<div class="article-content">
<p><strong>ភ្នំពេញៈ</strong> ផ្ទះគ្រូខ្មែរ ចេះទស្សទាយ មើលរាសី ត្រូវបានអគ្គិភ័យ ឆាបឆេះខ្ទេច រួចហើយរាល<br />ដាល ទៅឆេះផ្ទះ ដែលនៅជាប់ និងឆេះខ្ទេចមួយខ្នងទៀត រាបដល់ដី ម្ចាស់ផ្ទះ បានសន្និដ្ឋាន<br />ថា ទុស្សេខ្សែភ្លើង ប៉ុន្តែ នគរបាល បាននិយាយថា មិនមែនបណ្តាលមកពី ទុស្សេខែ្សភ្លើងទេ<br /> ព្រោះឌីសង់ទ័រ មិនលោត ទោះបីយ៉ាងណា នគរបាល ថា ការសន្និដ្ឋាន នៅតែពុំច្បាស់លាស់<br />ទាំងអស់ ។</p>
<p>ហេតុការណ៍នេះ កើតឡើងកាលពីវេលាម៉ោង ២៣ និង ៣០នាទី ថ្ងៃទី៧ ខែមីនា ឆ្នាំ២០១៣<br /> ស្ថិតនៅក្នុង ភូមិមុខ បួន សង្កាត់ពន្សាំង ខណ្ឌពោធិ៍ សែនជ័យ រាជធានីភ្នំពេញ ។</p>
<p>នគរបាលមូលដ្ឋាន ឲ្យដឹងថា ម្ចាស់ផ្ទះ ដែលរងការឆាបឆេះដំបូងគេ ត្រូវជាឪពុក ឈ្មោះ ស៊ែម <br />ហុក អាយុ៥៧ ឆ្នាំ មានមុខរបរ ជាកសិករ និងជាគ្រូ ខ្មែរ ចេះទស្សទាយ និងស្តោះផ្លុំ នៅក្នុងភូមិ<br />កើតហេតុ រងការខូចខាតផ្ទះមួយខ្នង ឈើលើ ថ្មក្រោម ដែលមានទំហំ ៦ ម៉ែត្រ គុណ ១២ ម៉ែត្រ<br /> និងជន រងគ្រោះ ទី២ ត្រូវជាកូនមានឈ្មោះ ហុក សុខឃឿន ភេទស្រី អាយុ ៣១ ឆ្នាំ មានមុខរបរ<br /> ជាកសិករ រងការខូចខាត ផ្ទះឈើមួយខ្នង រាបដល់ដី ដែល មានទំហំ ៦ ម៉ែត្រ គុណនឹង ៨ ម៉ែត្រ<br /> សម្ភារៈដែលបាត់បង់ លុយឆេះអស់ ៥លានរៀលនិង១៥០០ដុល្លារ និងកូនស្រីលុយ ៥០ម៉ឺនរៀល<br /> ម៉ាស៊ីន ដេរ ១ គ្រឿង អង្ករមួយបាវផងដែរ ។</p>
<p>សាក្សី នៅកន្លែងកើតហេតុ បានឲ្យដឹងថា មុនពេលកើតហេតុ ដោយសារតែគាត់ ជាគ្រូខ្មែរ គាត់<br />តែងតែដុត ធូប និងទានជាប្រចាំ ហើយខណៈ កើត ហេតុ ក៏មិនដឹងថា មកពីមូលហេតុអ្វីច្បាស់<br />លាស់នោះដែរ ប៉ុន្តែខណៈម្ចាស់កំពុងតែដេកសុខៗ ស្រាប់តែមានអណ្តាតភ្លើង ឆាបឆេះចេញពី<br />កណ្តាលផ្ទះ យ៉ាងសន្ធោសន្ធៅ រហូតធ្វើឲ្យផ្ទះមួយខ្នង នៅសល់តែរងើកភ្លើងប៉ុណ្ណោះ ហើយក៏<br />បានរាលដាល ទៅកាន់ផ្ទះកូនស្រីរបស់គាត់ នៅក្បែរនោះ ឆេះរាប ដល់ដីសល់តែរងើកភ្លើង<br /> និងផេះផងដូចគ្នា ។ ហើយសមត្ថកិច្ច ពុំអាចបញ្ចេញរថយន្ត ពន្លត់អគ្គិភ័យ ទៅជួយសង្គ្រោះ<br />បានឡើយ ដោយសារតែ សង្កាត់មួយនេះ នៅឆ្ងាយពេក ទំរាំទៅដល់ឆេះខ្ទេច ។ រីឯម្ចាស់ផ្ទះ<br />ពីរនាក់ឪពុកនិងកូនបានត្រឹមតែអង្គុយមើលភ្លើងឆេះតែប៉ុណ្ណោះ ៕</p>
<p style="text-align: center;"><img title="" src="http://111.92.240.170:81/dap-news/dap-images/2013/March/id-015/T-0259.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0260.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0261.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>