<div class="article-content">
<p><strong>ភ្នំពេញ ៖</strong> ជនសង្ស័យម្នាក់ ក្នុងចំណោម បក្ខពួកពីរនាក់ ត្រូវសមត្ថកិច្ចប៉ុស្តិ៍ចាក់អង្រែលើ <br />ឃាត់ខ្លួន ខណៈ ដែលបុរសរូបនេះ ធ្វើសកម្មភាពឡើងផ្ទះប្រជាពលរដ្ឋ បំណងលួចទ្រព្យ<br />សម្បត្តិ តែត្រូវម្ចាស់ផ្ទះឃើញទាន់ ហៅសមត្ថកិច្ចឃាត់ខ្លួនបានភ្លាមៗ នៅជិតស្ពានអាកាស<br />ក្បាលថ្នល់ តាមបណ្ដោយផ្លូវជាតិលេខ២ ស្ថិត ក្នុងសង្កាត់ចាក់អង្រែលើ ខណ្ឌមានជ័យ<br /> កាលពីវេលាម៉ោង១១ និង២០នាទីយប់ថ្ងៃទី២០ ខែតុលា ឆ្នាំ ២០១៣ ។</p>
<p>តាមការរៀបរាប់របស់ម្ចាស់ផ្ទះ ដែលបានរាយការណ៍ ប្រាប់សមត្ថកិច្ច បានឲ្យដឹងថា <br />គាត់បានឃើញ ស្រមោលមនុស្សដែលដើរលើដំបូលផ្ទះ ពេលនោះ គាត់ក៏បានរាយការណ៍<br /> ទៅសមត្ថកិច្ចមូលដ្ឋាន អំពី សកម្មភាពដែលមានមនុស្សឡើងផ្ទះ ក្នុងបំណងលួចទ្រព្យសម្បត្តិ<br /> ខណៈដែលជនសង្ស័យបាន ឡើងដល់ បង្អូចផ្ទះ ហើយក៏ស្រែកឆោឡោ ផ្អើលដល់ប្រជាពល<br />រដ្ឋជិតខាង ជួយអន្តរាគមន៍ និងសមត្ថកិច្ចព័ទ្ធចាប់ បានម្នាក់ និងម្នាក់ទៀតរត់រួច ។</p>
<p>សូមបញ្ជាក់ថា ខណ:សមត្ថកិច្ចកំពុងតែបណ្តើរជនសង្ស័យដែលចាប់បាននោះ ក៏ត្រូវបាន<br />ក្រុមប្រជាពលរដ្ឋ ដែលភាគច្រើនជាយុវជន បានលួចវាយ ដាល់ ទាត់ធាក់ ម្នាក់មួយដៃមួយ<br />ជើង ប៉ុន្តែនៅតែមិនអស់ចិត្តពេល សមត្ថកិច្ច ចាប់ជនសង្ស័យ ដឹកតាមម៉ូតូក្នុងបំណងយក<br />ទៅប៉ុស្តិ៍នោះ ក៏ត្រូវយុវជនម្នាក់ បានតាមទៅដាល់ បណ្តាលឲ្យដួលម៉ូតូរបស់ នគរបាលរង<br />របួសថែមទៀត ហើយបន្ទាប់មក ក្រុមយុវជនដែលខឹងសម្បារ និង មានការស្អប់ខ្ពើមអំពើ <br />ចោរលួច ចោរប្លន់នោះ ក៏ចាប់ទាញជនសង្ស័យ ពីដៃសមត្ថកិច្ច យកវាយទាត់ធាក់ តាមចិត្ត <br />រហូតជនសង្ស័យសល់ដង្ហើមចង្រិត ទម្រាំសមត្ថកិច្ច បន្ថែមកម្លាំង និងយករថយន្ត មកដឹកជន <br />សង្ស័យ ចេញផុតពីកន្លែងកើតហេតុ ។</p>
<p>ក្រោយកើតហេតុ ជនសង្ស័យត្រូវសមត្ថកិច្ចយកទៅប៉ុស្តិ៍ នគរបាលចាក់អង្រែលើ ដើម្បីសួរនាំ <br />និងបញ្ជូន ខ្លួនទៅអធិការដ្ឋាន ខណ្ឌមានជ័យ និងកសាងសំណុំរឿងបញ្ជូន ទៅសាលាដំបូង<br />រាជធានីភ្នំពេញ ផ្តន្ទា ទោសតាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0314.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0315.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0316.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-015/T-0317.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>