<p>ជនរងគ្រោះ ជាបុរសមានអាយុ ៣០ឆ្នាំ និងមានឈ្មោះថា Wu JianTong។ បើទោះជារឿង<br />ហេតុបានកើតឡើងតាំងពីថ្ងៃទី ៨ ខែកក្កដា មកហើយ ប៉ុន្តែបើតាមប្រពភពី <span style="color: #0000ff;"><a href="http://www.zdnet.com/cn/another-iphone-shock-case-in-china-leaves-man-in-coma-7000018276/"><span style="color: #0000ff;">ZDNet</span></a></span>, បច្ចុប្បន្ន<br /> Wu នៅតែ ត្រូវបានសំរាកព្យាបាលនៅឯមន្ទីពេទ្យមួយ នៅប៉េកាំង ប្រទេសចិន។</p>
<p class="Normal">បើតាមសំដីរៀបរាប់របស់បងស្រីជនរងគ្រោះ អ្នកស្រី Wu Jianxiang បានឲ្យដឹងថា បន្ទាប់ពី<br />ឃើញ Wu សាកថ្មទូរស័ព្ទ iPhone 4 ព្រោះតែអស់ថ្មនោះ ស្រាប់តែគាត់បានឮសម្លេងស្រែក<br />របស់ប្អូនប្រុសរបស់គាត់ "ភ្លើងឆក់" រំពេចនោះគាត់បានឃើញ ប្អូនប្រុសរបស់គាត់ បានដឹក<br />ដួលនឹងកម្រាលឥដ្ឋទៅហើយ។</p>
<p class="Normal">បន្ទាប់មក បងស្រីរបស់ Wu បានប្រញាប់ប្រញាល់ ដកឆ្នាំងសាកចេញពីរន្ធភ្លើង ហើយពេល<br />នោះគាត់ក៏មានអារម្មណ៍ថាឈឺ ដូចជាមុតម្ជុល។ ពេលនោះផងដែរ ជនរងគ្រោះអាយុ ៣០ឆ្នាំ<br />នោះ មានអាការៈប្រកាច់ៗ និងបែកពពុះមាត់។ បងស្រីរបស់ Wu បានបន្តទៀតថា Wu ហាក់<br />ដូចជាផុតដង្ហើមម្តងៗទៅហើយ តែសំណាងល្អណាស់ ដែលរថយន្តសង្គ្រោះបន្ទាន់បានមក<br />ដល់ ជួយសង្រ្គោះទាន់ពេល ប៉ុន្តែជនរងគ្រោះនៅតែសន្លប់។</p>
<p class="Normal">Beijing Wan Bao បានឲ្យដឹងថា ឆ្នាំងសាកដែលជនរងគ្រោះប្រើប្រាស់មើលទៅហាក់ដូចជា<br />ឆ្នាំងសាកហ្ស៊ីនរបស់ iPhone 5 ប៉ុន្តែតាមពិតទៅ វាជាផលិតផលក្លែងក្លាយ។ ក្រោយពីកើត<br />មានគ្រោះថ្នាក់ ទាំង iPhone 4 និងឆ្នាំងសាក សុទ្ធតែនៅមានដំណើរការធម្មតា។</p>
<p class="Normal" style="text-align: center;"><a class="thickbox" title="" href="/FileManager/Commons/2013/7/19/iphone-19-07-2013--16-25-45.jpg"><img src="/FileManager/Articles/mce/2013/7/19/iphone-19-07-2013--16-25-45.jpg" alt="" /></a></p>
<p class="Normal">បើទោះជាមិនច្បាស់ថា Wu មានសន្ទនាទូរស័ព្ទក្នុងពេលកំពុងសាកឬក៏អត់នោះ ប៉ុន្តែគ្រោះថ្នាក់<br />នេះ មានហេតុច្រើន ស្រដៀងទៅនឹងគ្រោះថ្នាក់ដែលបានកើតឡើងជាមួយ នារីបំរើភ្ញៀវលើ<br />យន្តហោះម្នាក់ ដែលបានស្លាប់ក្នុងពេលនិយាយទូរស័ព្ទ និងសាកថ្មបណ្តើរ ផងដែរ។</p>
<p class="Normal">ថ្មីៗនេះ Apple បានឲ្យដឹងថា ពួកគេនឹងធ្វើការត្រួតពិនិត្យ ស៊ើបអង្កេតរឿងហេតុនេះ ដើម្បីរកឲ្យ<br />ឃើញដើមហេតុឲ្យពិតប្រាកដ ដែលបណ្តាលឲ្យកើតមានគ្រោះថ្នាក់ដល់ស្លាប់ ជនរងគ្រោះខាង<br />លើ។ បច្ចុប្បន្ន ប៉ូលិសនៅប្រទេសចិន នៅមិនទាន់បានបញ្ជាក់ថា iPhone ពិតជាដើមហេតុដែល<br />បង្កឲ្យមានការឆក់ស្លាប់នេះ ឬបណ្តាលមកពីការប្រើប្រាស់ ផលិតផលក្លែងក្លាយ គ្មានប្រភព<br />ច្បាស់លាស់នោះទេ ៕</p>
<p class="Normal" style="text-align: right;">ដោយ៖ សិលា<br />ប្រភព៖ VE, Zng & VReview</p>