<p><span style="color: #000000;"><strong>-អ្នកស្លាប់ដោយសារ គ្រោះថ្នាក់ចរាចរ នៅទូទាំងខេត្ដកំពង់ចាម កើន២៥នាក់ ដើម ឆ្នាំ២០១៥នេះ</strong></span></p>
<p><span style="color: #000000;"><strong>កំពង់ចាម ៖</strong> បុរសពីរនាក់ ពេលកំពុងជិះ ម៉ូតូសង់កូរ៉េឌុបគ្នា ត្រូវបានរថយន្ដស្ដារិចមួយ គ្រឿងបុក ពេញមួយទំហឹង បណ្ដាលឱ្យស្លាប់ ភ្លាមៗនៅនឹងកន្លែងកើតហេតុ កាលពីវេលា ម៉ោង៤និង៣០ នាទី រសៀលថ្ងៃទី១៥ ខែកុម្ភៈ ឆ្នាំ ២០១៥ ស្ថិតនៅលើផ្លូវជាតិលេខ៦ ឃុំ ផ្ដៅជុំ ស្រុកជើងព្រៃ ខេត្ដកំពង់ចាម ។</span></p>
<p><span style="color: #000000;">គ្រោះថ្នាក់ចរាចរណ៍ផ្ដាច់ជីវិតអ្នកដំណើរ តាមម៉ូតូទាំងពីរនាក់នៅក្នុងទឹកដីខេត្ដកំពង់ ចាម បានជំរុញឱ្យ អ្នក ស្លាប់ដោយ សារឃាតក មួយនេះ កើនឡើង២៥នាក់ បានស្លាប់នៅ ទូទាំងខេត្ដកំពង់ចាម គិតត្រឹមដើមឆ្នាំ២០១៥ នេះ ។</span></p>
<p><span style="color: #000000;">មន្ដ្រីនគរបាលស្រុកជើងព្រៃ បានឱ្យដឹង ថា ជនរងគ្រោះទី១ ឈ្មោះសំ សែប អាយុ ២៦ឆ្នាំ និងទី២ ឈ្មោះហោ ហ៊ន អាយុ៣៨ ឆ្នាំ រស់នៅភូមិដំណាក់អម្ពិល ឃុំស្ដើងជ័យ ស្រុកជើងព្រៃ ខេត្ដកំពង់ចាម ។</span></p>
<p><span style="color: #000000;">តាមការបញ្ជាក់ពីមន្ដ្រីនគរបាលដដែល មុនពេលកើតហេតុ គេបានឃើញរថយន្ដស្ដា រិច ពាក់ស្លាកលេខ ONG.202.2.297 ពណ៌ ទឹកប្រាក់ បានធ្វើដំណើរក្នុងទិសដៅពីលិច ទៅកើត លុះពេលធ្វើ ដំណើរ ដល់ខាងកើត ហាង ៨៨ស្គុន ស្រាប់តែ ជ្រុលទៅបុកម៉ូតូ ម៉ាកសេ១០០ ពណ៌ក្រហម គ្មានស្លាក លេខ បណ្ដាលឱ្យ ជនរងគ្រោះទាំងពីរនាក់ដួលបោក ក្បាលស្លាប់ភ្លាមៗតែម្ដង ។</span></p>
<p><span style="color: #000000;">ក្រោយគ្រោះថ្នាក់ចរាចរណ៍ខាងលើនេះ កើតឡើង អ្នកបើករថយន្ដបានរត់គេចខ្លួន បាត់ បន្សល់ទុកសព ជនរង គ្រោះទាំងពីរនាក់ នៅកន្លែងកើតហេតុ ហើយត្រូវបានសមត្ថ កិច្ចមូលដ្ឋានជួយ ទាក់ទងទៅ ក្រុមគ្រួសារ ដើម្បីមកទទួលយកទៅធ្វើបុណ្យតាមប្រពៃណី ។</span></p>
<p><span style="color: #000000;">ដោយឡែកម៉ូតូនិងរថយន្ដ ត្រូវបានសមត្ថ កិច្ចយកទៅរក្សាទុកនៅអធិការដ្ឋាននគរបាល ស្រុកជើងព្រៃ ដើម្បីរង់ចាំការដោះស្រាយ បន្ដទៀត។</span></p>
<p><span style="color: #000000;">យោងតាមស្នងការនគរបាលខេត្តកំពង់ចាម លោកឧត្តមសេនីយ៍ បែន រ័ត្ន បានបង្ហាញថា រយៈពេល ២ខែ ដើមឆ្នាំ ២០១៥នេះ អ្នកស្លាប់ដោយសារគ្រោះថ្នាក់ចរាចរនៅទូទាំងខេត្ត បានកើតឡើង២៥នាក់ រីឯអ្នករងរបួស ជាច្រើន នាក់ផ្សេងទៀត។</span></p>
<p><span style="color: #000000;">លោកឧត្តមសេនីយ៍ស្នងការ បានដាក់ផែនការឲ្យនគរបាលជំនាញចរាចរ និងនគរបាលតាមបណ្តាសុ្រកក្រុង បង្កើនយុទ្ធនាការរឹតបណ្តឹងច្បាប់ចរាចរផ្លូវគោក និងបង្កើតការផ្សព្វផ្សាយ អំពីករណីនេះដល់ ប្រជាពលរដ្ឋ តាមមូលដ្ឋាន ដើម្បីចូលរួមទាំងអស់គ្នា កាត់បន្ថយឃាតករនៅលើដងវិថីមួយនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/16/2-16-2015-10-34-48-am-16-02-2015--10-41-09.png"><img src="/FileManager/Articles/mce/2015/2/16/2-16-2015-10-34-48-am-16-02-2015--10-41-09.png" alt="" /></a></span></p>
<p><a class="thickbox" title="" href="/FileManager/Commons/2015/2/16/2-16-2015-10-35-05-am-16-02-2015--10-41-19.png"><img src="/FileManager/Articles/mce/2015/2/16/2-16-2015-10-35-05-am-16-02-2015--10-41-19.png" alt="" /></a></p>
<p><a class="thickbox" title="" href="/FileManager/Commons/2015/2/16/2-16-2015-10-35-18-am-16-02-2015--10-41-29.png"><img src="/FileManager/Articles/mce/2015/2/16/2-16-2015-10-35-18-am-16-02-2015--10-41-29.png" alt="" /></a></p>
<p><a class="thickbox" title="" href="/FileManager/Commons/2015/2/16/2-16-2015-10-35-32-am-16-02-2015--10-41-39.png"><img src="/FileManager/Articles/mce/2015/2/16/2-16-2015-10-35-32-am-16-02-2015--10-41-39.png" alt="" /></a></p>
<p style="text-align: right;"><span>ផ្ដល់សិទ្ធដោយ ដើមអម្ពិល</span><span style="color: #000000;"><br /></span></p>