<div class="article-content">
<p><strong>ភ្នំពេញៈ</strong> ជូនប្រពន្ធ ទៅផ្សារស៊ីតធីម៉ល រួចអង្គុយចាំក្នុងរថយន្ដ ត្រូវក្រុមស៊ីមពីរ តែងខ្លួនជា<br />មនុស្សស្រីសម្រុកចូល ក្នុងរថយន្ដ ឆក់យកលុយអស់ចំនួន ៩៤០ដុល្លារ ដែលហេតុការណ៍<br />នេះ បានកើតឡើង កាលពីវេលាម៉ោង ២១ និង ១៥នាទីយប់ ថ្ងៃទី០៧ ខែឧសភា ឆ្នាំ២០១៣<br /> នៅមុខផ្សារស៊ីតធីម៉ល តាមបណ្ដោយផ្លូវព្រះមុន្នីរ៉េត សង្កាត់ វាលវង់ ខណ្ឌ៧មករា រាជធានី<br />ភ្នំពេញ ។ ក្រោយកើតហេតុជិតមួយម៉ោង ទើបគេឃើញវត្ដមាននគរបាល ប៉ុស្ដិវាលវង់ ទៅ<br />អើតមើល ទីបញ្ចប់ជនរងគ្រោះ បានត្រឹមដាក់ពាក្យបណ្ដឹងប៉ុណ្ណោះ ។</p>
<p>តាមប្រភពបញ្ជាក់ថា ក្រុមខ្ទើយស៊ីមពីរនេះ ជាមុខសញ្ញាចាស់ ហើយត្រូវនគរបាលខណ្ឌ ៧<br /> មករា ចាប់បាន ជា ញឹកញាប់ដែរ ហើយកន្លែងគេរកស៊ីភាគច្រើន នៅក្នុងស្ដាតអូឡាំពិក ព្រោះ<br />សម្បូរភ្ញៀវ មានរថយន្ដទំនើប ទៅ ហាត់ប្រាណនៅទីនោះ រហូតដល់ពេលយប់ ក្រុមស៊ីមពីរនេះ<br /> ចេញរកស៊ីនៅទីប្រជុំជន ដូចជាផ្សារទំនើបរាត្រី កន្លែងក្លឹបកំសាន្តសប្បាយជាដើម ។</p>
<p>ប្រភពព័ត៌មាន ពីបុរសរងគ្រោះបានឲ្យដឹងថា មុនពេលកើតហេតុ គាត់បានជូនប្រពន្ធទៅផ្សារ<br />ទំនើបស៊ីធីម៉ល ហើយបានហូតកាបូបលុយ ពីក្នុងហោប៉ៅខោ យកប្រាក់ឲ្យប្រពន្ធ១០០ដុល្លារ <br />ចូលផ្សារ រួចមិនបានយកទុកវិញទេ ដាក់នៅក្នុងរថយន្ត ហើយបានអង្គុយនិយាយទូរស័ព្ទ ដោយ<br />មិនបានឡុកសោរថយន្តទេ ខណៈពេលកំពុងតែ អង្គុយនិយាយទូរស័ព្ទ ស្រាប់តែជនសង្ស័យជា<br />ភេទទី៣ ម្នាក់ បានបើកទ្វាររថយន្ត ចូលទៅអង្គុយក្នុងរថយន្ត ធ្វើឲ្យ ម្ចាស់រថយន្តប្រាប់ឲ្យចេញ<br />ក្រៅវិញ ត្រូវជនសង្ស័យនោះ ឆក់បានកាបូបលុយរត់ចេញមកវិញ ឡើងជិះម៉ូតូម៉ាក អាយខុន<br /> របស់បក្ខពួកគេម្នាក់ទៀត ដែលបញ្ឆេះនៅឈប់ចាំជិតនោះ រួចជាស្រេចបើកចេញទៅបាត់ ។</p>
<p>បុរសជាម្ចាស់កាបូប បានទៅដាក់ពាក្យបណ្តឹង នៅប៉ុស្តិ៍នគរបាល វាលវង់ដោយប្រាប់ថា នៅក្នុង<br />កាបូប ដែលជន សង្ស័យឆក់យកទៅបាត់នោះ មានប្រាក់ចំនួន ៩៥០ដុល្លារ មានកាតគ្រីរថយន្ត <br />មួយសន្លឹក កាតគ្រីម៉ូតូ ១សន្លឹក និងអត្តសញ្ញាណប័ណ្ណសញ្ជាតិខ្មែរមួយសន្លឹក ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-015/T-0141.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0142.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>