<p>Huawei Ascend Mate 7 មានអេក្រង់ 6-inch ប្រើប្រាស់ឈីប HiSilicon Kirin 920 មានសេនសឺរ<br />ស្កេនក្រយៅដៃ នឹងត្រូវបានឧទ្ទេសនាម នៅ IFA ឆ្នាំនេះ។</p>
<p>ក្រោយពីមានព័ត៌មានដែលនិយាយថា Huawei ផ្ញើលិខិតដល់ភ្ញៀវកិត្តិយស ដើម្បីអញ្ជើញឱ្យ<br />ចូលរួមក្នុងព្រឹត្តិការណ៍របស់ខ្លួន នៅ IFA ឆ្នាំ ២០១៤ រូបភាពមួយចំនួនរបស់ផលិតផលពិសេស<br /> មកពីក្រុមហ៊ុនចិនមួយនេះ ក៏បានបង្ហាញខ្លួន។ ដោយសារតែការឡើងកំដៅនៃការប្រកួតប្រជែង<br />នៃបណ្ដាស្មាតហ្វូន នាចុងឆ្នាំនេះ គេជឿថា ស្មាតហ្វូន ដែលមានទំហំធំ និងរូបរាងរបស់វាត្រូវ<br />បានធ្វើអំពីលោហធាតុផងនោះ Huawei Ascend Mate 7 អាចនឹងបង្ហាញខ្លួន នៅ IFA ឆ្នាំនេះ។</p>
<p style="text-align: center;"><a class="thickbox" title="" href="/FileManager/Commons/2014/8/31/mate-7-31-08-2014--15-01-47.jpg"><img src="/FileManager/Articles/mce/2014/8/31/mate-7-31-08-2014--15-01-47.jpg" alt="" /></a></p>
<p>បើទោះជារូបភាពមិនត្រូវបានគេធ្វើឱ្យច្បាស់ ប៉ុន្ដែ គេអាចស្គាល់បានថា នេះគឺជាផលិតផល<br />លំដាប់ខ្ពស់របស់ក្រុមហ៊ុន Huawei តាមរយៈរចនាបទ រហូតដល់មុខងារនានា។ ហ្វាប្លេតនេះ<br /> អាចធ្វើឱ្យមនុស្សមួយចំនួន នឹកឃើញដល់ One Max ២០១៣ របស់ HTC ពិសេសគឺសេនសឺរ<br />ស្កេនក្រយៅដៃ និងស្នាមគំនូសបែកចែក ត្រង់ក្បាល និងគូទទូរស័ព្ទ។</p>
<p>តាមព័ត៌មានបែកធ្លាយមុននេះ Huawei Ascend Mate 7 នឹងប្រើប្រូសេសឺរ HiSilicon Kirin 920 <br />ដ៏ចម្លែក ជាមួយនឹង CPU 4-core Cortex-A15 កម្រិត 1,8GHz និង 4-core Cortex A7 ដែល<br />ជួយដល់ការសំចៃថាមពលថ្ម។ ម៉ាស៊ីននេះ នឹងប្រើប្រាស់ ថ្ម 4000mAh ។</p>
<p>ទន្ទឹមនឹងមាន RAM 2GB, អង្គចងចាំក្នុងម៉ាស៊ីន 16GB ស្មាតហ្វូន Huawei Ascend Mate 7 ក៏<br />ត្រូវបានក្រុមហ៊ុន Huawei បំពាក់អេក្រង់ ទំហំធំ 6-inch ដែលមានរីសូលូសឹន fullHD 1080p, <br />កាមេរ៉ា ក្រោយ 13MP, flash LED និងកាមេរ៉ាមុខ 5MP ផងដែរ នេះ គេមិនទាន់រាប់បញ្ចូលនូវ<br />មុខងារពិសេសៗ ដែលមិនទាន់ត្រូវបានប្រកាស់ជាផ្លូវការ របស់ស្មាតហ្វូននេះនៅឡើយ។</p>
<p style="text-align: center;"><a class="thickbox" title="" href="/FileManager/Commons/2014/8/31/mate-7b-31-08-2014--15-02-43.jpg"><img src="/FileManager/Articles/mce/2014/8/31/mate-7b-31-08-2014--15-02-43.jpg" alt="" /></a></p>
<p>ដូចទៅនឹងទម្លាប់របស់ខ្លួន ផលិតផលលំដាប់កំពូល Huawei Ascend Mate 7 នេះ ត្រូវបានគេ<br />ជឿថា នឹងមានតម្លៃមិនថ្លៃប៉ុន្មាននោះដែរ គឺប្រហែលជា ក្រោម ៥០០យ័ន គឺប្រហាក់ប្រហែល<br />នឹង ៨១០ ដុល្លារអាមេរិក៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ gsmarena<br /><br /></p>