<p>ក្រុមហ៊ុន Google កំពុងតែបង្កើតស្មាតហ្វូនថ្មី សម្រាប់ Motorola ដែលមានឈ្មោះថា «X-Phone»<br /> ដើម្បីប្រកួតប្រជែងក្រុមហ៊ុន Apple និង Samsung។</p>
<p>សារព័ត៌មាន Wall Street Journal បានចុះផ្សយកាលពីថ្ងៃទី ២១ខែធ្នូ ឆ្នាំ ២០១២ ថា នៅពេលនេះ<br />ក្រុមវិស្វកររបស់ក្រុមហ៊ុន Motorola កំពុងតែមមាញឹកក្នុងការបង្កើតនូវស្មាតហ្វូនថ្មី ដែលមានឈ្មោះ<br />ថា «X-Phone»។</p>
<p>ប្រភពដែលមិនបង្ហាញអត្តសញ្ញាណ បានបង្ហើបប្រាប់ដល់ Wall Street Journal ថា នៅពេលនេះ<br />ក្រុមហ៊ុន Motorola កំពុងតែធ្វើការទៅលើគម្រោងពីរ មួយគឺបង្កើត Devices ថ្មីដែលនឹងលក់ក្នុង<br />ពេលចាប់ៗនេះដោយសហការជាមួយក្រុមហ៊ុន Verizon Wireless និងមួយទៀតបង្កើត X-Phone។<br />ក្រុមអ្នកវិភាគបានលើកឡើងថា ដំណឹងនេះប្រហែលជាអាចពិត ព្រោះថាក្រុមហ៊ុន Google កំពុងតែ<br />ជោគជ័យជាមួយស្មាតហ្វូននិង Tablet ក្រោមកិច្ចសហការជាមួយ Samsung, ASUS និង LG ដូច្នេះ<br /> Google ដល់ពេលដែលត្រូវងាកមក បង្កើតស្មាតហ្វូនជាមួយ Motorola ដែលជារបស់ខ្លួនវិញហើយ។</p>
<p>គួរបញ្ជាក់ផងដែរថាក្រុមហ៊ុន Google បានទិញក្រុមហ៊ុន Motorola Mobility កាលពីខែមិនា ឆ្នាំ២០១២<br /> ក្នុងតម្លៃ ១២,៥ពាន់លានដុល្លារអាមេរិក៕</p>
<p><a class="thickbox" title="" href="/FileManager/Commons/2012/12/22/kosal-0426-22-12-2012--20-39-30.jpg"><img src="/FileManager/Articles/mce/2012/12/22/kosal-0426-22-12-2012--20-39-30.jpg" alt="" /></a></p>
<p><a class="thickbox" title="" href="/FileManager/Commons/2012/12/22/kosal-0427-22-12-2012--20-40-34.jpg"><img src="/FileManager/Articles/mce/2012/12/22/kosal-0427-22-12-2012--20-40-34.jpg" alt="" width="500" height="374" /></a></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/technology-business-news/12224-google-x-phone-x-tablet.html"><span style="color: #0000ff;">ដើមអំពិល</span></a></p>