<div class="article-content">
<p><strong>ភ្នំពេញៈ</strong> រថយន្តកុងតឺន័រ មួយគ្រឿងឡើងវ៉ារថយន្ត ដែលនៅពីខាងមុខ ស្របទិសគ្នា ពេល<br />យកចង្កូត ចូល ក៏ជ្រុល ទៅកៀរម៉ូតូមួយគ្រឿង ស្របទិសគ្នានៅពីមុខ បណ្តាលឲ្យដួលបោក<br />ចូលទៅក្រោម រថយន្ត រងការខូចខាតយ៉ាង ដំណំ សំណាងល្អ អ្នកបើកបរគ្រាន់តែរងរបួសធ្ងន់<br /> សន្លប់បាត់នៅនឹងកន្លែង ចំណែកឯ អ្នកបើកបររថយន្តវិញ បន្ទាប់ពីកើតហេតុ បានរត់គេចខ្លួន<br />បាត់ បន្សល់ទុករថយន្ត នៅនឹងកន្លែង កើតហេតុ ។</p>
<p>ហេតុការណ៍នេះ កើតឡើងកាលពីវេលាម៉ោង ២១និង៣០នាទីយប់ ថ្ងៃទី២ ខែមិថុនា ឆ្នាំ២០១៣<br /> ស្ថិតនៅតាម បណ្តោយផ្លូវជាតិ ខាងមុខធនាគារ ANZ ភូមិព្រៃព្រីងខាងជើង សង្កាត់ចោមចៅ <br />ខណ្ឌពោធិ៍សែនជ័យ រាជធានី ភ្នំពេញ។</p>
<p>នគរបាលបានឲ្យដឹងថា រថយន្តបង្កម៉ាក នីសាន់ ឌីសែល ពណ៌ទឹកប្រាក់ ពាក់ស្លាកលេខភ្នំពេញ<br /> 4A-0856 ជា រថយន្តរបស់ក្រុមហ៊ុនផែស្ងួត តិចស្រ៊ុន អ្នកបើកបរ ពុំត្រូវបានគេស្គាល់ឈ្មោះនោះ<br />ទេ បន្ទាប់ពីកើតហេតុ រត់គេច ខ្លួនបាត់ ។ ចំណែកឯម៉ូតូរងគ្រោះវិញ ម៉ាកហុងដា សេ១២៥ ពណ៌<br />ខ្មៅ ស៊េរីឆ្នាំ២០១៣ ពាក់ស្លាកលេខ ភ្នំពេញ 1BU-2634 អ្នកបើកបរ ក៏ពុំត្រូវបានគេស្គាល់ឈ្មោះ<br /> មានអាយុប្រហែលជា ២០ ឆ្នាំ សន្លប់នៅនឹងកន្លែងឈឹង។</p>
<p>សាក្សីនៅកន្លែងកើតហេតុ បាននិយាយថា មុនពេលកើតហេតុ គេឃើញម៉ូតូជិះម្នាក់ឯង ក្នុងទិស<br />ដៅពីកើតទៅលិច លុះដល់ចំណុចកើតហេតុ ក៏ស្រាប់តែមានរថយន្តកុងតឺន័រ បើកមកពីក្រោយ<br /> ហើយបានឡើងវ៉ារថយន្ត មួយគ្រឿង ដែលនៅពីមុខ លុះយកចង្កូតអែបទៅវិញ ក៏ជ្រុលចង្កូតទៅ<br />កៀរម៉ូតូ បណ្តាលឲ្យដួល បោកចូលក្រោមរថយន្ត កិន ជាប់ ប៉ុន្តែសំណាងល្អណាស់ អ្នកបើកបរ<br />ម៉ូតូពុំរងគ្រោះដល់អាយុជីវិត គឺគ្រាន់តែរងរបួសសន្លប់ ចំណែកឯ អ្នកបើក បររថយន្ត ចុះចេញពី<br />រថយន្តរត់គេចខ្លួនទៅបាត់ បន្សល់ទុកតែរថយន្តនៅចោលនឹងកន្លែងកើតហេតុ ។</p>
<p>ជនរងគ្រោះ ត្រូវបានក្រុមរថយន្តសង្គ្រោះ របស់អង្គភាព ៧១១ កងពលតលូចលេខ ៧០ ដឹកយក<br />ទៅកាន់មន្ទីរ ពេទ្យកាល់ម៉ែត ដើម្បីជួយសង្គ្រោះ អាយុជីវិតបន្ទាន់ ។ ភ្លាមនោះផងដែរ នគរបាល<br />ចរាចរខណ្ឌ បានចុះទៅដល់ កន្លែងកើតហេតុ ដើម្បីសម្រួលចរាចរ និងធ្វើកំណត់ហេតុ រួចហើយ<br />វត្ថុ តាងទាំងពីរ ត្រូវប្រគល់ទៅឲ្យនគរបាល ចរាចរ និងសណ្តាប់ធ្នាប់រាជធានី ដើម្បីយកទៅរក្សា<br />ទុក រង់ចាំភាគីទាំងពីរ ចូលខ្លួនទៅដោះស្រាយតាម ផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0033.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0034.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/June/id-015/T-0035.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>