<p><strong>ភ្នំពេញ៖</strong> អ្នកមេម៉ាយចាយសម្រស់ កូនមួយឈ្ងុយដូចដូងដុត អ្នកនាង ចន ច័ន្ទលក្ខិណា បន្ទាប់ពីលែងលះជាមួយអតីតស្វាមីរួចមិនទាន់បាន ប៉ុន្មានដង្ហើមផង ក៏ស្រាប់តែលេចឮព័ត៌មានស្នេហាថ្មី ជាបន្តបន្ទាប់ដោយមានប្រុសអ្នកជំនួញ សម្បូរទ្រព្យម្នាក់បានស្ម័គ្រខ្លួន មកធ្វើជាអ្នកព្យាបាលរបួសបេះដូង និងធានាចិញ្ចឹមនាងឲ្យរស់នៅ ក្នុងជីវភាពហ៊ឺហារស៊ីវិល័យ មិនចាំបាច់ពិបាក។</p>
<p>បើតាមប្រភពពីអ្នកសិល្បៈជិតដិត របស់តារាសម្តែងស្រីស្រស់ អ្នកនាង ចន ច័ន្ទលក្ខិណា បានបង្ហើបឲ្យដឹងថា ក្រោយពីតារាស្រី រូបនេះ បានលែងលះជាមួយអតីតស្វាមី តាមប្រព័ន្ធតុលាការរួចភ្លាម នាងក៏ត្រូវបានកន្លង់សម្បូរទ្រព្យ ប្រជែងគ្នាតាមប្រលោម ស្នេហ៍ភ្លែត ជាក់ស្ដែងកាលពីពេលថ្មីៗនេះ លេចឮព័ត៌មានថា មានបុរសវ័យកណ្តាលម្នាក់ ដែលជាអ្នកជំនួញ មានមុខមាត់សម្បូរទ្រព្យ កំពុងតែធានាចូលខ្លួន មកស្អំបេះដូង មិនឲ្យរងា ។</p>
<p>ប្រភពដដែលបានបង្ហើបថា ឲ្យតែភាគីខាងស្រី អ្នកនាង ចន ច័ន្ទលក្ខិណា បើកភ្លើងខៀវ ដល់បុរស គឺធានាថា បុរសម្នាក់នោះ នឹងចំណាយទ្រព្យ មកផ្គតផ្គង់ផ្តល់ការរស់នៅ ប្រកបដោយភាពស៊ីវិល័យ ទិញសម្ភារៈទំនើបៗផ្តល់ឲ្យនាង ដើម្បីជាថ្នូរដោះដូរយកបេះដូងស្មោះ របស់អ្នកមេម៉ាយចាយរាង មកឃុំគ្រង ធ្វើជាគូមេត្រី។ ប្រសិនបើបុរសអ្នកជំនួញរូបនោះ បានក្លាយជាម្ចាស់ចិត្តនាង ហើយ គេនឹងបើកចំហរពីទំនាក់ទំនងជាសាធារណៈ ។</p>
<p>ទាក់ទងនឹងព័ត៌មានដ៏គួរឲ្យរសើប កំពុងតែបោះបក់ ប៉ះទៅលើតារាស្រី នាង ចន ច័ន្ទលក្ខិណា ថាមានដំណឹងស្នេហាថ្មោងថ្មី ជាមួយប្រុសអ្នកជំនួញ LookingTODAY នៅមិនទាន់សុំការបកស្រាយ ឲ្យបានច្បាស់ ពីរូបនាងនៅឡើយទេ នៅព្រឹកថ្ងៃទី១៩ ខែមេសា ឆ្នាំ០១៤នេះ ខណៈទូរស័ព្ទត្រូវបានបិទ។</p>
<p>អាចនិយាយបានថា នេះមិនមែនជាលើកទី១ទេ ដែលតារាស្រីរាងខ្ពស់ស្រឡះ ចន ច័ន្ទលក្ខិណា លេចឮដំណឹងស្នេហ៍ ជាដើមចម ធ្វើឲ្យទំនាក់ទំនង ស្នេហាប្តីប្រពន្ធរបស់នាង និងស្វាមីត្រូវកាត់ផ្តាច់នោះ ។ គេដឹងថា ក្រោយពីនាងលែងលះ អតីត ស្វាមីមិនទាន់បានប៉ុន្មានផង ក៏ស្រាប់តែមានព័ត៌មានលេចឮថា នាងត្រូវបានបុរស មានមុខងារជាមន្ត្រីយោធាម្នាក់ ទាក់ទងស្នេហ៍ លើរូបនាង ហើយក៏ត្រូវគេសង្ស័យថា មន្រ្តីយោធារូបនោះ ជាមូលសំខាន់ ធ្វើឲ្យគ្រួសារសិល្បៈ មានអាយុកាលច្រើនឆ្នាំ ជាប់ឈ្មោះជាគូស្នេហ៍គំរូមួយនេះ ត្រូវរលាយសាបសូន្យ សល់តែស្រមោលអនុស្សាវរីយ៍ ដ៏ឈឺចាប់បំផុត រហូតមកដល់សព្វថ្ងៃ៕</p>
<p> </p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong.dap/163.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong.dap/164.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong.dap/165.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong.dap/166.jpg" alt="Photo by LookingTODAY" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/29526-2014-04-19-06-37-59.html" target="_blank">ផ្តល់សិទ្ធដោយ ៖ ដើមអម្ពិល</a></p>