<div class="article-content">
<p><span style="color: #000000;"><strong>ភ្នំពេញ ៖</strong> សពស្ដ្រីម្នាក់ ត្រូវបានអ្នករៀប ចំបន្ទប់នៃផ្ទះសំណាក់អប្សរាមាស ដែលមាន ទីតាំងស្ថិត នៅភូមិប៉ប្រក ខាងត្បូង សង្កាត់ កាកាប ខណ្ឌពោធិ៍សែនជ័យ ប្រទះឃើញ ដេកស្លាប់នៅលើគ្រែ ដោយមានស្នាមចងក ជាប់ នឹងក្បាលគ្រែ កាលពីវេលាម៉ោង១២ និង៤៥នាទីរសៀលថ្ងៃទី៣១ ខែតុលា ឆ្នាំ ២០១៤ បង្កឱ្យមានការភ្ញាក់ផ្អើល ដល់អាជ្ញា ធរ និងសមត្ថកិច្ចព្រមទាំងប្រជាពលរដ្ឋជា ច្រើននាក់ទៅចោមរោមមើល ។</span></p>
<p><span style="color: #000000;">ចំពោះករណីការស្លាប់របស់ស្ដ្រីរងគ្រោះ រូបនេះ បើទោះបីសមត្ថកិច្ចជំនាញបច្ចេក ទេសនៃអធិការដ្ឋាន នគរបាល ខណ្ឌពោធិ៍សែន ជ័យ មិនទាន់បានបកស្រាយនិងបញ្ជាក់ជា ផ្លូវការថា ជាអំពើអត្ដឃាតឬអំពើឃាតកម្ម ក៏ដោយ នោះ ប៉ុន្ដែប្រជាពលរដ្ឋ ដែលចោម រោមមើលទិដ្ឋភាពខាងលើនេះ សង្ស័យថា ជារឿងឃាតកម្ម ពីព្រោះ សពស្ដ្រី រងគ្រោះ ដេកស្លាប់នៅលើគ្រែ ដោយមានខ្សែចងក ភ្ជាប់ទៅនឹងក្បាលគ្រែ ដូច្នេះបើជនរងគ្រោះ ពិតជាចងក ធ្វើអត្ដឃាតមែននោះ មិនមែន ក្នុងរូបភាពចងកបែបនេះឡើយ ។</span></p>
<p><span style="color: #000000;">សេចក្ដីរាយការណ៍ពីសាក្សីនៅកន្លែងកើត ហេតុ បានឱ្យដឹងថា ស្ដ្រីរងគ្រោះអាចត្រូវ ជនដៃដល់ជាបុរសម្នាក់ សម្លាប់ រួចហើយ យករបស់ស្ដ្រីរងគ្រោះទៅចងភ្ជាប់នឹងក្បាល គ្រែ មុនពេលរត់គេចខ្លួន ។</span></p>
<p><span style="color: #000000;">ប្រភពព័ត៌មានពីបុគ្គលិកផ្ទះសំណាក់បាន ឱ្យដឹងថា កាលពីថ្ងៃទី៣០ ខែតុលា ឆ្នាំ២០១៤ ស្ដ្រីរងគ្រោះនិងបុរស ម្នាក់ ទៀត បានបើកម៉ូតូ ពាក់ស្លាកលេខ កណ ១-៣៤៣៣ ចូលទៅ ដេកនៅក្នុងផ្ទះសំណាក់អប្សរាមាសនេះ។</span></p>
<p><span style="color: #000000;">លុះពេលវេលាម៉ោងប្រមាណ១១ព្រឹកថ្ងៃទី ៣១ ខែតុលា ឆ្នាំ២០១៤ បុរសដែលចូល ដេកក្នុងបន្ទប់ជាមួយ ស្ដ្រីរងគ្រោះ នោះបាន ចេញមកក្រៅ ហើយប្រាប់បុគ្គលិកផ្ទះសំណាក់ និងសន្ដិសុខថា សុំចេញទៅក្រៅ ដើម្បីទិញអី ហូប រួចនឹងបង់លុយបន្ដ ដើម្បីស្នាក់នៅ តទៅទៀត។</span></p>
<p><span style="color: #000000;">ប្រភពព័ត៌មានបានបន្ដថា ក្រោយពីបុរស រូបនោះបានចេញពីផ្ទះសំណាក់ និងមិនឃើញ បង់លុយបន្ដការស្នាក់នៅ ទៀតនោះ បុគ្គលិក របស់ផ្ទះសំណាក់ក៏បានបើកទ្វារចូលទៅរៀប ចំពីព្រោះដល់ម៉ោងផុតកំណត់ ស្រាប់តែប្រ ទះឃើញ សពស្ដ្រីរងគ្រោះដេកស្លាប់លើគ្រែ តែម្ដង ។</span></p>
<p><span style="color: #000000;">ក្រោយពីទទួលបានព័ត៌មាន នៃការប្រទះ ឃើញសពស្ដ្រីរងគ្រោះរូបនេះ កម្លាំងនគរ បាលបច្ចេកទេស ខណ្ឌ ពោធិ៍សែនជ័យនិងនគរ បាលមូលដ្ឋាន បានចុះទៅពិនិត្យសាកសពស្ដ្រី រងគ្រោះ ដើម្បីរកឃើញថា ជាអំពើ អត្ដឃាត ឬជាអំពើឃាតកម្ម ។</span></p>
