<p>ដើម្បីអាចទាក់ទងជាមួយសង្សាររបស់ខ្លួន បានងាយស្រួល នារីវ័យក្មេងម្នាក់នៅ Brazil បាននឹកឃើញវិធីដ៏បុរាណមួយ នោះគឺការផ្ញើទូរស័ព្ទចូលទៅឱ្យសង្សារ នៅក្នុងពន្ធនាគារ តាមរយៈសត្វព្រាប ប៉ុន្ដែ គោលបំណងនេះ មិនបានសម្រេច។<br /><br />នាង Cristielli Mansa អាយុ ២១ឆ្នាំ បានព្យាយាមបញ្ជូនទូរស័ព្ទមួយគ្រឿងទៅឱ្យ Wagner Machado Rodrigues ដែលជាជនល្មើស ត្រូវបានដាក់គុកក្រោមបទប្រើប្រាស់គ្រឿងស្រវឹង ពេលធ្វើចរាចរណ៍។<br /> <br />គោលបំណងរបស់ Cristielli Mansa បានបរាជ័យ បន្ទាប់ពីសត្វព្រាបបានហើរឆ្លងកាត់របងកំពស់ ៣ម៉ែត្រ របស់ពន្ធនាគារ Porto Alegre ក្នុងរដ្ឋ Rio Grande do Sul ភាគខាងត្បូង Brazil ក៏ស្រាបតែធ្លាក់ចុះដី នៅចំពោះមុខឆ្មាំគុកដែលកំពុងដើរល្បាត ដោយសារតែវាអស់កម្លាំង។</p>
<p style="text-align: center;"><a class="thickbox" title="" href="/FileManager/Commons/2013/10/7/pigeon-07-10-2013--21-12-35.jpg"><img src="/FileManager/Articles/mce/2013/10/7/pigeon-07-10-2013--21-12-35.jpg" alt="" width="490" height="276" /></a></p>
<p>ក្រុមបុគ្គលិកធ្វើការនៅក្នុងពន្ធនាគារ ក៏បាននាំគ្នារត់ចេញមកមើល ក៏ស្រាប់តែឃើញ នាងCristielli Mansa រួមនឹងបុរសម្នាក់ទៀត កំពុងត្រៀមដើម្បីបញ្ជូនជាលើកទីពីរ។ លើកនេះ ឧបករណ៍ដែល Cristielli Mansa ត្រៀមនឹងបញ្ជូនចូលក្នុងពន្ធនាគារ រួមមាន ថ្មទូរស័ព្ទ និងឈីបមួយចំនួនដែលមានតម្លៃ ៤២៧ដុល្លារ។<br /><br />បន្ទាប់មក Cristielli Mansa និងបុរសម្នាក់ទៀត គឺ Sydney Jeferson Lopes da Silva អាយុ ៣៥ឆ្នាំ ត្រូវបានចាប់ខ្លួន មុនពេលពួកគេរត់គេច។ អ្នកទាំងពីរនេះ ត្រូវបានចោទប្រកាន់ចំនួនពីរករណី ៖ មានចេតនាបញ្ជូនរបស់ហាមឃាត់ ចូលក្នុងពន្ធនាគារ និងបទប្រព្រឹត្ដឃោរឃៅចំពោះសត្វ។</p>
<p style="text-align: right;"><br />ដោយ ៖ តារា<br />ប្រភព ៖ Orange<br /><br /></p>