<div class="article-content">
<p><span style="color: #000000;"><strong>ភ្នំពេញ៖</strong> លោក សម រង្ស៊ី ប្រធានគណបក្សសង្រ្គោះជាតិ បក្សជំទាស់ ដ៏មានសក្តានុពលមួយនៅកម្ពុជា នាពេល បច្ចុប្បន្ន បានបង្ហាញរូបភាពមួយសន្លឺក កាលពីរូបលោកនៅកុមារភាពមានអាយុទើបតែប្រាំឆ្នាំ ដែលជាអនុស្សាវរី យ៍ដ៏សប្បាយរីករាយមួយរបស់លោក និងក្រុមគ្រួសារ។</span></p>
<p><span style="color: #000000;">រូបភាពមួយសន្លឹកបង្ហាញពីអនុស្សាវរីយ៍ដ៏រីករាយក្នុងវ័យកុមារភាព ដែលលោក សម រង្ស៊ី បានបង្ហោះនាព្រឹកថ្ងៃទី ២៨ ខែតុលា ឆ្នាំ២០១៤នេះ លើទំព័រហ្វេសប៊ុករបស់លោក ទទួលបានការចាប់អារម្មណ៍ខ្លាំងពីអ្នកគាំទ្រ និងអ្នក លេងបណ្តាះសង្គមហ្វេសប៊ុក ព្រោះវាជារូបភាពមួយសន្លឹកដ៏កម្រ និងមិនធ្លាប់បានឃើញនាពេលកន្លងមក។</span></p>
<p><span style="color: #000000;">រូបភាពមួយសន្លឹកនេះ បានផ្តិតជាប់កុមារា សម រង្ស៊ី រួមនិងបងប្អូនបង្កើតរបស់លោក ៥រូបផ្សេងទៀត ឈរជាបរថ យន្តស៊េរីទំនើបមួយគ្រឿងអំឡុងទស្សវត្សរ៍ឆ្នាំ៥០ ក្នុងនោះ ក៏មានស្រ្តីម្នាក់ផងដែរ ដែលសង្ស័យថា ជាម្តាយរបស់ លោក សម រង្ស៊ី។</span></p>
<p><span style="color: #000000;">លោក សម រង្ស៊ី បានពណ៌នាលើរូបភាពនោះថា រូបភាពដែលបានបង្ហាញនេះ ត្រូវបានថតនៅក្នុងរាជធានីភ្នំពេញ នាឆ្នាំ ១៩៥៤ ដែលពេលនោះរូបលោកទើបមានអាយុ ៥ឆ្នាំនៅឡើយ (កុមារា ដែលតូចជាងគេឈរឱបពោងហែ លទឹក)។ </span></p>
<p><span style="color: #000000;">លោក សម រង្ស៊ី តាមរយៈរូបភាពនេះ បានរំលឹកពីអនុស្សាវរីយ៍សប្បាយរីករាយនាកុមារភាពរបស់លោកថា រាល់ថ្ងៃ អាទិត្យ ឪពុកម្តាយរបស់លោកតែងតែនាំកូនៗ ទៅរៀនហែលទឹក នៅកីឡដ្ឋានមួយក្បែរវត្តភ្នំ (ឥឡូវក្លាយទៅជា ស្ថានទូតសហរដ្ឋអាម៉េរិក)។</span></p>
<p><span style="color: #000000;">លោក សម រង្ស៊ី ក៏បានរំលឹកផងដែរថា ម្តាយរបស់លោកឈ្មោះ អ៉ិន អេម ធ្វើជាគ្រូបង្រៀន ហើយជាស្ត្រីខ្មែរ ដែល បានប្រឡងជាប់បាក់ឌុប (មធ្យមសិក្សាទុតិយភូមិ) មុនគេបង្អស់ នៅប្រទេសកម្ពុជា ក្រោមអាណានិគមនិយមបា រាំង នៅពាក់កណ្តាលទស្សវត្សន៍ឆ្នាំ១៩៣០។ ពេលនោះមិនទាន់មានវិទ្យាល័យនៅប្រទេសកម្ពុជានៅឡើយទេ ហើយសិស្ស ដែលចង់រៀនបញ្ចប់មធ្យមសិក្សាត្រូវទៅរៀននៅទីក្រុងព្រៃនគរ (កម្ពុជាក្រោម)៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/10/28/st-200-28-10-2014--15-39-24.jpg"><img src="/FileManager/Articles/mce/2014/10/28/st-200-28-10-2014--15-39-24.jpg" alt="" /></a><br /></span></p>
<p style="text-align: center;"><span style="color: #000000;"><strong>លោក សម រង្ស៊ី ជាកុមារា ដែលតូចជាងគេ</strong></span></p>
</div>
<p><span style="color: #000000;">ផ្តល់សិទ្ធដោយ ៖ ដើមអម្ពិល</span></p>