<div class="article-content">
<p>ប្តីប្រពន្ធពីរនាក់ ដែលមានវ័យចាស់ជរា ត្រូវបានក្រុមប្រជាពលរដ្ឋ ដែលជាអ្នករស់នៅក្នុង ភូមិ<br />ជាមួយគ្នា បានបណ្តេញពួកគេ ចេញពីផ្ទះនិងបាន បំផ្លិចបំផ្លាញផលដំណាំ របស់ពួកគាត់បន្ទាប់<br /> ពីអ្នកភូមិបាន ចោទ ប្រកាន់ថា ចេះធ្វើអំពើអាបធ្មប និងធ្វើឲ្យអ្នកភូមិ ជាច្រើននាក់ឈឺជាបន្ត<br />បន្ទាប់។</p>
<p>លោក ឆាយ ធី មន្រ្តីស៊ើបអង្កេតអង្កការសិទ្ធិមនុស្ស អាដហុកប្រចាំខេត្តរតនគិរី បានប្រាប់<br />មជ្ឈមណ្ឌល ព័ត៌មាន ដើមអម្ពិល នៅថ្ងៃទី២០ ខែសីហានេះ អ្នកភូមិ២នាក់ដែលជាប្តីប្រពន្ធ<br />គ្នា ជនជាតិចារ៉ាយ រស់នៅភូមិដើមត្រុះ ឃុំសោមធំ ស្រុកអូរយ៉ាដាវ ត្រូវបានអ្នកភូមិរស់នៅ<br />ក្បែរ ខាងបានកាប់បំផ្លាញ ផលដំណាំ និងគំរាមប្រមាថ សម្លាប់ ពួកគាត់ទាំងពីរនាក់ ចោល<br />បើពួកគាត់មិនព្រមចាកចេញពីភូមិ ដោយសារតែអ្នកភូមិ បានចោទប្រកាន់ពួក គាត់ ថាចេះ<br />ធ្វើ អំពើអាប ធ្មប។</p>
<p>លោកបន្តថា នៅព្រឹកថ្ងៃទី២០ ខែ សីហានេះ ពួកគាត់ទាំងពីរ ត្រូ វបានចាកចេញពីផ្ទះក្នុង<br />គោលបំណងទៅរស់នៅ ភូមិស្លា ក្នុងស្រុកបរកែវ ប៉ុន្តែ ត្រូវបានសកម្មជន អាដហុក ជួយ <br />អន្តរាគមន៍ទាន់ពេលវេលា ហើយក៏សុំស្នាក់ នៅក្នុង សមាគមអាដហុក ជាបណ្តោះអាសន្ន<br />សិនទម្រាំអាជ្ញាធរមានសមត្ថកិច្ចចុះទៅអប់រំណែនាំពួកអ្នកភូមិថា ពួកគាត់មិនចេះធ្វើអំពើ<br />អាបធ្មបទេ កុំជឿអបិយជំនឿពេក។</p>
<p>លោកបានបញ្ជាក់ថា ការចោទប្រកាន់របស់ពួកអ្នកភូមិ ទៅលើជនណាម្នាក់ថា ចេះអាបធ្មប់<br />នោះ គឺពួកគេ សំអាង ថា បើមានបុគ្គលណាម្នាក់ នៅក្នុងគ្រួសាររបស់ពួកគេមានជំងឺ ឈឺ<br />ដង្កាត់នានា គេទៅបន់ស្រន់ចំពោះ មនុស្សម្នាក់ ហើយបើការបន់ស្រន់ធ្វើឲ្យបុគ្គល នៅក្នុង<br />គ្រួសារជាសះស្បើយពីជំងឺនោះ បានន័យថា មនុស្សដែល គេបន់ស្រន់ នោះ គឺចេះធ្វើអំពើ<br />អាបធ្មប ដែលនេះ វាជាអបិយជំនឿរបស់ពួកគេ។</p>
<p>លោកថា ប្តី ឈ្មោះ រម៉ាសវ៉ែន អាយុ៨០ឆ្នាំ ចំណែកប្រពន្ធឈ្មោះ សេវ សយ អាយុ៥០ឆ្នាំ<br /> ហើយក្មួយ២នាក់ទៀត របស់ពួកគាត់ក៏គេបានធ្វើការចោទប្រកាន់ដែរ។</p>
<p>អធិការស្រុកអូរយ៉ាដាវ លោកម៉ា វិចិត្រ បានមានប្រសាសន៍ឲ្យដឹងថា ចំពោះករណីនេះ <br />លោកបានចាត់មន្រ្តី ក្រោម ឱវាទទៅចុះស្រាវជ្រាវហើយ ហើយក៏ហៅក្រុមប្រជាពលរដ្ឋ<br />ទាំងអស់ មកអប់រំណែនាំពួកគេកុំឲ្យជឿ អបិយជំនឿបែបនេះ ព្រោះវាមិនពិតនោះទេ ហើយ<br />ពួកគាត់ទាំងពីរនាក់នេះ ក៏មិនបានចេះអំពើអាបធ្មបដែរ។</p>
<p>លោកបានបញ្ជាក់ថា “រឿងនេះវាមិនពិតនោះទេ ទំនៀមទំលាប់ប្រពៃណីបងប្អូនយើងនៅ<br />តំបន់នេះ គាត់តែងតែ មានជំនឿ បែបនេះតែចឹង”។</p>
<p>លោក ឆាយ ធី បន្តថាទៀត ចាប់តាំងពីឆ្នាំ២០១០រហូតមកដល់ពេលនេះ ករណីចោទប្រកាន់ <br />ប្រជាពលរដ្ឋថា ចេះអំពើអាបធ្មបនៅក្នុង ខេត្តរតនគិរី មានចំនួន៤លើកហើយរួមទាំងលើក<br />នេះផងដែរ ហើយក៏ធ្វើការដោះស្រាយ ចប់សព្វគ្រប់ ប៉ុន្តែក្នុងចំណោមនោះមានមួយគ្រួសារ<br />បានចាកចេញពីភូមិកំណើតទៅរស់នៅស្រុកគេ ដោយសារ តែអ្នក ភូមិតាមរករឿងពួកគេ<br />ខ្លាំងពេក៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-078/Lay-193.jpg" alt="Photo by DAP-News" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>