<div class="article-content">
<p><strong>ភ្នំពេញ៖</strong> ប្រជាពលរដ្ឋបាន ព្រួតវាយលើជន សង្ស័យម្នាក់ឲ្យរងរបួស សន្លប់ស្តូកស្តឹង ខណៈ<br />ដែលរូបគេ បន្លំចូលក្នុងផ្ទះលេខ៣០៩ ដែលមានទីតាំងស្ថិត នៅផ្លូវ លេខ៣៨៨ កែង២០៥ ក្នុង<br />សង្កាត់ ទួលស្វាយព្រៃទី២ ខណ្ឌចំការមន កាលពីវេលាម៉ោង ៩និង៥០នាទីយប់ ថ្ងៃទី០២ ខែ<br />កក្កដា ឆ្នាំ២០១៣ បំណងចូលលួចទ្រព្យ សម្បត្តិ ក្នុងផ្ទះ ម្ចាស់ទីតាំងខាងលើ ហើយក៏ត្រូវម្ចាស់<br /> មកពីធ្វើការវិញឃើញទាន់ បង្កឲ្យមានការភ្ញាក់ផ្អើល ដល់បងប្អូនប្រជាពលរដ្ឋ ដែលនៅក្បែរ<br />កន្លែងកើត ហេតុនោះ មកចោមរោមមើល និងបាននាំគ្នាព្រួតវាយយុវជន ដែលជាចោរ រហូត<br />ដល់សន្លប់។</p>
<p>តាមប្រភពព័ត៌មានពីកន្លែង កើតហេតុបានឲ្យដឹងថា មុន ពេលកើតហេតុ ជនសង្ស័យខាងលើ<br />នេះ បានលបលួចចូលទៅក្នុងទីតាំងផ្ទះខាងលើ ហើយបានឡើង ទៅជាន់ទី២ ដើម្បីពួនសម្ងំ<br />ក្នុងបន្ទប់ ដោយរូបគេបានព្យាយាមកកាយរកមើលទ្រព្យសម្បត្តិនិងរបស់មានតម្លៃផ្សេងៗដែល<br />មាននៅក្នុងបន្ទប់នោះ បំណងលួចយក ចេញមកខាងក្រៅ តែក៏ត្រូវម្ចាស់ផ្ទះដែលទើបតែចេញ<br />ពីធ្វើការឡើងទៅឃើញ បានស្រែកឆោឡោ បង្កឲ្យមានការភ្ញាក់ដល់អ្នកជិតខាងដែលរស់នៅ<br />ក្បែរនោះ នាំគ្នាមកចោមរោមព្រួតវាយជនសង្ស័យឡើងទ្រោមខ្លួន រហូតដល់សន្លប់បាត់ស្មារតី បើកុំតែបានសមត្ថកិច្ចចុះមកអន្តរាគមន៍ទាន់ពេលវេលា និងនាំខ្លួនជនសង្ស័យ ទៅកាន់ទីស្នាក់<br />ការនគរបាលប៉ុស្តិ៍ទួលស្វាយព្រៃទី២ ដើម្បីធ្វើការសាកសួរ និងដោះស្រាយតាមនីតិវិធីច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0016.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>