<p><span style="color: #000000;"><strong>ភ្នំពេញ៖</strong> តារាចម្រៀងចំណូលថ្មី ប្រចាំផលិតកម្មថោន ដែលមានដើមកំណើត ជាខ្មែរសុរិន្ទអ្នកនាង ចេន សាយចៃ ត្រូវបានគេមើលឃើញ ពីក្តីសង្ឃឹមល្បីឈ្មោះតាមរយៈបទចម្រៀងថ្មីរបស់នាង ក្នុងឱកាសបុណ្យចូលឆ្នាំខ្មែរ ប្រពៃណីជាតិ ខាងមុខនេះ ។ នាងកាន់តែមានប្រជាប្រិយភាពលេចធ្លោ និងជោគជ័យកាន់តែខ្លាំង តាមរយៈបទ «លែងជឿហើយប្រុស» និងបទកន្ទ្រឹមជាច្រើនទៀត ។ ជាពិសេសនឹងធ្វើឲ្យប្រិយមិត្ត អ្នកគាំទ្រ ស្គាល់តារាចម្រៀង ខ្មែរសុរិន្ទ ចេន សាយចៃ កាន់តែច្បាស់ ។</span></p>
<p><span style="color: #000000;">ចម្រៀងមួយបទ ជាការបកស្រាយរបស់ តារាចម្រៀងសំឡេង ផ្អែមស្រទន់ រដឺនៗ អ្នកនាង ចេន សាយចៃ មានចំណងជើងថា «លែងជឿហើយប្រុស» នៅក្នុងផលិតកម្មថោន ត្រូវបានគេរំពឹងខ្លាំងថា អាចផ្ទុះខ្លាំង ក្នុងឱកាសបុណ្យចូលឆ្នាំខ្មែរខាងមុខនេះ ។ នៅក្នុងឱកាសបុណ្យចូលឆ្នាំថ្មីឆ្នាំនេះ តារាចម្រៀងខ្មែរសុរិន្ទរូបនេះ ត្រូវបានម្ចាស់ផលិតកម្មចម្រៀងថោន ផ្តល់កិត្តិយសឲ្យនាង បានបង្ហើរសំនៀងពីរោះក្រអួនក្រអៅ ដើម្បីកំដរអារម្មណ៍ប្រិយមិត្ត ទស្សនិកជនបានរាំលេងកម្សាន្តសប្បាយរីករាយ នៅក្នុងឆ្នាំថ្មីខាងមុខនេះ ។</span></p>
<p><span style="color: #000000;">ក្រៅពីបទចម្រៀងខាងលើមួយនេះ នៅមានបទជាច្រើនដូចជាបទ «នឹកស្រុកកំណើត» បទ «បាត់ខោខ្លី» បទ «ខ្ជិលនឹងយកប្តី» រួមជាមួយបទចម្រៀងមួយចំនួនទៀត ។ ដូច្នេះកុំឲ្យខាតពេលយូរ ចង់ដឹងថាបទ «លែងជឿហើយប្រុស» របស់អ្នកនាង សាយចៃ ពីរោះរណ្តំចិត្ត និងអាចផ្ទុះដូចការរំពឹងទុក ឬយ៉ាងណា សូមទស្សនាទាំងអស់គ្នា៖</span></p>
<p><a class="thickbox" title="" href="/FileManager/Commons/2015/4/5/90-05-04-2015--14-23-55.jpg"><img src="/FileManager/Articles/mce/2015/4/5/90-05-04-2015--14-23-55.jpg" alt="" /></a></p>
<p><a class="thickbox" title="" href="/FileManager/Commons/2015/4/5/91-05-04-2015--14-24-02.jpg"><img src="/FileManager/Articles/mce/2015/4/5/91-05-04-2015--14-24-02.jpg" alt="" /></a></p>
<p><span style="color: #000000;"><object width="477" height="409" data="http://www.youtube.com/v/oVu5xbSY2bA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/oVu5xbSY2bA&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>