<p><strong>ភ្នំពេញ ៖</strong> បុរសពីរនាក់ ត្រូវរងរបួសធ្ងន់ធ្ងរ ក្នុងខណៈដែលរូបគេ ជិះម៉ូតូគុបជ្រុងមួយគ្រឿងឌុប<br />គ្នា ហើយត្រូវរថយន្តស៊េរីទំនើបមួយគ្រឿង របស់អ្នកមានអំណាច បានបើកបុកយ៉ាងពេញទំ<br />ហឹង កាលពីវេលាម៉ោង ១៖៤០ នាទីយប់រំលងអាធ្រាត្រ ឈានចូលថ្ងៃទី១៧ ខែកក្កដា ឆ្នាំ<br />២០១៣ នៅតាមបណ្តោយផ្លូវព្រះនរោត្តម មុខរោងកុនលុច្ស សង្កាត់ផ្សារថ្មីទី២ ខណ្ឌដូនពេញ។</p>
<p>យោងតាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុគេ បានឃើញ<br />បុរសពីរនាក់ បានជិះម៉ូតូមួយគ្រឿង ម៉ាកគុបជ្រុង ពណ៌ទឹកប៊ិច ធ្វើដំណើរតាមបណ្តោយ ផ្លូវ<br />ព្រះនរោត្តម ក្នុងទិសដៅពីត្បូង ទៅជើង ដោយបានជិះក្នុងល្បឿនលឿនល្មម ខណៈជិះមក<br />ដល់ចំណុច កើតហេតុខាងលើនេះ ស្រាប់តែរថយន្តស៊េរីទំនើបមួយគ្រឿង ម៉ាករ៉ងរ៉ូវែ ពណ៌<br />ខ្មៅ ពាក់ស្លាកលេខ ភ្នំពេញ 2 V 9996 បើកបរដោយ កូនអ្នកមានអំណាច បានបើកបុកម៉ូតូ<br />គុបជ្រុងយ៉ាងពេញទំហឹង ពីក្រោយបណ្តាលឲ្យម្ចាស់ម៉ូតូ ត្រូវរងរបួសធ្ងន់ធ្ងរ និងម៉ូតូខូចខាត<br /> ចំណែករថយន្តបង្កហេតុ ក៏ខូចខាតមិនអាចបន្តដំណើរទៅមុខរួច ។ </p>
<p>ប្រភពដដែលបានបន្តថា ក្រោយកើតហេតុ ម្ចាស់រថយន្តរ៉ង់រ៉ូវែ បានទូរស័ព្ទហៅរថយន្ត ស៊េរី<br />ទំនើបមួយគ្រឿងទៀត ពាក់ស្លាកលេខ ខេមរភូមិន្ទ មកអន្តរាគមន៍ ដាក់ខ្សែសណ្តោងរថយន្ត<br />រ៉ង់រ៉ូវែ ជិះរត់គេចខ្លួនដោយ មិនចាំទទួលខុសត្រូវនៅចំពោះមុខច្បាប់។ ទង្វើនេះបញ្ជាក់ឲ្យដឹង<br />ថា ម្ចាស់រថយន្តបង្កហេតុ ជាមនុស្សគ្មានខួរ ព្រោះមានលុយ មានអំណាច តែធ្វើចរិតថោក<br />ទាប មិនគោរពច្បាប់ ។</p>
<p>លើសពីនេះ អ្វីដែលគួរឲ្យកត់សម្គាល់ មានក្រុមអ្នកកាសែតនិងទូរទស្សន៍ បានចុះទៅដល់<br />កន្លែងកើតហេតុ ដើម្បីថតយកទិដ្ឋភាពនេះ ប៉ុន្តែមានបុរស ២ទៅ៣នាក់ បានរត់សម្រុកមក<br />ចាប់យក ម៉ាស៊ីនថតពីយុវជនម្នាក់ ដែលជាបុគ្គលិករបស់ស្ថានីយ៍ទូរទស្សន៍១ កំពុងថតយក<br />ទិដ្ឋ ភាពហេតុការណ៍ ដែលអ្នកមានអំណាចបង្កឲ្យមាន គ្រោះថ្នាក់ហើយមិនទទួលខុសត្រូវ ។</p>
<p>ក្នុងហេតុការណ៍នេះក្រុម បើកបររថយន្តបង្កហេតុ ក៏បានគំរាមឲ្យអ្នកកាសែត លុបរូបភាពទាំង<br />អស់ និងបានអូសយុវជន ជាអ្នកកាសែតម្នាក់ ចូលក្នុងរថយន្តថែមទៀតផង ប៉ុន្តែដោយសារ<br />មានការពន្យល់ណែនាំ ពីសំណាក់យុវជនរូបនោះ ទើបអស់លោក កូនអ្នកមានអំណាច បាន<br />សម្រួលអារម្មណ៍បែរជា ប្រញាប់ទៅបើករថយន្ត គេចខ្លួនទៅវិញ ។ </p>
<p>ពាក់ព័ន្ធនិងករណី គ្រោះថ្នាក់ចរាចរណ៍ នេះគឺត្រូវបានសាក្សីដែលឃើញ ហេតុការណ៍នោះបាន<br />ឲ្យដឹងថា ដឹងថាកើតឡើងអស់រយៈពេលជាង ១ ម៉ោងតែសមត្ថកិច្ចមូលដ្ឋាន មិនឃើញមកសូម្បី<br />តែម្នាក់ ដោយទុកឲ្យជនបង្ករត់គេចខ្លួន បាត់ទើបលេចមុខមកអន្តរាគមន៍ ។ មហាជនដែលឃើញ<br /> ទិដ្ឋភាពនេះបានរិះគន់ យ៉ាងខ្លាំងចំពោះ អ្នកបើកបររថយន្តបង្កហេតុ ជាពិសេសរិះគន់ចំពោះ <br />សមត្ថកិច្ចមូលដ្ឋានដែលគ្មានចិត្ត ក្នុងការចុះជួយ អន្តរាគមន៍ ដល់ជនរងគ្រោះត្រូវគេបុក ឲ្យ<br />របួសធ្ងន់រហូតដល់ទៅ ២នាក់ ហើយរថយន្តបង្ករត់គេចខ្លួនបាត់ ទើបឃើញវត្តមាន របស់<br />លោកសមត្ថកិច្ចចុះមកដល់ ។</p>
<p>ដោយប្រជាពលរដ្ឋបានស្គាល់ និងបានថតរូបភាព ស្លាកលេខរថយន្តបង្កហេតុ បាននោះ ដូច្នេះ<br />សូមអំពាវ នាវដល់សមត្ថកិច្ចដែលពាក់ព័ន្ធ និងការដោះស្រាយករណី ខាងលើនេះមេត្តាជួយ <br />ស្រាវជ្រាវតាមចាប់ក្រុមអ្នក បើកបរថយន្តមិនគោរពច្បាប់ និងមិនទទួលខុសត្រូវ ចំពោះទង្វើ<br />របស់ពួកគេនេះ យកមកដោះស្រាយចំពោះមុខច្បាប់ផង ដើម្បីជាការធ្វើឲ្យប្រជាពលរដ្ឋ មាន<br />ទំនុកចិត្តជឿជាក់ថា សមត្ថកិច្ច ពិតជាមានស្រវេស្រវា ក្នុងការជួយប្រជាជនរងគ្រោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0216.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0217.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0218.jpg" alt="" width="500" /></p>
<p style="text-align: center;"><object width="500" height="400" data="http://www.youtube.com/v/rI_zMEpBDYQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/rI_zMEpBDYQ&rel=1" /></object></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>