<p>Spice Fire One Mi-FX 1 ដំណើរការដោយប្រព័ន្ធ Firefox OS មានតម្លៃប្រហែលជា ៣៨ដុល្លារ<br />អាមេរិក នឹងត្រូវបានដាក់លក់ ចាប់ពីថ្ងៃទី ២៩សីហាខាងមុខ។</p>
<p style="text-align: center;"><a class="thickbox" title="" href="/FileManager/Commons/2014/8/25/ff1-25-08-2014--14-47-03.jpg"><img src="/FileManager/Articles/mce/2014/8/25/ff1-25-08-2014--14-47-03.jpg" alt="" /></a></p>
<p>Spice គឺជាក្រុមហ៊ុនដៃគូផ្នែករឹងមួយ របស់ប្រព័ន្ធប្រតិបត្តិចល័ត Mozilla Firefox ថ្មីៗនេះ បាន<br />ឧទ្ទេសនាមជាផ្លូវការនូវស្មាតហ្វូន Spice Fire One Mi-FX 1 ដែលជាទូរស័ព្ទឆ្លាតវៃ មានតម្លៃ<br />ទាបបំផុតក្នុងពិភពលោក នាបច្ចុប្បន្ន។</p>
<p>ឥណ្ឌា គឺជាទីផ្សារស្មាតហ្វូន ដែលមានការលូតលាស់លឿនជាងគេបង្អស់ក្នុងលោក ពិសេស<br />គឺស្មាតហ្វូនដែលមានតម្លៃទាប ដូច្នេះ គេមិនមានការភ្ញាក់ផ្អើលប៉ុន្មាន ពេលដែលបណ្ដាស្មាត<br />ហ្វូនតម្លៃថោកជាច្រើន បានជ្រើសរើស ឥណ្ឌា ជាទីផ្សារដំបូង ចំណែក One Mi-FX1 ក៏ដូចគ្នា <br />ហើយវានឹងត្រូវបានលក់ក្នុងតម្លៃ ២.២៩៩ Rupee ប្រហែលនឹង ៣៨ដុល្លារអាមេរិក។</p>
<p style="text-align: center;"><a class="thickbox" title="" href="/FileManager/Commons/2014/8/25/ff3-25-08-2014--14-57-58.jpg"><img src="/FileManager/Articles/mce/2014/8/25/ff3-25-08-2014--14-57-58.jpg" alt="" /></a></p>
<p>ដោយសារតែមានតម្លៃទាបបែបនេះ គេជឿថា ចំនុចលេចធ្លោរបស់វា គឺមានតែ ប្រព័ន្ធប្រតិបត្តិ<br /> Firefox ថ្មីថ្មោង និងអាចប្រើបានស៊ីម ២។ Fire One Mi-FX 1 ក៏មានកាមេរ៉ាចំនួន ២ គឺ 2MP<br /> សម្រាប់កាមេរ៉ាក្រោយ និង 1,3MP សម្រាប់កាមេរ៉ាមុខ។ ស្មាតហ្វូននេះ ក៏បំពាក់ Wifi, Bluetooth<br /> ចំណែកតំណភ្ជាប់ 3G ត្រូវបានជំនួសដោយ 2G/EDGE ។</p>
<p>ប្រូសេសឺររបស់ម៉ាស៊ីននេះ មានកម្រិត 1GHz (មិនស្គាល់ឈ្មោះ) អេក្រង់ 3,5 inch រីសូលូសឹន <br />HVGA 480x320 ។ One Mi-FX1 ក៏ត្រូវបានបំពាក់ជាស្រេច នូវបណ្ដាញសង្គម Facebook និង<br />Twitter ហើយអ្នកក៏អាចបញ្ជាក់ទិញផលិតផលនេះ តាមរយៈទំព័រ Snapdeal.com ។</p>
<p style="text-align: center;"><a class="thickbox" title="" href="/FileManager/Commons/2014/8/25/ff-25-08-2014--14-47-54.jpg"><img src="/FileManager/Articles/mce/2014/8/25/ff-25-08-2014--14-47-54.jpg" alt="" /></a></p>
<p>ទោះយ៉ាងនេះក្ដី One Mi-FX1 ប្រហែលជាមិនអាចគ្រប់គ្រងតំណែងស្មាតហ្វូនដែលមានតម្លៃ<br />ទាបបំផុតក្នុងលោក បានយូរនោះទេ។ ដៃគូជំនួញមួយផ្សេងទៀតរបស់ Mozilla នៅ ឥណ្ឌា គឺ<br /> Intex នៅពេលដ៏ខ្លីខាងមុខ នឹងឧទ្ទេសនាមនូវស្មាតហ្វូនចំនួន ២កំណែ ដែលដំណើរការដោយ<br />ប្រព័ន្ធ Firefox OS ហើយវានឹងត្រូវបានដាក់លក់ក្នុងតម្លៃ ៣៣ដុល្លារ និង ២៥ដុល្លារអាមេរិក គឺ<br />ប្រហាក់ប្រហែលនឹងតម្លៃរបស់ទូរស័ព្ទបែបបុរាណ (feature phones) Nokia 130 ៕</p>
<p><object width="469" height="402" data="http://www.youtube.com/v/De9UizZ1fSQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/De9UizZ1fSQ&rel=1" /></object></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ fonearena/youtube/tech<br /><br /></p>