<p><span style="color: #000000;">ព័ត៌មានអន្តរជាតិ ៖ ក្រុមមន្រ្តីប៉ូលីស មន្រ្តីពន្លត់អគ្គីភ័យ ក៏ដូចជា មន្រ្តីជំនាញប្រមាញ់សត្វព្រៃ ទាំង អស់គ្នាបានពួតដៃគ្នា ក្នុងការតាមស្វែងរក ក៏ដូចជា ប្រមាញ់រក សត្វខ្លាមួយក្បាលដែលត្រូវបានគេ ជឿថា រួចចេញពីការឃុំឃាំង បន្ទាប់ពីបានឃើញវត្តមានវា នៅខាងក្រៅទីក្រុង ប៉ារីស ប្រទេសបារាំង</span></p>
<p><span style="color: #000000;">ស្រ្តីម្នាក់ បានប្រកាសអាសន្ន ដល់អាជ្ញាធរប្រចាំតំបន់ បន្ទាប់ ពី បានប្រទះឃើញ ពូជខ្លាមួយក្បាល នោះនៅឯចំណតរថយន្តផ្សារទំនើប នាតំបន់ Montevrain ភាគ ខាងលិច ទីក្រុង ប៉ារីស ។ លើសពី នេះសេចក្តីរាយការណ៍ បន្តអោយដឹងថា មន្រ្តីបសុសត្វ ដៃប្រដាប់ដោយ អាវុធ នោះ បានធ្វើការលុក លុយទៅតាមតំបន់ជនបទ ខាងក្រៅទីក្រុង ខណៈមានជាជំនួយ ដោយ មានការហោះហើរ ឧទ្ធម្ភាគ ចក្រ ។ ដោយឡែក ប្រជាជនទូទៅ ក្នុងតំបន់ Montevrain និង ក្រុង ពីរផ្សេងទៀត ក្បែរនោះ ត្រូវបាន ប្រកាសអាសន្ន ព្រមានអោយនៅតែក្នុងផ្ទះ ។ ជាមួយនឹងចំណាត់ការ បង្ការជាហានិភ័យ អំឡុងពេល ថ្ងៃ រាល់បណ្តាក្មេងៗទាំងអស់ ត្រូវបង្ខាំងទុកអោយនៅតែក្នុងសាលា ខណៈ មានការទទួលយកពីសំ ណាក់អាណាព្យាបាល ដោយប្រើរថយន្តជាចាំបាច់ ។</span></p>
<p><span style="color: #000000;"><a class="thickbox" title="" href="/FileManager/Commons/2014/11/14/31-14-11-2014--09-12-10.jpg"><img src="/FileManager/Articles/mce/2014/11/14/31-14-11-2014--09-12-10.jpg" alt="" /></a><br /></span></p>
<p><span style="color: #000000;">ពុំទាន់មានសេចក្តីរាយការណ៍ច្បាស់ការណ៍ ថាពូជខ្លាប្រភេទនេះ ចេញមកពីទីណាអោយពិតប្រាកដ នោះទេ ។ ម្ចាស់ផ្សារទំនើប lntermarche នៅតំបន់ Montevrain អះ អាង អោយដឹងថា ភរិយារបស់ លោក បានប្រទះឃើញ ខ្លាប្រភេទនេះ នៅវេលាម៉ោង ៨ និង ៣០ នាទីព្រឹក (ម៉ោងក្នុងស្រុក ប្រទេស បារាំង) ។ </span></p>
<p><span style="color: #000000;">" ភរិយារបស់ខ្ញុំបាទ មិនបានចាកចេញពី រថយន្ត នោះទេ ខណៈនាងបានទូរស័ព្ទមកខ្ញុំ និងនិយាយ បញ្ជាក់អោយដឹងថា អូនគិតថា អូនបានឃើញ អំបូរ សត្វខ្លាព្រៃមួយក្បាល " ស្រ្តីជាភរិយា ក៏បានប្រ មាញ់ជាប់រូបថត បញ្ជាក់អោយបានថា វាពិតជាអំបូរសត្វខ្លាព្រៃមួយក្បាលពិតប្រាកដមែន ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/14/30-14-11-2014--09-12-17.jpg"><img src="/FileManager/Articles/mce/2014/11/14/30-14-11-2014--09-12-17.jpg" alt="" /></a><br /></span></p>
<p><span style="color: #000000;">ឧទ្ធម្ភាគចក្រ បំពាក់ទៅដោយ ឧបករណ៍រាវរកនោះ បាននឹងកំពុងតែព្យាយាមរុករកពូជខ្លាព្រៃប្រភេទ នេះដែលកំពុងតែមានវត្តមាននៅលើដី ។ ក្រុមអ្នកជំនាញ សត្វព្រៃតាមប្រមាញ់ ឆ្កែចចក អមជាមួយ នឹងឆ្កែបង្វឹកនោះ ក៏ស្ថិតនៅក្នុងក្រុមរុករកដូចគ្នាដែរ នេះបើ យើង តាមសម្តីមន្រ្តីអាជ្ញាធរ ប្រចាំតំបន់ លោក Seine-et-Marne សរបញ្ជាក់អោយដឹង ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/14/50-14-11-2014--09-12-49.jpg"><img src="/FileManager/Articles/mce/2014/11/14/50-14-11-2014--09-12-49.jpg" alt="" width="494" height="227" /></a><br /></span></p>
<p><span style="color: #000000;">យ៉ាងណាមិញ កាសែត Le Parisien រាយការណ៍អោយដឹងថា ពលរដ្ឋក្នុងស្រុក មួយចំនួនពិតជាបាន ឃើញពូជសត្វប្រភេទនេះ ។ ក្រុមការងារអ្នកជំនាញសត្វ បន្តអោយ ដឹងថា ខ្លាមួយក្បាលនេះ គឺជា ពូជខ្លាមានអាយុក្មេងវ័យនៅឡើយ ខណៈនឹងមានការតាមដាន ប្រមាញ់ វា អោយខានតែបាន តាម រយៈដានជើងរបស់វា ដើរចូលទៅក្នុងព្រៃ ។ </span></p>
<p><span style="color: #000000;">គួរបញ្ជាក់ថា មន្រ្តីតំបន់ Montevrain បានច្រាលចោលនូវការលលើកឡើងថា ខ្លាមួយក្បាលនេះអាច នឹងរួចចេញពីកន្លែងលេងសៀកមួយកន្លែង រហូតមកដល់ថ្ងៃសៅរ៍កន្លងទៅនេះ ។ ស្របពេលជាមួយ គ្នានេះដែរ កន្លែងលេងសៀក EuroDisney ដែលបានបើកដំណើរការ នៅ ជិត Disneyland ទីក្រុង ប៉ារីស បញ្ជាក់ថា កន្លែងរបស់ខ្លួន មិនបានរក្សាទុកខ្លានោះទេ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>