<p><span style="color: #000000;"><strong>(វ៉ាស៊ីនតោន)៖</strong> អនុរដ្ឋមន្ត្រីការពារជាតិអាមេរិកលោក Robert Work បានអះអាងថា មន្ទីរប៉ង់តាហ្គោន ត្រូវការទិញម៉ាស៊ីន RD-180 ផលិតដោយរុស្ស៊ីចំនួន ១៨គ្រឿងបន្ថែមទៀត ដើម្បីជម្រុញថាមពល បាញ់គ្រាប់រ៉ុក្កែតរបស់ខ្លួន និងបង្ហោះផ្កាយរណបទៅកាន់ទីអវកាស សម្រាប់រយៈពេល ៦ឆ្នាំទៅ មុខទៀត។ នេះបើតាមការចេញផ្សាយមុននេះបន្តិច ដោយសារព័ត៌មាន Channel News Asia នាព្រឹកថ្ងៃសៅរ៍ ទី០៩ ខែមេសា ឆ្នាំ២០១៦។</span></p>
<p><span style="color: #000000;">ពេលកន្លងទៅ សភាធ្លាប់បានសម្រេចហាមរដ្ឋាភិបាលអាមេរិក មិនឲ្យទិញម៉ាស៊ីនប្រភេទ RD-180 នេះពីប្រទេសរុស្ស៊ីឡើយរហូតដល់ឆ្នាំ ២០១៩ ដើម្បីជាការដាក់ទណ្ឌកម្មលើទីក្រុងមូស្គូ ដែលបានចូល លុកលុយនិងគ្រប់គ្រងតំបន់គ្រីមា របស់អ៊ុយក្រែនកាលពីឆ្នាំ ២០១៤។ ក៏ប៉ុន្តែកាលពីឆ្នាំ ២០១៥ កន្លងទៅនេះទណ្ឌកម្មនោះ ត្រូវបានដកចេញហើយ ដោយមើលឃើញនូវសារសំខាន់ នៃការបាញ់បង្ហោះ យានSpaceX ទៅកាន់គន្លងតារាវិថី ដែលកន្លងមកតែងតែជួបការលំបាក ពេលខ្វះបច្ចេកវិទ្យាពីរុស្ស៊ី៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/9/13d-09-04-2016--10-42-07.jpg"><img src="/FileManager/Articles/mce/2016/4/9/13d-09-04-2016--10-42-07.jpg" alt="" /></a><br /></span></p>
<p> </p>
<p style="text-align: right;"><br /><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>