<p><strong>ភ្នំពេញៈ</strong> តារាចម្រៀង ច្រមុះស្រួច សម្បូរសាច់ដើមទ្រូង កញ្ញា សាសា បានធ្វើឲ្យផ្អើល អស់អ្នក<br />ជិតខាង និងអាជ្ញាធរព្រោងព្រាត ពេញទឹកពេញដី ដោយសារតែស្រីស្រស់ រូបនេះបាន បាត់ឆ្កែ <br />ជាទីស្រលាញ់ ធ្វើឲ្យនាងខូចចិត្ត រហូតត្រូវដើរ រកគ្រប់ជ្រកល្ហក។</p>
<p>សាសា បានធ្វើឲ្យផ្អើលអស់ អ្នកជិតខាង រហូតធ្វើឲ្យនាងចំណាយលុយ ក្នុងជួលគេឲ្យជួយតាម<br />រក “អាឡុក” ដែលជាឆ្កែបណ្តូលចិត្តរបស់នាង ក្រោយពីនាង បានងូតទឹក ឲ្យឆ្កែរួចនាង ក៏ដើរ<br />ចូលក្នុងផ្ទះមួយភ្លេត ក្រោយមកនាងចេញមុខវិញ ស្រាប់តែបាត់កូនឆ្កែជាទីស្រលាញ់តែម្ដង។</p>
<p>ក្រោយពីបាត់ឆ្កែរួច ធ្វើឲ្យតារាស្រីរូបនេះ មានការឈឺចាប់សម្រក់ទឹកភ្នែក ខលទូរស័ព្ទទៅប្រឹក្សា<br />ជាមួយវីជេ ក្នុងស្ថានីយវិទ្យុផង ទៅប្តឹងប៉ូលីសផង ហាក់ដូចជាមានរឿងធំដុំខ្លាំងណាស់ ។ មិនតែ<br />ប៉ុណ្ណោះ កញ្ញា សាសា ថែមទាំងយកលុយជួលគេ ឲ្យជួយដើររក និងបើកឡានតាមរកឆ្កែ គ្រប់<br />កន្លែង។</p>
<p>តែទីបំផុតក្នុង ព្រឹត្តិការណ៍នោះ គ្រាន់តែសកម្មភាពសម្ដែង ក្នុងបទចម្រៀងមួយ មានចំណងជើង<br />ថា “បាត់ឆ្កែ” ។ ប៉ុន្តែនាងបានពើបប្រទះ ឃើញឆ្កែនៅផ្ទះ តារាចម្រៀង រួមដំបូល គឺ លោក មង្គល<br /> ទីណា ហើយនាងក៏មានការយល់ច្រឡំថា លោក ទីណា ជាចោរលួចឆ្កែនាង ។ រឿងនេះធ្វើឲ្យ<br />ពួកគេទាំងពីរនាក់ មានបញ្ហាប៉ះពាក្យសំដី ឈ្លោះប្រកែកជាមួយគ្នាថែមទៀតផង។</p>
<p>ដូច្នេះដើម្បីចង់ដឹងថាអត្ថន័យ និងការសម្ដែង ក្នុងបទចម្រៀង “បាត់ឆ្កែ” របស់តារាចម្រៀងល្បី<br />ឈ្មោះ ប្រចាំផលិតកម្មថោន កញ្ញា សាសា មានការទាក់ទាញ អារម្មណ៍យ៉ាងណានោះ សូម<br />ទស្សនាទាំងអស់គ្នា ៖</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0557.jpg" alt="" width="500" /></p>
<p style="text-align: center;"><object width="500" height="400" data="http://www.youtube.com/v/1iU4Pm_N1bs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/1iU4Pm_N1bs&rel=1" /></object></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>