<p><span style="color: #000000;"><strong>រតនគិរីៈ</strong> យោងតាមសេចក្តី រាយការណ៍ ពីសមត្ថកិច្ច ប្រចាំការ ច្រករបៀងភូមិឡុំ ស្រុកអូរយ៉ាដាវ ប្រាប់ឲ្យដឹងថា ពួកគាត់ប្រទះ ឃើញស្រះចំនួន ៥ត្រូវបានជនជាតិវៀតណាម ជីករួចរាល់ ជាស្ថាពរហើយ នៅក្នុងតំបន់ ហាមឃាត់។</span></p>
<p><span style="color: #000000;">សេចក្តីរាយការណ៍ ខាងលើប្រាប់បន្តទៀតថា ស្រះចំនួន៥នេះ ស្រះនីមួយមានទំហំប្រវែង៥x១០ម៉ែត្រ ។</span></p>
<p><span style="color: #000000;">ស្រះទី១/ ជីកនៅថ្ងៃទី១២ ខែឧសភា ឆ្នាំ២០១៥ ស្រះទី២/នៅចំណុច និយាមការ 0776221.1515200 ស្រះទី៣ /នៅចំណុច និយាមការ0775522.1516084 ស្រះទី៤/នៅចំណុច និយាមការ0775436.1516122 និងស្រះទី៥/ នៅចំណុចយាមការ0775537.1516303 ។</span></p>
<p><span style="color: #000000;">សេចក្តីរាយការណ៍ ខាងលើបញ្ជាក់ឲ្យដឹងទៀតថា ទោះបីសមត្ថកិច្ចប្រចាំការ (ភាគីកម្ពុជា) បានទៅប្រាប់គេឲ្យ ផ្អាក់ជីកតែពួកគេមិនស្តាប់។</span></p>
<p><span style="color: #000000;">គួរបញ្ជាក់ផងដែរថា តំបន់មហាឃាត់ខាងលើនេះ សមត្ថកិច្ច(កម្ពុជា) មានកម្លាំងនគរបាលវរសេនា តូចការពារ ព្រំដែនលេខ៦២៣ និងកម្លាំងយោធាវរសេនាតូចការពារព្រំដែនលេខ១០២ប្រចាំការប៉ុស្តិ៍សង្កេតការណ៍៦០៣ ច្រករបៀងស្ថិតក្នុង ភូមិឡុំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។ ចំណែកឯសមត្ថកិច្ចខាង វៀតណាម ប៉ុស្តិ៍សង្កេត ការណ៍៧២៣ ស្ថិតក្នុងភូមិសេសៅ ឃុំយ៉ាណាង ស្រុកដាក់កឺ ខេត្តយ៉ាឡាយ។</span></p>
<p><span style="color: #000000;">ទាក់ទិនទៅនឹងជនជាតិវៀតណាមជីកស្រះចំនួន៥នៅតំបន់ហាមឃាត់នេះដែរ លោករចំ ចីប ប្រធានប៉ុស្តិ៍ច្រក របៀងភូមិឡុំ បានប្រាប់មជ្ឈមណ្ឌលពត៌មានដើមអម្ពិលតាមទូរស័ព្ទនៅព្រឹកថ្ងៃទី១៥ ខែឧសភា ឆ្នាំ២០១៥ យ៉ាងខ្លីថា សូមឲ្យសួរទៅថ្នាក់លើទៅ។ ដោយឡែកលោកហេង រតនា ស្នងការរងទទួលបន្ទុកការងារ ព្រំដែនមិន អាចសុំការបំភ្លឺបានទេនៅព្រឹកថ្ងៃទី២៥ ខែឧសភា ឆ្នាំ២០១៥នេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/25/60-25-05-2015--10-38-31.jpg"><img src="/FileManager/Articles/mce/2015/5/25/60-25-05-2015--10-38-31.jpg" alt="" /></a></span></p>
<p><a class="thickbox" title="" href="/FileManager/Commons/2015/5/25/61-25-05-2015--10-38-41.jpg"><img src="/FileManager/Articles/mce/2015/5/25/61-25-05-2015--10-38-41.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/25/60-25-05-2015--10-38-31.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>