<div class="article-content">
<p><strong>ភ្នំពេញៈ</strong> បុរសម្នាក់ បានចូលកោសជប់ ម៉ាស្សា កាលពីថ្ងៃទី១៨ ខែកញ្ញា ឆ្នាំ ២០១៣ ពេល<br />កោសជប់រួចត្រឡប់ទៅដល់ផ្ទះវិញ ទើបដឹងថា បាត់លុយអស់រលីងពីហោប៉ៅ ក៏វិលត្រឡប់<br />មកវិញ ប៉ុន្តែ នារីម៉ាស្សា កោសជប់ទាំងនោះ បានបិទទ្វារគេចខ្លួនអស់ ហើយបុរសរូបនោះ <br />មកឃ្លាំមើលជារៀងរាល់ថ្ងៃ លុះដល់ថ្ងៃ ទី២០ ខែកញ្ញា ប្រទះឃើញនារីម្នាក់នៅផ្ទះខាងលើ<br />នោះ ក៏បបួលមិត្តភ័ក្តិមកឃាត់ខ្លួន នារីម៉ាស្សាម្នាក់នោះ ប្រគល់ឲ្យនគរបាលចោមចៅ ដើម្បី<br />ធ្វើការសាកសួរ ។</p>
<p>ពេលដែលនគរបាល ធ្វើការសាកសួរនារីរូបនោះបានបដិសេដថា ខ្លួនមិនបានធ្វើសកម្មភាព<br />បែបនេះទេ ប្រហែលជាថៅកែរបស់នាង ជាអ្នកប្រព្រឹត្ត ។ ហេតុការណ៍នេះកើតឡើង កាល<br />ពីវេលាម៉ោង ១២ និង ៣០ នាទីថ្ងៃត្រង់ ក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ ។</p>
<p>នគរបាលប៉ុស្តិ៍ចោមចៅ បានឲ្យដឹងថា នារីដែលហៅយកមកសាកសួរនោះ មានអាយុ១៦ឆ្នាំ <br />មានមុខរបរ ជានារីម៉ាស្សា និងកោសជប់ ស្នាក់នៅក្នុងផ្ទះកើតហេតុខាងលើ និងមានស្រុក<br />កំណើតនៅភូមិពុទ្ធ្រា ឃុំ ព្រែក ដាស្រុកអង្គបុរី ខេត្តតាកែវ ។ ចំណែកឯជនរងគ្រោះវិញ ពុំត្រូវ<br />បានគេស្គាល់ឈ្មោះនោះទេ មាន អាយុប្រហែលជាជាង៤០ឆ្នាំ ។</p>
<p>នគរបាលបានបន្តថា កាលពីថ្ងៃទី១៨ ខែកញ្ញា ឆ្នាំ២០១៣ ជនរងគ្រោះបានមកកោសជប់ នៅ<br />កន្លែងកើត ហេតុ លុះពេលកោសជប់រួច ក៏វិលត្រឡប់ទៅផ្ទះវិញ ពេលទៅដល់ផ្ទះទើបដឹងថា<br /> បាត់លុយអស់ពីហោប៉ៅ រលីង ដោយនៅក្នុងហោប៉ៅនោះ មានលុយចំនួន១២០០ដុល្លារ ក៏វិល<br />ត្រឡប់មកវិញ ក្នុងគោលបំណងសួរ នាំ ប៉ុន្តែពេលទៅដល់ ស្រាប់តែឃើញផ្ទះកោសជប់នោះ <br />បិទទ្វារជិត មិនឃើញនារីណាម្នាក់ ទើបដឹងថា នារីទាំងនោះលួចលុយរបស់ខ្លួន ហើយគេចខ្លួន<br />អស់ ទើបជនរងគ្រោះធ្វើការតាមដាន រហូតដល់ព្រឹកថ្ងៃទី ២០ ខែកញ្ញា នេះ ទើបប្រទះឃើញ<br />នារីម្នាក់ នៅផ្ទះខាងលើនោះ ក៏ឃាត់ខ្លួនមកប្រគល់ឲ្យនគរបាល ដើម្បី ធ្វើសាកសួរស្វែងរកជន<br />ដៃដល់ ។</p>
<p>នគរបាលបានបន្តថា បន្ទាប់ពីធ្វើការសាកសួររួចហើយ នារីខាងលើបាននិយាយថា ខ្លួនមិនបាន<br />ធ្វើទង្វើ បែបនេះនោះទេ គឺគេអត់ដឹងអីទាំងអស់ ហើយករណីនេះទំនងជាម្ចាស់ហាងជាអ្នកប្រព្រឹត្ត<br />ហើយមើល ទៅ ។ នគរបាលបន្ថែមទៀតថា នារីខាងលើនេះ គ្រាន់តែហៅយកមកសាកសួរប៉ុណ្ណោះ<br /> ព្រោះជាអ្នកធ្វើការនៅ ក្នុងផ្ទះខាងលើនោះ ដើម្បីស្វែងរកជនដៃដែលហ៊ានលួចលុយភ្ញៀវ រហូតដល់<br />ទៅជាង២ពាន់ដុល្លារនោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0865.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>