<div class="ja-content-main">
<div class="article-content">
<p><strong>ព្រះសីហនុ៖</strong> លោក គិន លី ប្រធានសាខាគយប្រចាំខេត្តព្រះសីហនុ នៅព្រឹកថ្ងៃទី២២ ខែឧសភា ឆ្នាំ២០១៤នេះ បានបើកសន្និសីទកាសែតមួយនៅក្នុងសាលប្រជុំ នៃកំពង់ផែស្វយ័តក្រុងព្រះសីហនុ ស្ដីអំពីប្រតិបត្តិការចាប់ភ្លុកដំរី ជាង ៣ពាន់គីឡូក្រាម កាលពីដើមខែឧសភា។</p>
<p>លោក គិន លី បានថ្លែងនៅក្នុងសន្និសីតកាសែតនោះថា ភ្លុកដំរី ដែលមានចំនួនរហូតទៅដល់ ៣.០០៨គីឡូក្រាម ដែលមានប្រភពចេញមកពីប្រទេសកេនយ៉ា ឆ្លងកាត់ប្រទេសម៉ាឡេស៊ី មកកម្ពុជា ក្នុងគោលដៅបន្ដទៅប្រទេសទី៤ ទៀតនោះ បច្ចុប្បន្នកំពុងរៀបចំសំណុំរឿងបញ្ជូនទៅតុលាការខេត្តព្រះសីហនុ។</p>
<p>សូមជំរាបថា ភ្លុកដំរីខុសច្បាប់នេះ ត្រូវបានកម្លាំងគយចាប់បាន កាលពីថ្ងៃទី០៩ ខែឧសភា ឆ្នាំ២០១៤ ដោយលួច បង្កប់នៅក្នុងកុងតឺន័រដឹកសណ្ដែក៕</p>
<p><img title=" " src="http://image.dap-news.com:81/dap-news/dap-images/2014/May/id-009/ST-086.jpg" alt="" width="550" /></p>
<div style="text-align: right;">ផ្តល់សិទ្ធិដោយ៖ ដើមអម្ពិល</div>
</div>
</div>