<p>វត្តសៅលិញ ដែលស្ថិតនៅក្នុងឃុំ Dengfeng ទីក្រុង Zhengzhou នៃខេត្រ Henan ប្រទេស<br />ចិនបានក្លាយជា “ការិយាល័យកណ្ដាល” នៃបណ្ដាក្រុមហ៊ុន ដែលដឹកនាំដោយចៅអធិការវត្ត<br /> Shi Yong Shin (奭永信) ។<br /><br />បច្ចុប្បន្ន ក្រុមមន្ដ្រីសង្ឃរបស់វត្តសៅលិញ កំពុងចូលរួមធ្វើសកម្មភាពជំនួញស្ទើរគ្រប់វិស័យ <br />ចាប់ពីការឃោសនាស្វែងរកអ្នកមានទេពកោសល្យ រហូតដល់ការសម្ដែងក្បាច់គុន សិល្បៈ<br />ដោយធ្វើដំណើរសម្ដែងជុំវិញពិភពលោក ជាងនេះទៀត វត្តសៅលិញក៏បានបើកសាលាក្បាច់<br />គុនផងដែរ។ សកម្មភាពរកប្រាក់ទាំងនេះ បានចាប់ផ្ដើមឡើង បន្ទាប់ពីភិក្ខុ Shi Yong Shin <br />(奭永信) ត្រូវបានតែងតាំងជាចៅអធិការវត្តសៅលិញ នៅឆ្នាំ ១៩៩៩ ។</p>
<p><a class="thickbox" title="" href="/FileManager/Commons/2013/8/22/saoling-22-08-2013--13-37-09.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/22/saoling-22-08-2013--13-37-09.jpg" alt="" /></a><br />ប៉ុន្ដែ គំនិតមួយដែលប្រែក្លាយវត្តសៅលិញ (ដែលជាវត្តមួយត្រូវបានកសាងកាលពីឆ្នាំ ៤៩៥)<br /> ទៅជាកន្លែងរកប្រាក់បែបអាមេរិក របស់ចៅអធិការ Shi Yong Shin ក៏ក្លាយជាចំណុចក្ដៅនៃ<br />ការរិះគន់ បើទោះ ព្រះសង្ឃអង្គនេះ ធ្លាប់មានសង្ឃដីកាថា ៖ “វត្តសៅលិញគឺជាអង្រឹងនៃក្បាច់<br />គុន ដូច្នេះ យើងត្រូវតែមានទំនួលខុសត្រូវធំ ក្នុងការឃោសនាក្បាច់គុន”។ <br /><br />លោកសាស្ដ្រាចារ្យ Zhu Xiao Jing មកពីសកលវិទ្យាល័យប្រជាជន នៅក្រុងប៉េកាំង យល់ថា<br /> វត្តសៅលិញ បានដើរហួសគន្លងដើម ក្នុងការស្វែងរកប្រាក់ចំណេញ។ លោកថា “មិនគួរគ្រប់<br />គ្រងវត្ត ដូចជាក្រុមហ៊ុន” ។<br /> <br />លោកសាស្ដ្រាចារ្យខាងលើ បន្ដថា “វត្តអារាម ត្រូវតែជាកន្លែងសម្រាប់អ្នកគោរពបូជា ពឹងពាក់<br />ផ្លូវចិត្ត។ ការប្រែក្លាយវត្តទៅជាកន្លែងរកប្រាក់ គឺជាការខុសឆ្គង” ។<br /> <br />កាលពីថ្ងៃទី ១៧សីហា គេហទំព័រសារព័ត៌មានមួយនៅប្រទេសចិន បានចុះផ្សាយអំពីព័ត៌មាន<br />នៃការធ្វើជំនួញរបស់វត្តសៅលិញ ពិសេសគឺចៅអធិការ Shi Yong Shin ។<br /><br />ទំព័រកាសែតនេះ បានសរសេថា ចាប់ពីឆ្នាំ ១៩៩៩ ក្រោយពី Shi Yong Shin បានក្លាយជាចៅ<br />អធិការជំនាន់ទី ៣០ វត្ដសៅលិញ បានឈានដល់ដំណាក់កាលរីកចម្រើនបំផុត ហើយបានបាត់<br />បង់តម្លៃដើមស្ទើរទាំងស្រុង។</p>