<p><span style="color: #000000;">ជុំវិញការស្លាប់របស់ជនរងគ្រោះ អធិការ នគរបាលខណ្ឌពោធិ៍សែនជ័យ លោកយឹម សារ៉ាន់ មិនទាន់អាច បញ្ជាក់ ពីមូលហេតុនៅ ឡើយនោះទេ ខណៈដែលនគរបាលជំនាញ របស់លោកកំពុងធ្វើកោសល្យវិច័យ សួរនាំ សាច់ញាតិសាក្សីថា ការស្លាប់របស់ជនរង គ្រោះបណ្ដាលមកពីមូលហេតុអ្វីពិតប្រាកដ ។</span></p>
<p><span style="color: #000000;">មន្ដ្រីនគរបាលមូលដ្ឋានបានឱ្យដឹងថា ស្ដ្រី រងគ្រោះឈ្មោះយ៉ាំង សុភី ហៅស្រីម៉ៅ អាយុ ៣២ឆ្នាំ មុខរបរនៅផ្ទះ ស្នាក់នៅភូមិគោក ឃ្លាង សង្កាត់ភ្នំពេញថ្មី ខណ្ឌសែនសុខ ដែល មានប្ដីឈ្មោះប៉ែន បូរី អាយុ៤៥ឆ្នាំ ជាអ្នករត់ តាក់ស៊ី ។</span></p>
<p><span style="color: #000000;">តាមនគរបាលមូលដ្ឋាន សាច់ញាតិស្ដ្រីរង គ្រោះអះអាងថា នាងបានបាត់ពីផ្ទះអស់រយៈ ពេល២ថ្ងៃមកហើយ ស្រាប់តែនៅរសៀល ថ្ងៃទី៣១ ខែតុលា នេះ ក៏ទទួលទូរស័ព្ទពីការ ស្លាប់របស់នាងតែម្ដង ។</span></p>
<p><span style="color: #000000;">ប្រភពព័ត៌មានមួយទៀតនៅកន្លែងកើត ហេតុ បានឱ្យដឹងផងដែរថា បុរសដែលមក ស្នាក់នៅជាមួយស្ដ្រីរងគ្រោះ នៅក្នុងផ្ទះសំ ណាក់មួយនេះ គឺជាសាច់ញាតិរបស់នាងប៉ុន្ដែ យ៉ាងណានោះ ស្ថិតក្រោមការស្រាវជ្រាវនិង ស៊ើបអង្កេតយ៉ាងយកចិត្ដទុកដាក់ពីសមត្ថកិច្ច ជំនាញ ។</span></p>
<p><span style="color: #000000;">ក្រោយបញ្ចប់ការធ្វើកោសល្យវិច័យរួច មក សពស្ដ្រីរងគ្រោះ ត្រូវបានសមត្ថកិច្ចប្រ គល់ទៅឱ្យក្រុមគ្រួសារ យកទៅធ្វើ បុណ្យ តាម ប្រពៃណី ។</span><br /><span style="color: #000000;">នៅកន្លែងកើតហេតុនោះ គេបានឃើញ វត្ដមានប្ដី និងក្រុមគ្រួសារមកមើលនិងចាំ ទទួលយកសពស្ដ្រី រងគ្រោះទៅ ធ្វើបុណ្យតាម ប្រពៃណី ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/11/1/ho-1408-01-11-2014--09-21-10.jpg"><img src="/FileManager/Articles/mce/2014/11/1/ho-1408-01-11-2014--09-21-10.jpg" alt="" /></a><br /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/October/id-068/HO-1409.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/October/id-068/HO-1410.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/October/id-068/HO-1411.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/October/id-068/HO-1412.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/October/id-068/HO-1413.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/October/id-068/HO-1414.jpg" alt="" /></span></p>
</div>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>