាំស្ថានីយទូរទស្សន៍ MY TV គឺ អ្នកនាង ខៀវ សានសាណា និង ឌីជេ តាប៊ុយ បាន លួចលាក់បង្កាត់ភ្លើងស្នេហ៍ ក្រៅឆាកជាមួយគ្នាស្ងាត់ៗ ហើយ ឌីជេ តាប៊ុយ ក៏ជាអ្នកដែលជួយជ្រោង ប្រជាប្រិយភាព និងធ្វើជាខ្នងបង្អែក យ៉ាងរឹងមាំឲ្យនាងឈរជើង នៅស្ថានីយទូរទស្សន៍ មួយនេះ បានយ៉ាងសុខស្រួល មិនខ្វល់ថា ត្រូវទទួលរងខ្យល់ព្យុះអ្វីឡើយ ។</span></p>
<p><span style="color: #000000;">បន្ទាប់ពីមានព័ត៌ មានលេចឮបែបនេះ ពួកគេទាំងពីរនាក់ មិនបានឈឺក្បាលហាលថ្ងៃ និងចេញមុខមកបកស្រាយអ្វីឡើយ ទើបតែពេលថ្មីៗនេះ ពិធិការិនីរូបស្រស់ នាង ខៀវ សានសាណា នៅសុខៗបែរជារំលេច សារខ្លីមួយដោយនាង ប្រកាសក្តែងៗ នៅលើកញ្ចក់ ទូរទស្សន៍ថា “សម្រាប់ចំណងមិត្តភាពខ្ញុំ និង តាប៊ុយ មិនអាចមានអីលើសពីនេះ បានទេ (ស្នេហា) ខ្ញុំចាត់ទុក តាប៊ុយ ត្រឹមតែជាប្អូនប្រុស ព្រោះខ្ញុំមានអាយុច្រើន និងមានគ្រួសារ(ប្តី និង កូន)ហើយរឿងស្នេហាអីនោះ មិនអាចទៅរួចទេ” ។</span></p>
<p><span style="color: #000000;">បើទោះពិធីការិនី បាននិយាយបកស្រាយក្តែងៗថា ពួកគេគ្មានទំនាក់ទំនង ជិតដិត លើសពីបងប្អូនក៏ដោយ តែការបកស្រាយនោះ ហាក់នៅមិនទាន់ស្រឡះទេ ដោយនាង និយាយបែបលេងបន្លំមែន លាយឡំនិងសំណើច ធ្វើឲ្យទស្សនិកជន ពិបាកក្នុងការកាត់សេចក្តី ថាអ្វីដែលនាងនិយាយនោះ ត្រឹមត្រូវឬយ៉ាងណាទេ មានតែរង់ចាំអ៊ុតមើលបន្តថា សម្ព័ន្ធភាព របស់ពួកគេ វិវឌ្ឍន៍ទៅដល់កម្រិតណា បន្តទៀត ព្រោះដូចពាក្យចាស់ពោលថា “ក្រដាសមិន អាចខ្ចប់ភ្លើងជិតទេ” ដូច្នេះការពិតមុនក្រោយ នឹងត្រូវលាតត្រដាង ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/11/11/msp-312-11-11-2014--13-51-42.jpg"><img src="/FileManager/Articles/mce/2014/11/11/msp-312-11-11-2014--13-51-42.jpg" alt="" /></a><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-315.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-313.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-314.jpg" alt="" width="600" /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/11/11/msp-316-11-11-2014--13-51-29.jpg"><img src="/FileManager/Articles/mce/2014/11/11/msp-316-11-11-2014--13-51-29.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>