<div class="article-content">
<p><strong>ភ្នំពេញ ៖</strong> មន្ដ្រីយោធាម្នាក់ និងបក្ខពួក ម្នាក់ ត្រូវបានកម្លាំងនគរបាលខណ្ឌសែន សុខចាប់ខ្លួន កាលពីយប់ថ្ងៃទី០៣ ខែកុម្ភៈ ឆ្នាំ២០១៤ ពីបទ រក្សាទុក និងចែកចាយថ្នាំ ញៀន ស្ថិតនៅចំណុច ផ្លូវលេខ ២០០៤ ភូមិ ស្លែងរលើង សង្កាត់ទឹកថ្លា ខណ្ឌសែនសុខ។</p>
<p>មន្ដ្រីនគរបាលខណ្ឌសែនសុខ បានឱ្យដឹង ថា មន្ដ្រីយោធារូបនេះមានឈ្មោះ គឹម ហេង អាយុ ២៩ឆ្នាំ ស្នាក់នៅក្នុងបន្ទាយ របស់ខ្លួន និងទី២ ឈ្មោះ សិទ្ធ ណាវីគ័រ អាយុ ៣៤ឆ្នាំ មុខរបរ នៅផ្ទះ ស្នាក់នៅផ្ទះ លេខ ៨ដេ ក្រុម៧ ភូមិទឹកថ្លា សង្កាត់ទឹកថ្លា ខណ្ឌសែនសុខ ។ បើតាមសមត្ថកិច្ច ក្រោយ ការចាប់ខ្លួន ជនសង្ស័យទាំង២នាក់ សមត្ថ កិច្ចបានរឹបអូសរថយន្ដ ១គ្រឿង ម៉ាកមែក សឺដែស ស៊េរីឆ្នាំ ៨៦ ពណ៌ខ្មៅ ពាក់ស្លាក លេខ គ ៣៤២២ ភព ២ និងដកហូតក្រាម ពណ៌សថ្លា ១កញ្ចប់តូច ។ មុនពេលកើត ហេតុ កម្លាំងនគរបាលខណ្ឌសែនសុខដែល ប្រចាំគោលដៅ ផ្លូវ លេខ ២០០៤ ស្រាប់តែ ឃើញរថយន្ដមែកសឺដែសខាងលើបើកយ៉ាងលឿន ដូច្នេះដោយមានការ សង្ស័យក៏ កាក់រថយន្ដដើម្បីត្រួតពិនិត្យ ក៏ឃើញថ្នាំ ក្រាមពណ៌សថ្លា ហើយឃាត់ខ្លួនពួកគេទាំង ពីរនាក់តែម្ដងទៅ ។ បច្ចុប្បន្នជនសង្ស័យ ទាំងពីរនាក់ត្រូវបានឃុំខ្លួនជាបណ្ដោះអាសន្ន នៅ អធិការដ្ឋាននគរបាលខណ្ឌសែនសុខ ដើម្បីចាត់ការបន្ដទៀត ។ យ៉ាងណាក៏ដោយ មន្ដ្រីយោធា រូបនេះ បានបដិសេធថា ថ្នាំញៀនដែលសមត្ថកិច្ចរក ឃើញ នៅក្នុងរថយន្ដនោះ មិនមែនជារបស់ ខ្លួននោះទេ ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00021.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00022.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00023.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00024.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80260-2014-02-04-07-04-11.html"><span style="color: #0000ff;">ដើមអំពិល</span></a></p>
</div>