<p>ដើម្បីលើកទឹកចិត្តឱ្យប្រជាជនធ្វើស្រែ បណ្ដាឆាកសម្ដែងនៅលើភ្លឺស្រែ គឺជាទិដ្ឋភាពដែលងាយ<br />នឹងជួបប្រទះ នៅទឹកដី កូរ៉េខាងជើង ដែលជាប្រទេសដ៏អាថ៌កំបាំងបំផុតក្នុងពិភពលោក។</p>
<p>ក្រៅពីព័ត៌មានស្ដីអំពីជីវភាពរស់នៅ សង្គម វប្បធម៌ ឬក្បាលម៉ាស៊ីនរដ្ឋ ព័ត៌មានអំពីនិយមន័យ<br />សិល្បៈ កូរ៉េខាងជើង ក៏បានទាក់ទាញចំណាប់អារម្មណ៍របស់ប្រជាជនពិភពលោក។ ចំណុចខុស<br />ប្លែកគ្នាដ៏ធំបំផុត រវាងសិល្បៈ កូរ៉េខាងជើង និងបណ្ដាប្រទេសផ្សេងៗ នោះគឺគោលបំណងរបស់<br />វា។ សិល្បៈរបស់ប្រទេសស្ទើរតែទាំងអស់ក្នុងពិភពលោក បង្កើតឡើង ដើម្បីបម្រើដល់តម្រូវការ<br />នៃការកំសាន្ដរបស់មនុស្សទូទៅ ប៉ុន្ដែ សម្រាប់កូរ៉េខាងជើង សិល្បៈត្រូវបានគេបង្កើតឡើងគឺដើម្បី<br />លើកតម្កើងមេដឹកនាំប្រទេស។<br /><br /><strong>ឆាកសម្ដែងនៅលើភ្លឺស្រែ</strong></p>
<p style="text-align: center;"><strong><a class="thickbox" title="" href="/FileManager/Commons/2013/12/23/showbk1-23-12-2013--15-46-01.jpg"><img src="/FileManager/Articles/mce/2013/12/23/showbk1-23-12-2013--15-46-01.jpg" alt="" /></a><br /></strong></p>
<p>នៅកូរ៉េខាងជើង ប្រជាជនតែងបានទស្សនានូវការសម្ដែង និងច្រៀងរបស់ក្រុមសិល្បៈយោធា នៅ<br />តាមវាលស្រែ។ ការសម្ដែងបែបនេះ គឺដើម្បីលើកទឹកចិត្តដល់ពលរដ្ឋឱ្យខិតខំធ្វើស្រែចំការ។ ក្រុម<br />សិល្បៈបែបនេះ ត្រូវបានគេបំពាក់ឧបករណ៍គ្រប់គ្រាន់ គឺមិនមែនជាក្រុមសិល្បៈរាយរងដែលមិន<br />មានការចាត់តាំងត្រឹមត្រូវនោះទេ។ សកម្មភាពសិល្បៈវប្បធម៌នៅកូរ៉េខាងជើង គឺសុទ្ធិតែត្រូវស្ថិត<br />ក្រោមការគ្រប់គ្រងយ៉ាងតឹងរឹងពីបក្ស និងរដ្ឋ។</p>
<p>នៅកូរ៉េខាងជើង ក្រុមសិល្បៈ ត្រូវបានគេបែងចែកគោលដៅយ៉ាងច្បាស់លាស់ ក្នុងនោះមានក្រុម<br />ខ្លះ ធ្វើសកម្មភាពសម្រាប់តែបម្រើដល់ក្រុមមេដឹកនាំ ចំណែកក្រុមសិល្បៈខ្លះ ឆាកសម្ដែងរបស់ពួក<br />គេ គឺនៅឯវាលស្រែ ហើយអ្នកគាំទ្ររបស់ពួកគេ គឺកសិករ។<br /> <br />ថ្វីបើជាក្រុមចម្រៀងនៅតាមវាលស្រែ ប៉ុន្ដែសិល្បករម្នាក់ៗ ត្រូវបានទាមទារឱ្យមានចំណេះជំនាញ<br />ខ្ពស់។ ពួកគេត្រូវស្លៀកពាក់ឯកសណ្ឋានជាទាហាន និងសម្ដែងតាមរបៀបដ៏មានវិន័យ។ បណ្ដា<br />បទចម្រៀងដែលត្រូវបានលើកយកមកច្រៀង ដើម្បីលើកទឹកចិត្តកសិករ គឺសុទ្ធតែជាចម្រៀងលើក<br />តម្កើងមេដឹកនាំជាតិ និងសរសើរបក្ស។<br /><br /><strong>អ្នកចម្រៀងមិនលើកតម្កើងមេដឹកនាំ ឬបក្សនឹងត្រូវស្លាប់</strong></p>