<p><a class="thickbox" title="" href="/FileManager/Commons/2013/8/22/saoliing1-22-08-2013--13-37-54.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/22/saoliing1-22-08-2013--13-37-54.jpg" alt="" /></a><br />ក្នុងរយៈពេលជាច្រើនឆ្នាំមកនេះ វត្តសៅលិញ បានក្លាយជាក្រុមហ៊ុនធំ ដែលមានក្រុមហ៊ុន<br />តូចចំនួន ៥ ដែលមានឈ្មោះ សៅលិញ ក្នុងនោះមាន ក្រុមហ៊ុនគ្រប់គ្រងទ្រព្យសម្បត្ដិ ក្រុមហ៊ុន<br />អភិវឌ្ឍអាហារ និងក្រុមហុនឱសថផងដែរ។ <br /> <br />បច្ចុប្បន្ន វត្តសៅលិញ បានក្លាយជាក្រុមហ៊ុនមរតកបែបបណ្ដាញ ដែលធ្វើសកម្មភាពក្នុងវិស័យ<br />ជាច្រើន ដូចជា មនុស្សធម៌ ក្បាច់គុន ពេទ្យវិទ្យា សិល្បៈ បោះពុម្ភ ក្នុងនោះ ក៏មានក្រុមហ៊ុនជាង<br /> ៤០ នៅក្រុង Berlin និង London និងសាលារៀន មន្ទីរស្រាវជ្រាវ ផ្សព្វផ្សាយក្បាច់គុនកុងហ៊្វូ ជាង<br /> ៥០កន្លែង ទាំងនេះ ក្លាយជាប្រភពចំណូលសំខាន់របស់វត្តសៅលិញ ដោយក្នុងមួយឆ្នឈៗ វត្ត<br />នេះទទួលបានប្រាក់ចំណូលប្រហែល ១០លានផោន ប្រមាណជាជាង ១៥លានដុល្លារអាមេរិក។<br /><br />យ៉ាងនេះក្ដី ចៅអធិការអង្គនេះ កំពុងរងការចោទប្រការថា មានស្រី និងមានកូន នៅប្រទេស<br /> អាល្លឺម៉ង់ ព្រមទាំងមានទ្រព្យដល់ទៅប្រហែល ៣ពាន់លានដុល្លារ។ តប់ទៅនឹងការចោទប្រកាន់<br />នេះ កាលពីថ្ងៃទី ២០សីហា ចៅអធិការវត្តសៅលិញ Shi Yong Shin (奭永信) មានសង្ឃដីកា <br />បដិសេធអំពីរឿងនេះ។ <br /><br />ចៅអធិការវត្តសៅលិញ ព្រះនាម Shi Yong Shin (奭永信) ប្រកាសថា ព្រះអង្គមិនដែលបាន<br />បំពានវិន័យដោយការទាក់ទងស្រី ឬមានស្នេហាដូចនិយាយក្នុងចោទប្រកាន់ ឬពាក្យចចាម<br />អារ៉ាមនោះទេ។ ទន្ទឹមនឹងនេះ ចៅអធិការអង្គនេះ ក៏បានយល់ថា បញ្ហានេះ អាចបង្កើតឡើងដោយមនុស្សមួយចំនួនដែលមានបំណងមិនល្អ ដើម្បីធ្វើបាបព្រះអង្គ៕</p>
<p style="text-align: right;"><br />ដោយ ៖ តារា<br />ប្រភព ៖ dailymail/BHN<br /> <br /><br /></p>