<p><strong>ខេត្តបន្ទាយមានជ័យ៖</strong>មានអំពើឃាតកម្មមួយកើតឡើងទាហ៊ានម្នាក់ស៊ីឈ្នួលយាមដីឲ្យក្រុម<br />ហ៊ុនដូងប្រេងថៅកែថៃនៅស្រុកម៉ាឡៃ ត្រូវបានជនមិនស្គាល់មុខយកពូថៅកាប់ត្រូវសុះក្បាល<br />និងផ្ទៃមុខ បណ្តាលឲ្យស្លាប់នៅនឹងកន្លែងកើតហេតុ កាលពីវេលាម៉ោង១០យប់ថ្ងៃទី៧ ខែវិច្ឆិកា <br />ឆ្នាំ ២០១២ ខណៈដែលជនរងគ្រោះ ដេកយាមអេសស្កាវ៉ាតទ័រខូច នៅចម្ងាយពីចំការ ដូងប្រេង<br />៣០០០ម៉ែត្រ ស្ថិតនៅចំណុចភូមិថ្មបាំង ឃុំបឹងបេង ស្រុក ម៉ាឡៃ ខេត្តបន្ទាយមានជ័យ ។</p>
<p><a class="thickbox" title="" href="/FileManager/Commons/2012/11/9/00003-09-11-2012--10-06-35.jpg"><img src="/FileManager/Articles/mce/2012/11/9/00003-09-11-2012--10-06-35.jpg" alt="" /></a></p>
<p>លោកវរសេនីយ៍ត្រី សៅ ប៊ុន អធិការនគរបាលស្រុកម៉ាឡៃ បានប្រាប់ឲ្យដឹងថា៖ ជនរងគ្រោះ <br />មានឈ្មោះស៊ុន ទី ភេទប្រុសអាយុ៥០ឆ្នាំ ប្រកបមុខរបរទាហ៊ាន នៅអង្គភាពវរៈសេនាតូច លេខ<br />៥១៣ចំណុះឲ្យកងពលតូចលេខ៥១ រស់នៅក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្ត<br />បន្ទាយមានជ័យ ហើយមកស៊ីឈ្នួលយាមដីចំការដូងប្រេងឲ្យថៅកែថៃរបស់ក្រុមហ៊ុន ណាំ ហុង<br /> កសិឧស្សាហកម្មដូងប្រេងគ្រប់គ្រងដោយឈ្មោះ សុំ សំអិត ជនជាតិថៃជនរង គ្រោះស៊ីឈ្នួល<br />យាមចំការឲ្យថៅកែថៃជាង៣ឆ្នាំមកហើយ។</p>
<p>លោកអធិការបានបន្តឲ្យដឹងទៀតថា៖ករណីអំពើឃាតកម្មនេះសមត្ថកិច្ច មិនទាន់កំណត់បានថា<br />ជាអំពើប្លន់រឺក៏ជាករណីគំនុំនោះទេដោយសមត្ថកិច្ច ចុះទៅធ្វើការស្រាវជ្រាវនៅកន្លែងកើត ហេតុ<br />ឃើញកាបូបលុយជនរងគ្រោះត្រូវបានឃាតករយកទៅហែកចោលនិងបោះប័ណ្ណ សំគាល់ខ្លួនទា<br />ហ៊ាន នៅចម្ងាយពីសពប្រហែល៣០០ម៉ែត្រ មិនដឹងប្រាក់នៅក្នុងកាបូបជនរងគ្រោះនេះ មានចំនួន<br />ប៉ុន្មានឡើយ។</p>
<p>ករណីឃាតកម្មនេះសមត្ថកិច្ចកំពុងតែយកចិត្ត ទុកដាក់ធ្វើការស្រាវ ជ្រាវដើម្បីស្វែងរកមុខសញ្ញា<br />ជនល្មើសក្នុងការចាប់យកមកផ្តន្ទាទោសទៅតាម ផ្លូវច្បាប់។សពជនរងគ្រោះត្រូវបានសមតកិច្ច<br />ប្រគល់ជូនគ្រួសារសពយក ទៅចាត់ចែងធ្វើបុណ្យតាមប្រពៃណី៕</p>
<p> </p>
<p style="text-align: right;">ដោយ ៖ សីហា<br />ប្រភព ៖ PL</p>