<p style="text-align: center;"><strong><a class="thickbox" title="" href="/FileManager/Commons/2013/12/23/showbk3-23-12-2013--15-48-15.jpg"><img src="/FileManager/Articles/mce/2013/12/23/showbk3-23-12-2013--15-48-15.jpg" alt="" /></a><br /></strong></p>
<p style="text-align: center;"><em>តារាចម្រៀង Hyon Song-wol ធ្លាប់ត្រូវគេជឿថា ជាស្រីកំណាន់របស់ Kim Jong un</em><br /><em> ត្រូវបានគេប្រហារជីវិត។</em></p>
<p><br />នៅកូរ៉េខាងជើង មានលក្ខខណ្ឌដែលក្រុមអ្នកសិល្បៈនិយាយតៗគ្នាថា “ភាពច្នៃប្រឌិតទាំងអស់ មិនត្រូវស្ថិតនៅក្រៅរង្វង់នៃការលើកតម្កើងមេដឹកនាំ”។ ដូច្នេះ ក្រៅពីការសរសើរទឹកដី ជនជាតិ<br />ខ្លួនឯង តំបន់ល្បីឈ្មោះ បទចម្រៀងស្ទើរតែទាំងអស់របស់កូរ៉េខាងជើង គឺនៅតែចាកមិន ឆ្ងាយ<br />អំពី ការសរសើរអតីតមេដឹកនាំជំនាន់មុនៗរបស់ខ្លួនដដែល។<br /><br />ប្រការខាងលើនេះ ហាក់ដូចជាដើរបញ្ច្រាស់ទៅនឹងភាពច្នៃប្រឌិតក្នុងវិស័យសិល្បៈ ប៉ុន្ដែវាគឺជា<br />គោលការណ៍នៅកូរ៉េខាងជើង។ ព្រោះថា ប្រសិនមានការប្រព្រឹត្តផ្ទុយពីនេះ សិល្បករ សិល្បការិនី<br /> អាចនឹងត្រូវប្រឈមនឹងការកាត់ទោស ក្នុងនោះក៏មានទោសប្រហារជីវិត។</p>
<p>អ្នកសិល្បៈនៅកូរ៉េខាងជើង សុទ្ធតែរំឭកគ្នាទៅវិញទៅមក នូវពាក្យស្លោកមួយ ៖ “រួមគ្នាច្រៀងលើក<br />តម្កើងមេដឹកនាំ” ។ ព្រោះថា ការប្រព្រឹត្ដផ្ទុយពីនេះ នឹងត្រូវស្លាប់។<br /><br />ជាក់ស្ដែង ទាក់ទិននឹងបញ្ហាខាងលើ ដែលបានធ្វើឱ្យកក្រើកវិស័យសិល្បៈកូរ៉េខាងជើង នោះគឺ<br />ករណីប្រហារជីវិតសិល្បករ សិល្បការិនីមកពីក្រុមតន្ដ្រី Unhasu និង Wangjaesan Light Music <br />ចំនួន ១២រូប ក្នុងនោះ មានតារាចម្រៀង Hyon Song-wol ដែលធ្លាប់ជាស្រីស្នេហ៍មួយរយៈពេល<br />របស់មេដឹកនាំ Kim Jong-un ។ ក្រុមចម្រៀងខាងលើនេះ ត្រូវបានចោទប្រកាន់ថា បានថតរឿង<br />សិច និងបញ្ចេញលក់ក្នុងទីផ្សារ។ ប៉ុន្ដែ តាមពិត បន្ទាប់ពីត្រូវបានបញ្ចេញជាសាធារណៈ វីដេអូ ដែលត្រូវបានអាជ្ញាធរកូរ៉េខាងជើងចោទថាជាវិដេអូសិច នោះ វាគ្រាន់តែជាចម្រៀងមួយបទដែល<br />ក្រុមអ្នកសិល្បៈ ច្រៀង និងរាំទៅតាមបទចម្រៀងមួយបទរបស់អាមេរិកតែប៉ុណ្ណោះ។</p>
