<div class="article-content">
<p><strong>ភ្នំពេញ ៖</strong> យុវជនម្នាក់ត្រូវ មិត្តភក្តិរួមដំណើរ វាយពីក្រោយ បណ្តាលឲ្យបែកក្បាល រួចទាញ<br /> ទម្លាក់ពីលើម៉ូតូ ដើម្បីដណ្តើមយកម៉ូតូជិះ គេចខ្លួន តែជិះបានបន្តិច ក៏ត្រូវ កម្លាំងនគរបាល <br />ប៉ុស្តិ៍បឹងទំពុន ក្របួចជាប់ភ្លាមៗ កាលពីវេលាម៉ោង២ រំលងអាធ្រាត្រ ឈានចូលថ្ងៃទី៤ ខែវិច្ឆិកា<br /> ឆ្នាំ២០១៣ ស្ថិតនៅចំណុច ផ្លូវបេតុង ខាងក្រោយវត្ត សន្សំកុសល្យ ក្នុងភូមិសន្សំកុសល <br />សង្កាត់បឹងទំពុន ខណ្ឌមានជ័យ ។</p>
<p>សាក្សីនៅកន្លែងកើតហេតុ បានឲ្យដឹងថា មុនពេលកើតហេតុ បុរសរងគ្រោះ ជិះម៉ូតូមួយគ្រឿង<br /> ម៉ាកស្កូបពី ពណ៌ស ពាក់ស្លាកលេខ ភ្នំពេញ 1BW-4710 បានឌុបមនុស្ស ប្រុសម្នាក់ មិនដឹង<br />ជាមិត្តភក្តិ ឬជាមនុស្សស្គាល់គ្នា បែបណានោះទេ ដោយជិះក្នុងទិសដៅពី កើតទៅលិច <br />ពោលគឺពីផ្សារ បឹងទំពុន ចុះទៅប្រឡាយ លុះមកដល់ ចំណុចកើតហេតុ ត្រូវអ្នកជិះពីក្រោយ <br />វាយពីក្រោយ បណ្តាលឲ្យបែកក្បាល រងរបួសធ្ងន់ធ្ងរ ហើយជនសង្ស័យ បានយកម៉ូតូជិះរត់ <br />ដល់ចំណុចមុខខ្លោងទ្វារវត្ត សន្សំកុសល ត្រូវសមត្ថកិច្ចស្ទាក់ និងបាញ់គំរាមឡើងលើ១គ្រាប់<br /> ដើម្បីចាប់ជនសង្ស័យ តែត្រូវ ជនសង្ស័យភ័យផ្តួល ម៉ូតូរត់គេចខ្លួនបាត់ ដោយសារយប់ងងឹត <br />សមត្ថកិច្ចតាមចាប់ជន សង្ស័យមិនបាន ។ សមត្ថកិច្ចបានដកហូតម៉ូតូរបស់ជនរងគ្រោះ មក<br />រក្សាទុកនៅ ស្នាក់ការប៉ុស្តិ៍នគរបាលបឹងទំពុន ។</p>
<p>ចំណែកជនរង គ្រោះត្រូវបានលោកនាយនគរបាលប៉ុស្តិ៍ ឡូ ភារម្យ ហៅរថយន្តសាមុយដឹក <br />យកទៅសង្គ្រោះនៅមន្ទីរពេទ្យមិត្តភាព ខ្មែរ-សូវៀត ដោយមិនទាន់ ស្គាល់អត្តសញ្ញាណ <br />ច្បាស់លាស់នៅឡើយទេ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/November/id-067/CH-0083.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0084.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>