<p>ស្រ្តីជនជាតិចិន ដែលជាអ្នកគ្រប់គ្រងរោងចក្រថបវើល ក្នុងខណ្ឌមានជ័យ ត្រូវបានបញ្ជូនទៅ<br /> ស្នងការនគរបាលរាជធានីភ្នំពេញ កាលពីព្រឹកថ្ងៃច័ន្ទ បន្ទាប់ពីកម្មករចោទថា បានហែកព្រះ<br /> ឆាយាល័ក្ខណ៍របស់ព្រះមហាវីរក្សត្រ ព្រះបាទនរោត្តមសីហនុ។</p>
<p>កាលពី ថ្ងៃច័ន្ទ កម្មករ-កម្មការនីរោងចក្រ ថបវើល នៅក្បាលកោះ ក្នុងខណ្ឌមានជ័យ ជាង<br />១០០០នាក់ រួមទាំងប្រជាពលរដ្ឋប្រមាណជា ៥០០នាក់ប្រមូលផ្តុំគ្នានៅរោងចក្រថបវើល បង្ខំ<br />ឲ្យអ្នកគ្រប់គ្រងរោងចក្រថបវើលជនជាតិចិនរូបនេះ កោរសក់កាន់ទុក្ខ និងសុំទោសព្រះមហាវីរ<br />ក្សត្រ ព្រោះអ្នកគ្រប់គ្រងរូបនេះ បានហែក និងជាន់ព្រះឆាយាល័ក្ខណ៍របស់ព្រះមហាវីរក្សត្រ។</p>
<p><a class="thickbox" title="" href="/FileManager/Commons/2012/10/23/37578610151281090018210642844052n-23-10-2012--07-57-45.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/23/37578610151281090018210642844052n-23-10-2012--07-57-45.jpg" alt="" width="459" height="542" /></a></p>
<p>មន្រ្តីអង្កេតការសហជីពសេរីកម្មករ លោក យ៉ាន់ កែវពិសី មានប្រសាសន៍ថា រហូតមកដល់ពេល<br />នេះ អ្នកគ្រប់គ្រងជនជាតិចិននេះ ត្រូវបានបញ្ជូនទៅស្នងការនគរបាលរាជធានីភ្នំពេញ បន្ទាប់<br />ពីបានចរចាជាមួយកម្មករ និងអាជ្ញាធរនៅសាលាខណ្ឌបរាជ័យ។ លោកថា អាជ្ញាធរបានឲ្យជន<br />ជាតិចិនរូបនោះ ថ្វាយបង្គំសូមអភ័យទោស ចំពោះព្រះឆាយាល័ក្ខណ៍របស់ព្រះអង្គ នៅខាងមុខ<br />រោងចក្រ ៖ “ប៉ិនដល់ពេលចរចាគ្នាហ្នឹងអត់ត្រូវ យកចេញអត់រួច គេក៏រាយការណ៍ទៅខាងស្នង<br />ការហ្នឹង ហើយខាងស្នងការហ្នឹងក៏ចុះមក ហើយក្រោយពីមានការសុំទោសនៅពីមុខរោងចក្រហ្នឹង<br />អីហើយ ខាងស្នងការហ្នឹងយកទៅស្នងការតែម្តង”។</p>
<p><a class="thickbox" title="" href="/FileManager/Commons/2012/10/23/12102208183201-23-10-2012--08-18-37.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/23/12102208183201-23-10-2012--08-18-37.jpg" alt="" width="414" height="306" /></a></p>
<p>ប្រធានក្រុម កម្មករ អ្នកស្រី សំ អ៊ិនស្រីយន់ មានប្រសាសន៍ថា រហូតមកដល់ពេលនេះ កម្មករ<br />ទាំងអស់បានរំសាយ និងត្រឡប់ទៅផ្ទះវិញ តែអ្នកស្រីបន្តថា កម្មករនៅតែអះអាងថា ថ្ងៃស្អែក<br />នេះ ពួកគេនឹងមិនធ្វើការនោះទេ គឺនៅរង់ចាំស្តាប់ដំណោះស្រាយពីការដាក់ទណ្ឌកម្មលើអ្នក <br />គ្រប់គ្រងជនជាតិចិនរូបនោះ ជាមុនសិន។</p>
<p>អធិការនគរបាលខណ្ឌមានជ័យ លោក ហ៊ី ណាវិន បដិសេធអធិប្បាយ ដោយលោកគ្រាន់តែ<br />អះអាងថា ជនជាតិចិនរូបនោះ ត្រូវបានបញ្ជូនទៅស្នងការនគរបាលរាជធានីភ្នំពេញរួចហើយ <br />៖ “អូហ្នឹងហើយ រឿងហ្នឹងយកទៅក្រុង នេះគ្រាន់តែកើតឡើងនៅហ្នឹង ឥឡូវបញ្ជូនទៅស្នងការ”។</p>
<p> </p>
<p style="text-align: right;">ដោយ ៖ ចិន្ដា<br /><br /></p>
<p> </p>