<p><strong>ម៉ាឡេស៊ី ៖</strong> ប្រធានាធិបតីសហរដ្ឋអាម៉េរិក លោក Barak Obama បានបង្ហាញអារម្មណ៍រីករាយ ក្នុងការបកស្រាយនូវសំណួរ ពីនិស្សិតស្រីកម្ពុជា នៅក្នុងកិច្ចជំនួបមួយ រវាងលោក Obama ជាមួយសមាគមន៍មេដឹកនាំវ័យក្មេងអាស៊ីអាគ្នេយ៍ (YSEALI) កាលពីថ្ងៃទី២៧ ខែមេសា ឆ្នាំ២០១៤កន្លងទៅ នៅក្នុងសាកលវិទ្យាល័យម៉ាឡេស៊ី ដោយមានការចូលរួមពីនិស្សិត និងសាស្ត្រាចារ្យមកពីតំបន់អាស៊ីជាច្រើន។</p>
<p>តាមរយៈវីដេអូបានបង្ហាញថា និស្សិតស្រីដែលបានលើកជាសំណួរ ទៅកាន់ប្រធានាធិបតី សហរដ្ឋអាម៉េរិកដំបូងគេរូបនេះ មានឈ្មោះ សុខគីម ជានិស្សិតខ្មែរមួយរូប បានជាប់អាហាររូបករណ៍ ទៅសិក្សានៅក្រៅប្រទេស ដោយនាងបានសួរ ទៅកាន់លោក Obama ថា «តើអ្វីជាក្តីស្រមៃរបស់អ្នក នៅពេលដែលអ្នកមានអាយុ ២០ឆ្នាំ? ហើយតើអ្នកសម្រេចវា ដោយរបៀបណា?»<br />ជាមួយនឹងសំណួរមួយនេះ បានធ្វើឲ្យលោក Obama មានការភ្ញាក់ឡើង ដោយមាននិយាយលេងថា វាជាសំណួរខ្លីមែនពិត តែមិនធម្មតានោះទេ។</p>
<p>សំណួរខ្លីមួយរបស់និស្សិតខ្មែររូបនេះ បានធ្វើឲ្យលោក Obama បកស្រាយដោយជីកកកាយ ពីប្រវត្តិកាលពីគាត់សិក្សា ថ្នាក់វិទ្យាល័យ ជូនដល់អ្នកដែលបានចូលរួម រហូតដល់ទៅជាង ៥នាទីឯណោះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-065/PISETH-0101.jpg" alt="" width="600" /></p>
<p style="text-align: center;"><object width="574" height="492" data="http://www.youtube.com/v/y9DZSr_sfPA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/y9DZSr_sfPA&rel=1" /></object></p>
<p style="text-align: right;"><a href="http://www.lookingtoday.com/index.php/entertainment-general-news/29777-----video-inside.html" target="_blank">ផ្តល់សិទ្ធដោយ ៖ ដើមអម្ពិល</a></p>