<p>ព័ត៌មានអន្តរជាតិ ៖ យោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស<br />ដឹមីរ័រ ដែលទើបតែបានចេញផ្សាយកាលពីថ្ងៃម្សិលមិញនេះ អោយដឹងថា បុរសម្នាក់ ខណៈ<br />មុខពោរពេញទៅដោយការចាក់សាក់ បិសាច Satan នោះ ត្រូវបានក្រុមមន្រ្តីប៉ូលីសធ្វើការ<br />ចាប់ឃាត់ខ្លួន ពីបទសម្លាប់មិត្តភក្កិរបស់គាត់។</p>
<p>គួររំឭកផងដែរថា បុរសដែលជាជនជាប់ចោទរូបនេះមានឈ្មោះថា David Adam Pate មាន<br />វ័យ ២៤ ឆ្នាំ ខណៈបុរស ជាជនរងគ្រោះស្លាប់បាត់បង់ជីវិត និង ត្រូវជាមិត្តភក្កិនឹងគ្នានោះ <br />មានឈ្មោះថា Rickey James មាន វ័យ ៣៣ ឆ្នាំ ។ យ៉ាងណាមិញ ប្រភពសារព័ត៌មាន<br />ដដែលបន្ថែមថា ករណីឃាតកម្ម សម្លាប់មិត្តភក្កិឯងខាងលើនេះ បានកើតឡើងនៅក្រុង<br /> Lancaster រដ្ឋ South Carolina សហរដ្ឋអាមេរិក។</p>
<p><a class="thickbox" title="" href="http://camnews.com.kh/FileManager/Commons/2013/11/26/satan-tattooed-on-his-face-26-11-2013--09-53-14.jpg"><img src="http://camnews.com.kh/FileManager/Articles/mce/2013/11/26/satan-tattooed-on-his-face-26-11-2013--09-53-14.jpg" alt="" width="435" height="289" /></a></p>
<p>ដោយឡែក មុនពេលដែលមានការតាមដានស៊ើបអង្កេត និងឈានដល់ការចាប់ឃាត់ខ្លួន<br />រឿងករណីឃាតកម្មសម្លាប់មិត្តភក្កិឯង យកសពទៅប្លុងចោលក្នុងព្រៃលើកនេះ អាចបែក<br />ការទៅបាន បន្ទាប់ពីមានក្រុមក្មេងតូចៗ បានប្រទះឃើញ សពពោរពេញទៅដោយក្លិន<br />អសោច រួចក៏ធ្វើការផ្តល់ជាព័ត៌មានប្តឹងមន្រ្តីប៉ូលីស មានសមត្តកិច្ចតែម្តង។</p>
<p>ជាលទ្ធផល បុរសជាជនជាប់ចោទ មានការចាក់សាក់រូបបិសាចនៅលើមុខគួរអោយខ្លាច<br />នោះ ក៏ត្រូវបានចាប់ឃាត់ខ្លួន ខណៈមូលហេតុ ដែលនាំអោយមានករណីឃាតកម្មមួយ<br />នេះ ពុំទាន់បានដឹងជាក់ច្បាស់នៅឡើយនោះទេ ពោលគឺ ស្ថិតនៅក្រោមការសាកសួរ<br />នៅឡើយ។ គួរបញ្ជាក់ថា បុរសជាជនដៃដល់ នឹង ត្រូវប្រឈមមុខក្នុងការជាប់ពន្ននាគារ<br />ដោយនឹងមានការកាត់ទោសទៅតាមផ្លូវច្បាប់របស់ប្រទេសនេះ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដឹមីរ័រ</p>