<p style="text-align: center;"><a class="thickbox" title="" href="/FileManager/Commons/2013/12/23/showbk4-23-12-2013--15-48-41.jpg"><img src="/FileManager/Articles/mce/2013/12/23/showbk4-23-12-2013--15-48-41.jpg" alt="" /></a><br /><em>រូបភាពខាងលើ ត្រូវបានកាត់ចេញពីវីដេអូ ដែលកូរ៉េខាងជើងយល់ថា ជាភ័ស្ដុតាងមួយ ធ្វើឱ្យតារា</em><br /><em>ចម្រៀងស្រី នាង Hyon Song-wol រួមទាំងសិល្បករ សិល្បការិនី ១១រូបផ្សេងទៀតមកពីក្រុមតន្ដ្រី </em><br /><em>Unhasu និង Wangjaesan Light Music ត្រូវបានកាត់ទោសប្រហារជីវិត។</em></p>
<p> </p>
<p><strong>ក្រុមគ្រួសារអ្នកទោសក៏ត្រូវចាប់ទៅធ្វើពលកម្ម</strong></p>
<p>ក្រៅពីការប្រហារជីវិត “អ្នកប្រព្រឹត្តខុស” ក្រុមគ្រួសាររបស់ បណ្ដា “ជនល្មើស” ក៏ត្រូវបានចាប់បញ្ជូន<br />ទៅ “កែប្រែ” ដោយត្រូវពលកម្មរយៈពេលយូរ តាមទម្លាប់ “ដាក់ទោសបីជំនាន់” នៅកូរ៉េខាងជើងផង<br />ដែរ៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/www.camnews.com.kh/news/detail/75630/north-korea--not-cry-for-leaders-is-illegal"><span style="color: #3366ff;">កូរ៉េខាងជើង ៖ មិនយំស្រណោះមេដឹកនាំប្រទេស គឺត្រូវមានទោស</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/news/detail/81406/cosmetic-eye-surgery-costs-only-3-in-north-korea-but-it%E2%80%99s-punished-with-forced-labor"><span style="color: #3366ff;">ស្អាតខុសធម្មជាតិ ជារឿងខុសច្បាប់ នៅកូរ៉េខាងជើង</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/73829/man-kept-in-cage-by-his-mother-for-more-than-40-years-over-fears-he-could-hurt-himself"><span style="color: #3366ff;">ក្ដីបារម្ភរបស់អ្នកម្ដាយ វ័យ ៨០ បង្ខាំងកូនក្នុងទ្រុង ជាង ៤០ឆ្នាំ(មានវីដេអូ)</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/68149/winter-solstice-festival-of-kalasha-in-pakistan"><span style="color: #3366ff;">ពិធីបុណ្យរដូវរងាពីរសប្ដាហ៍ របស់កុលសម្ព័ន្ធ Kalasha</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/28756/girl-2-collects-bottles-to-save-money-for-surgery"><span style="color: #3366ff;">កុមារីអាយុ ២ឆ្នាំ រើសអេតចាយ ដើម្បីរកប្រាក់មើលជម្ងឺ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ SH<br /><br /></p>