<div class="article-content">
<p><strong>ភ្នំពេញ</strong> ៖ កម្មករលាងរថយន្ដ នៅយាន ដ្ឋានលាងរថយន្ដប៊ីធី ដែលមានទីតាំងស្ថិត នៅលើផ្លូវ<br />លេខ១៩កែងផ្លូវលេខ២១៤ សង្កាត់ ជ័យជំនះ ខណ្ឌដូនពេញ បានបង្កគ្រោះថ្នាក់ ចរាចរជាបន្ដ<br />បន្ទាប់ ដោយសារតែបានបើក រថយន្ដភ្ញៀវចេញពីកន្លែងលាង ស្រាប់តែ ជាប់ស្បែកជើងកវែង<br />និងហ្គែរក៏ជ្រុលទៅបុកអ្នកធ្វើដំណើរតាមម៉ូតូសណ្ដោងរ៉ឺម៉ក អ្នក ថ្មើជើង ហើយទៅបុកជញ្ជាំង<br />របងហាងលក់ សាច់អាំង យីហោ យុំាំងហ្គោ ដែលនៅជាប់ យានដ្ឋាន បណ្ដាលឱ្យមនុស្ស៣នាក់<br />រងរបួស ធ្ងន់ស្រាល ។</p>
<p>គ្រោះថ្នាក់ចរាចរ ដែលបង្កឡើងដោយ កម្មករលាងរថយន្ដ នៅយានដ្ឋានប៊ីធី ព្រោះ តែមិនសូវចេះ<br />បើកបរ និងមិនមានការប្រុង ប្រយ័ត្ននោះ បានកើតឡើងកាលពីវេលា ម៉ោង ៧និង២០នាទីយប់ថ្ងៃ<br />ទី១៨ ខែសីហា ឆ្នាំ២០១៣ ស្ថិតនៅចំណុចកើតហេតុខាង លើ ប៉ុន្ដែអ្នកបើករថយន្ដបង្ក ត្រូវបាន<br />កម្លាំង នគរបាលចរាចរណ៍ជើងគោកយកទៅសួរនាំ និងចាត់វិធានការតាមផ្លូវច្បាប់។</p>
<p>មន្ដ្រីនគរបាលចរាចរណ៍ជើងគោករាជ ធានី ភ្នំពេញ បានឱ្យដឹងថា នៅវេលាម៉ោង កើតហេតុខាង<br />លើមានគ្រោះថ្នាក់ចរាចរ មួយបានកើតឡើង ដោយសារតែកម្មករ លាង រថយន្ដនៅយានដ្ឋានលាង<br />រថយន្ដ ប៊ីធី បានបើករថយន្ដរបស់ភ្ញៀវ ម៉ាកតូយូតាកាមរី ពណ៌ ទឹកមាស ពាក់ស្លាកលេខ ភ្នំពេញ<br /> 2Q-7692 បើកចេញពីយានដ្ឋាន ធ្វើឱ្យស្បែកជើងជាប់នឹងហ្គែររថយន្ដ ក៏ជ្រុលទៅបុកម៉ូតូ សណ្ដោង<br /> រ៉ឺម៉កមួយគ្រឿង ម៉ាកC125 ពណ៌ខ្មៅ បណ្ដាលឱ្យអ្នកបើកម៉ូតូកង់បីរង របួសធ្ងន់ ស្រាល ។</p>
<p>មន្ដ្រីនគរបាលចរាចរជើងគោកបានឱ្យ ដឹងថា ភ្លាមៗនោះរថយន្ដបង្កបានជ្រុលទៅ បុកអ្នកថ្មើជើង <br />ដែលកំពុងដើរនៅលើចិញ្ចើម ផ្លូវ បណ្ដាលឱ្យរងរបួសធ្ងន់ រួចហើយក៏ជ្រុល ទៅបុករបងហាងលក់<br />សាច់គោអាំង យីហោ យុំាងហ្គោ ទើបទៅមុខលែងរួច ។</p>
<p>បើតាមសមត្ថកិច្ចចរាចរជនបង្កគ្រោះថ្នាក់ ចរាចរខាងលើនេះ ឈ្មោះហេង សាវង្ស អាយុ២៤ឆ្នាំ មាន<br />ស្រុកកំណើតនៅភូមិព្រែក តាកៅ ឃុំចំបក់ ស្រុកស្វាយជ្រុំ ខេត្ដស្វាយ រៀង រីឯអ្នកបើកម៉ូតូសណ្ដោង<br />រ៉ឺម៉កឈ្មោះ ជិន សុភក្ដិ ភេទប្រុស អាយុ២៩ឆ្នាំ មានទីលំ នៅផ្ទះលេខ៤០ សង្កាត់ឫស្សីកែវ ខណ្ឌឫស្សី<br /> កែវ រីឯអ្នករួមដំណើរទី១ ដែលរងរបួសធ្ងន់ ឈ្មោះសួន សុភា ភេទស្រី អាយុ៣៩ឆ្នាំ រស់ នៅភូមិវ៉ឺនសៃ<br /> ឃុំវ៉ឺនសៃ ស្រុកវ៉ឺនសៃ ខេត្ដ រតនគិរី និងអ្នករួមដំណើរទី២ ដែលរងរបួស ស្រាល ឈ្មោះសំ សួនឧត្ដម<br /> ភេទប្រុស អាយុ ៤ឆ្នាំ ។ ដោយឡែកជនរងគ្រោះ ដែលកំពុង ដើរនៅលើចិញ្ចើមផ្លូវ ត្រូវបានរថយន្ដ<br />បង្ក ជ្រុលទៅបុក ឈ្មោះព្រំ ប៉ុង ភេទប្រុស អាយុ ១៨ឆ្នាំ មានទីលំ នៅ ផ្ទះលេខA011 ភូមិព្រែក តា<br />ជ័យ ឃុំអភិវឌ្ឍន៍ ខេត្ដកំពង់ឆ្នាំង ។</p>
<p>នាយរងការិយាល័យចរាចរជើងគោក រាជធានីភ្នំពេញ លោកប៉ែន ឃុន បានឱ្យដឹង ថា ក្រោយពីទទួល<br /> សេចក្ដី រាយការណ៍ពី សមត្ថកិច្ចមូលដ្ឋាន ស្ដីពីគ្រោះថ្នាក់ចរាចរបុក រះជាបន្ដបន្ទាប់ខាងលើនេះ លោក<br />បានដឹកនាំកម្លាំងនគរបាលចុះទៅជួយអន្ដរាគមន៍ តាមរយៈការយកជនបង្កទៅសួរនាំ នៅការិយាល័យ<br />ចរាចរ ជើងគោករាជធានីភ្នំពេញ ដើម្បី ចាត់ការតាមផ្លូវច្បាប់ ។ ដោយឡែកជនរង គ្រោះ ដែលរងរបួស<br />ធ្ងន់ ស្រាល ត្រូវបានសមត្ថ កិច្ចនិងសាច់ញាតិជួយដឹកបញ្ជូនទៅកាន់មន្ទីរពេទ្យភ្លាមៗ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0416.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>