<div class="article-content">
<p><strong>ព្រះសីហនុ ៖</strong> បន្ទាប់ពីទទួលព័ត៌មានថា តារាចម្រៀងពេញនិយម លោក ខេមរៈ សិរីមន្ដ និងក្រុម<br />ការងារជួបគ្រោះថ្នាក់ដ៏គួរ ឱ្យរន្ធត់ ធ្វើឱ្យស្លាប់ ៤នាក់ និងរងរបួសធ្ងន់ ស្រាល ៣នាក់ បូករួមទាំង<br />លោក ខេមរៈ សិរីមន្ដ ផងនោះ និងធ្វើឱ្យរថយន្ដ ១គ្រឿង ម៉ាក ធុនដ្រា រងការខូចខាត ស្ទើរទាំង <br />ស្រុង នៅរសៀល និងល្ងាចថ្ងៃទី ០៨ ខែមីនា នេះ គេសង្កេតឃើញប្រជាពលរដ្ឋជាច្រើននាក់ បាន<br />នាំគ្នា ទៅមើលរថយន្ដរបស់លោកនៅ ស្នងការដ្ឋាននគរបាល ខេត្ដព្រះសីហនុ ។</p>
<p>ប្រជាពលរដ្ឋ ដែលទៅមើលរថយន្ដរង ការខូចខាតស្ទើរទាំងស្រុង ត្រូវបានរក្សាទុក នៅស្នងការ<br />ដ្ឋាននគរបាល ខេត្ដព្រះសីហនុ នោះ បានសម្ដែងការ អាណិតអាសូរ និង រន្ធត់យ៉ាងខ្លាំង ចំពោះ<br />គ្រោះថ្នាក់ចរាចរណ៍ ដែលបានផ្ដាច់ជីវិតមនុស្សផ្ទួនៗគ្នា រហូត ទៅដល់ ៧នាក់ និងរបងរបួសធ្ងន់<br />ស្រាល ៦ នាក់កាលពីយប់មិញ នៅស្រុកព្រៃនប់ ខេត្ដព្រះសីហនុ ។</p>
<p>បច្ចុប្បន្ន រថយន្ដកុងតឺន័រ រថយន្ដដឹក ស្រាបៀ និងរថយន្ដរបស់តារាចម្រៀង ខេមរៈ សិរីមន្ដ ព្រម<br />ទាំងរថយន្ដពេទ្យ រថយន្ដនគរបាល ដែលរងការ ខូចខាតត្រូវ បានរក្សាទុក នៅស្នងការដ្ឋាននគរ<br />បាលខេត្ដ ព្រះសីហនុ ដើម្បីដោះស្រាយតាមផ្លូវ ច្បាប់ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0317.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>