<p><span style="color: #000000;"><strong>ស្ទឹងត្រែងៈ</strong> ជនសង្ស័យម្នាក់ត្រូវបានកម្លាំង សមត្ថកិច្ចឃាត់ខ្លួន បន្ទាប់ពីធ្វើសកម្មភាពចាប់រំលោភលើ ក្មេងស្រីម្នាក់តែ មិនបានសម្រេច ក្រោយត្រូវបានក្មេងស្រីរងគ្រោះស្រែកអោយគេជួយទាន់ពេលវេលា។ ហេតុការណ៍នេះបាន កើតឡើងថ្ងៃទី២ ខែតុលា ឆ្នាំ២០១៥ ស្ថិតនៅភូមិសំអាង ឃុំសំអាង ស្រុកថាឡាបរីវ៉ាត់ ខេត្តស្ទឹងត្រែង។</span></p>
<p><span style="color: #000000;">ជនសង្ស័យមានឈ្មោះ រ៉ា ប៊ុនសិទ្ធ ភេទប្រុស អាយុ៣០ឆ្នាំ មានស្រុកកំណើត ភូមវាលខ្សាច់ ឃុំថាឡាបរីវ៉ាត់ ខេត្តស្ទឹងត្រែង។ បច្ចុប្បន្នរស់នៅភូមិសំអាង ឃុំសំអាង ស្រុកថាឡាបរីវ៉ាត់ ខេត្តស្ទឹងត្រែង។ ចំណែកជនរងគ្រោះ ទ.ផ.ល ភេទស្រី អាយុ១៤ឆ្នាំ។</span></p>
<p><span style="color: #000000;">តាមប្រភពព័ត៌មានបានឲ្យដឹងថា មុនពេលហេតុជនសង្ស័យបានផឹកស្រាស្រវឹងបន្តិចបន្តួច ចេញពីវត្តសំអាង ហើយ ជនល្មើសបានដើរទៅផ្ទះក្មេងស្រីរងគ្រោះ ហើយក៏ឡើងទៅលើផ្ទះចូលទៅក្នុងបន្ទប់ រួចបានធ្វើសកម្មភាពចាប់រំលោភ តែត្រូវក្មេងស្រីរងគ្រោះរើ ហើយបានស្រែកអោយបងប្អូនជួយទាន់ ជនសង្ស័យបានរត់គេចខ្លួនបាត់។</span></p>
<p><span style="color: #000000;">សូមបញ្ជាក់ជនល្មើសបានធ្វើសកម្មភាពចាប់រំលោភក្មេងស្រីរងគ្រោះ ២ដងរួចមកហើយតែមិនបានសម្រេចទាំងពីរលើក ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/3/10-3-2015-9-02-03-am-03-10-2015--09-09-06.png"><span style="color: #000000;"><img src="/FileManager/Articles/mce/2015/10/3/10-3-2015-9-02-03-am-03-10-2015--09-09-06.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>