<div class="ja-content-main">
<div class="article-content">
<p><strong>ភ្នំពេញ ៖</strong> ស្រ្តីវ័យ ចំណាស់ម្នាក់ បានបើករថយន្ត ឡង់រ៉ូវែ ពណ៌ខ្មៅ មួយគ្រឿង ពាក់ ស្លាកលេខ ភ្នំពេញ 2W-5558 បានជ្រុល ទៅបុករបង នៃទីបញ្ជាការដ្ឋាន អាវុធហត្ថលើផ្ទៃ ប្រទេស បណ្តាលឲ្យ រងនូវការខូចខាត របង និងខូចខាត ម៉ូតូនៅខាងក្នុងផងដែរ។</p>
<p>ហេតុការណ៍ គ្រោះថ្នាក់ចរាចរណ៍ ដោយខ្លួនឯង ខាងលើនេះ បានកើតឡើង នៅព្រឹកថ្ងៃទី១២ ខែមិថុនា ឆ្នាំ២០១៤ ។ សេចក្តីរាយការណ៍ ពីកន្លែងកើតហេតុ បានឲ្យ ដឹងថា មុនពេលកើតហេតុ មានស្រ្តីម្នាក់ មិនស្គាល់ អត្តសញ្ញាណ អាយុជិត៦០ឆ្នាំ បានបើក រថយន្ត ឡង់រ៉ូវ័រ មួយគ្រឿង តាមដងផ្លូវ ស្រាប់តែដល់ របងទីបញ្ជាការដ្ឋាន អាវុធហត្ថលើ ផ្ទៃប្រទេស មិនដឹងមកពី មូលហេតុអ្វី បានរេចង្កូត ទៅបុករបង បណ្តាលឲ្យ រងនូវការខូចខាត និងម៉ូតូ ដែលចតនៅ ក្នុងបរិវេណ។</p>
<p>គេមិនដឹងថា តើស្រ្តីរូបនេះ ជាភរិយា របស់ថ្នាក់ដឹកនាំ ណាម្នាក់នោះឡើយ ហើយក៏មិនស្គាល់ឈ្មោះផងដែរ ពីព្រោះព័ត៌មាន ត្រូវបានលាក់ជិតឈឹង ក្រោយកើតហេតុ ៕</p>
<p><img title=" " src="http://image.dap-news.com:81/dap-news/dap-images/2014/June/id-067/CH-00506.jpg" alt="" width="500" /></p>
<p><img src="http://image.dap-news.com:81/dap-news/dap-images/2014/June/id-067/CH-00507.jpg" alt="" width="500" /></p>
<p><img src="http://image.dap-news.com:81/dap-news/dap-images/2014/June/id-067/CH-00508.jpg" alt="" width="500" /></p>
<p style="text-align: right;"><br />ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>