<p><span style="color: #000000;"><strong>កូរ៉េ៖</strong> នាង Yuri សមាជិកក្រុម តារាចម្រៀងស្រីដ៏ល្បីល្បាញ របស់កូរ៉េខាងត្បូង និងលោក Oh Seung hwan ជាកីឡាករ baseball បានជួបគ្នា ដែលដោយចៃដន្យ កាលពីឆ្នាំមុន ក្នុងព្រឹត្តិការណ៍ «SM Entertainment» ក្រោយមកអ្នកទាំង២ ក៏លួចណាត់ជួបគ្នាយ៉ាងលាក់លៀម ដើម្បីគេចចេញពី ភ្នែកទស្សនិកជន ជាបន្តបន្ទាប់ ។</span></p>
<p><span style="color: #000000;">នេះបើតាមការចេញផ្សាយ ពី Channelnewsasia នៅថ្ងៃទី២១ ខែមេសា ឆ្នាំ ២០១៥ ។ បើយោងតាមអ្នកគ្រប់គ្រង ទូទៅ SM Entertainment បានអះអាងកាលពីថ្ងៃចន្ទនេះថា សមាជិកក្រុមតារាចម្រៀងស្រី Girls 'Generation នាង Yuri បានណាត់ជួបមិត្តប្រុស ដែលជាកីឡាករ baseball ក្រុម Hanshin Tigers របស់ប្រទេសកូរ៉េខាងត្បូង គឺលោក Oh Seung hwan យ៉ាងស្ងៀមស្ងាត់ កាលពីពេលថ្មីៗនេះ ។</span></p>
<p><span style="color: #000000;">នាង Yuri ជាសមាជិកថ្មី របស់ក្រុម Girls 'Generation ថែមទាំងមានទស្សនិកជនជាច្រើន បានទទួលស្គាល់ថា នាងកំពុងមានស្នេហាជាលើកដំបូង។ មិត្តរួមក្រុមនាង រួមមានៈនាង Tiffany,នាង Taeyeon, នាង Sooyoung និងនាង Yoona ក៏បានបង្ហាញ ពីក្ដីរីករាយចំពោះ ស្នេហារវាងនាង Yuri និងលោក Oh Seung hwan ដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/21/60-21-04-2015--16-33-09.jpg"><img src="/FileManager/Articles/mce/2015/4/21/60-21-04-2015--16-33-09.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>