<div class="article-content">
<p><strong>ភ្នំពេញ៖</strong> ក្រុមក្មេង ទំនើងពីរក្រុម សង្ស័យសងសឹក គំនុំចាស់ បាននាំគ្នាបក្ខពួក មកជិះម៉ូតូដេញ<br />បាញ់ គ្នាទាំងព្រឹក នៅតាមផ្លូវលេខ១៨៤ ក្បែរប៉ុស្តិ៍ នគរបាលផ្សារថ្មីទី២ ខណ្ឌដូនពេញ បង្កឲ្យមាន<br />ការ ភ្ញាក់ផ្អើល ដល់ប្រជាពលរដ្ឋ និងសមត្ថកិច្ចមូលដ្ឋាន តែពុំបណ្តាលឲ្យនរណាម្នាក់ រងរបួស ឫ<br />រងគ្រោះថ្នាក់ដល់អាយុជីវិតនោះទេ ។</p>
<p>សេចក្តីរាយការណ៍ពីកន្លែងកើតហេតុ បានឲ្យដឹងថា ស្នូរគ្រាប់កាំភ្លើងជាង១០គ្រាប់ត្រូវបាន ក្រុម<br />ក្មេងទំនើងបាញ់គ្នា ដូចរឿង ចិនហុងកុង កាលពីវេលាម៉ោងប្រមាណ ៨ព្រឹកថ្ងៃទី៦ ខែតុលា ឆ្នាំ<br />២០១៣នេះ សង្ស័យសងសឹកគំនុំចាស់់។ បើតាមសេចក្តីរាយការណ៍ ក្រោយពេលកើតហេតុ ខណៈ<br />ភាគីម្ខាងទំនង បាញ់អស់គ្រាប់ បានភ្ជង់បុរសម្នាក់ ខណៈកំពុងជិះម៉ូតូ ម៉ាកសង់ប្រើប៊ិច ពាក់ស្លាក<br />លេខភ្នំពេញ 1BI-1114 រួចហើយយកម៉ូតូនោះ ជិះគេចខ្លួន បាត់ទៅ ។</p>
<p>យ៉ាងណាក៏ដោយ ក្រុមក្មេងទំនើងទាំងនោះ បានបន្សល់ទុកម៉ូតូ មួយគ្រឿង នៅកន្លែងកើតហេតុ <br />ម៉ាក សេ១២៥ ពណ៌ខ្មៅ ពាក់ស្លាកលេខ ភ្នំពេញ 1AC-1297 ហើយត្រូវបានសមត្ថកិច្ច យកទៅរក្សា<br />ទុក ដើម្បីធ្វើការស្រាវជ្រាវ តាមក្រោយ។ ជាមួយគ្នានេះ កម្លាំងសមត្ថកិច្ច ដែលចុះទៅ ជួយអន្តរា<br />គមន៍ភ្លាមៗ នៅកន្លែងកើតហេតុនោះ បានប្រមូល គ្រាប់កាទូសចំនួន១៣ គ្រាប់ដែល ក្រុមក្មេង<br />ទំនើងបានបាញ់គ្នាបន្សល់ទុក ។</p>
<p>នេះជាសកម្មភាព ក្រុមក្មេងទំនើង ដេញបាញ់គ្នាដូចរឿងចិនហុងកុង ម្តងទៀតហើយ និងត្រូវគេដឹង<br />ថា ក្រុមក្មេងទំនើងទាំងនោះ ជាកូនអស់លោកអ្នកធំ និងមានអំណាច ប៉ុន្តែប្រជាពលរដ្ឋ មានជំនឿ<br />យ៉ាងមុតមំាថា កម្លាំងនគរបាល ដែលដឹកនាំដោយ លោកឧត្តមសេនីយ៍ ជួន សុវណ្ណ និងកម្លាំងអាវុធ<br />ហត្ថ ដឹកនាំដោយលោកឧត្តមសេនីយ៍ទោ រ័ត្ន ស្រ៊ាង នឹងតាមចាប់ ក្រុមជនល្មើសទាំងនេះ ដែលបង្ក<br />ការអុកឡុក នៅក្នុងសង្គម នាំឲ្យប្រជាពលរដ្ឋ មានការភ័យខ្លាច ជាពិសេស ត្រូវអនុវត្ត ឲ្យបានតាម<br />បទបញ្ជារបស់សម្តេចនាយករដ្ឋមន្រ្តី ហ៊ុន សែន៕</p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-35.jpg" alt="" width="500" /></p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-36.jpg" alt="" width="500" /></p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-37.jpg" alt="" width="500" /></p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-38.jpg" alt="" width="500" /></p>
<p style="text-align: center;"><img src="http://image.dap-news.com:81//dap-news/dap-images/2013/October/id-010/chanroth013-oct-39.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>