<div class="article-content">
<p><strong>បាត់ដំបង ៖</strong> វាជារឿងចម្លែក និងកម្រ បានជួប សម្រាប់ឧក្រិដ្ឋជននៅកម្ពុជាអាច និយាយបាន<br />ថា ជាលើកទី១ និងជាប្រវត្ដិ សាស្ដ្រហើយ ដែលយុវជនម្នាក់បានជិះកង់ ដ៏កញ្ចាស់ទៅអង្គុយចាំ<br />ទារលុយ ពីម្ចាស់ ហាងម៉ាស្សា រហូតដល់ ៣០ម៉ឺនដុល្លារ ។</p>
<p>រឿងដ៏ហួសចិត្ដ ហើយក៏ត្រូវបានសមត្ថ កិច្ចឃាត់ខ្លួន យុវជនជាជនសង្ស័យនេះដែរ បានកើត<br />ឡើងនៅព្រឹកថ្ងៃទី១១ ខែមេសា ឆ្នាំ ២០១៣ ស្ថិតនៅក្នុងផ្ទះម៉ាស្សាយីហោ សុខុម ហែលឃែរ<br /> ស្ថិតក្នុងភូមិព្រែកមហា ទេព សង្កាត់ស្វាយប៉ោ ក្រុង-ខេត្ដបាត់ដំបង។</p>
<p>បើយោងតាមប្រភព ពីមន្ដ្រីនគរបាល ព្រហ្មទណ្ឌកម្រិតធ្ងន់ នៃស្នងការដ្ឋាននគរ បាលខេត្ដបាត់<br />ដំបង បានប្រាប់មជ្ឈមណ្ឌល ព័ត៌មានដើមអម្ពិលឱ្យដឹងនៅថ្ងៃដដែលនេះ ថា ជនសង្ស័យដែល<br />ជិះកង់ជម្រិតទារប្រាក់ រហូតដល់ ៣០ម៉ឺនដុល្លារ ឈ្មោះ ហែម សុភក្ដ្រ អាយុ ២០ឆ្នាំ រស់នៅភូមិ<br />សួរអី ឃុំ ពាមឯក ស្រុកឯកភ្នំ ខេត្ដបាត់ដំបង ដែល អតីតជាកម្មករសំណង់ និងជាអ្នកប្រមូល សំ<br />រាមឱ្យក្រុមហ៊ុនស៊ិនទ្រី ។</p>
<p>បើតាមការរៀបរាប់ នៅក្នុងពាក្យ បណ្ដឹង របស់ស្ដ្រីឈ្មោះ ទៀង សុធារី ជា ថៅកែហាងម៉ាស្សា<br />ខាងលើ បានឱ្យដឹងថា ជនសង្ស័យរូបនេះ នៅអំឡុងថ្ងៃទី០៩ ខែ មេសា ឆ្នាំ ២០១៣ កន្លងទៅ <br />បានទូរស័ព្ទ មកគាត់ចំនួន ៥-៦ ដង ដោយនិយាយ ជម្រិតទារប្រាក់ ពី ៥ម៉ឺន រហូតដល់ ៣០ម៉ឺន<br /> ដុល្លារ ។ ជនសង្ស័យរូបនេះ បានទូរស័ព្ទទៅ គំរាម អុកឡុក និងវាយស្លាកយីហោ នៅ ក្នុងហាង<br />ម៉ាស្សារបស់ខ្លួន ហើយគំរាម បង្ហោះនូវរូបមន្ដថ្នាំម៉ាស្សាផ្សេងៗ របស់ ក្រុមហ៊ុនម៉ាស្សា សុខុម <br />ហែលឃែរ តាមប្រព័ន្ធហ្វេសប៊ុកថែមទៀតផង ។</p>
<p>បន្ទាប់ពីទទួលបានការគំរាម ស្ដ្រីជា ម្ចាស់ហាងម៉ាស្សា បានដាក់ពាក្យបណ្ដឹងទៅ កម្លាំងសមត្ថកិច្ច<br /> ព្រមទាំងរៀបគម្រោង ចាប់បានជនសង្ស័យ នៅថ្ងៃទី១១ ខែមេសា នេះតែម្ដង ។</p>
<p>បន្ទាប់ពីឃាត់ខ្លួន មេឃុំពាមឯក លោក សាំង អ៊ីន បានចេញលិខិតបញ្ជាក់ថា ជនសង្ស័យ ហែម <br />សុភក្រ្ត ជាមនុស្សកំព្រាឪពុក មានតែម្តាយ មានអត្តចរិតមិនគ្រប់ លក្ខណៈ ខុសប្រក្រតី តាំងពី<br />កំណើតមកម្ល៉េះ ដូចនេះសកម្មភាពខាងលើ មិនមែនជាចេតនារបស់គេនោះទេ ។ ពោលគឺជាទង្វើ<br />របស់មនុស្ស ដែលមិនសូវគ្រប់ទឹក តែប៉ុណ្ណោះ ទើបអាចធ្វើទៅបាន ។</p>
<p>ក្រោយទទួលបានការបញ្ជាក់ និងអះអាងបែបនេះ សមត្ថកិច្ចបានបន្តឃុំខ្លួន ជនសង្ស័យជាបណ្តោះ<br />អាសន្នសិន រង់ចាំហៅភាគីស្រ្តីជាម្ចាស់ក្រុមហ៊ុនម៉ាស្សា មកធ្វើ ការសម្របសម្រួល ទើបសម្រេចថា<br /> ត្រូវធ្វើបែបណាបន្តទៀត ៕</p>
<p style="text-align: center;"><img title="" src="http://111.92.240.170:81/dap-news/dap-images/2013/April/id-015/T-0333.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0334.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>