<p><strong>រាជធានីភ្នំពេញ‌ ៖</strong>អ្នកធ្វើដំណើរតាមដងផ្លូវ មានការភ្ញាក់ផ្អើលជាមួយនឹងប្រអប់កាដូពណ៌<br />ក្រហមដ៏ធំនៅតាមវិថី សម្តេចប៉ាន ព្រះស៊ីសុវត្ថ និងមហាវិថីសហព័ន្ធរុស្សី។ ប្រអប់កាដូដ៏ធំ<br />នេះគឺជាទូម៉ាស៊ីនATM ដែលជាតំណាងអំណោយឆ្នាំថ្មីរបស់ធនាគារ CIMB ដែលនាពេល<br />ថ្មីៗនេះបានធ្វើការណែនាំជូនអតិថិជនរបស់ខ្លួននូវសេវាកម្មថ្មី ហៅថា Regional ATM Link <br />ដែលអនុញ្ញាតិអោយអតិថិជនទាំងអស់ប្រើកាតATM របស់ខ្លួនសម្រាប់ពិនិត្រសមតុល្យ និង<br />ដកប្រាក់ដោយឥតគិតថ្លៃតាមបណ្តាញម៉ាស៊ីនATM ជាង 4800 នៅក្នុងតំបន់អាស៊ាន។</p>
<p><a class="thickbox" title="" href="/FileManager/Commons/2013/1/23/cimg0191-23-01-2013--11-21-35.JPG"><img style="display: block; margin-left: auto; margin-right: auto;" src="/FileManager/Articles/mce/2013/1/23/cimg0191-23-01-2013--11-21-35.JPG" alt="" width="390" height="292" /></a></p>
<p>លោកស្រីហេង ធីតា ប្រធានផ្នែកសេវាកម្មហិរញ្ញវត្ថុបុគ្គលរបស់ធនាគារស៊ីអាយអិមប៊ីបាន<br />មានប្រសាសន៍អោយដឹងថា<<ធនាគារ CIMBបានខិតខំប្រឹងប្រែងដើម្បីផ្តល់ជូនដល់អតិថិ<br />ជនរបស់យើងនូវដំណោះស្រាយលើបញ្ហាហិរញ្ញវត្ថុទាំងឡាយមិនថានៅក្នុងប្រទេសកម្ពុជា <br />ឬក្នុងតំបន់អាស៊ាន។ យើងយល់ច្បាស់ពីតម្រូវរបស់អតិថិជនដែលធ្វើដំនើរនៅក្នុងតំបន់<br />អាស៊ានដែលគាត់ត្រូវយកប្រាក់សុទ្ធទៅជាមួយ ឬត្រូវចំណាយលើការប្រើប្រាស់ក្រេឌីតកាត ទើបយើងធ្វើការពង្រីកសេវាកម្មនេះសម្រាប់ផ្តល់ជូនដល់គាត់នូវសុវត្ថិភាពនិងភាពងាយ<br />ស្រួល។ ជាមួយកាតATMរបស់CIMB ឥលូវអតិថិជនទាំងអស់របស់ធនាគារ CIMB អាចដក<br />ប្រាក់ពីបណ្តាញម៉ាស៊ីនATM ជាង4800 នៅក្នុងប្រទេសកម្ពុជា ឥណ្ឌូនេស៊ី ម៉ាឡេស៊ី សឹង្ហបូរី <br />និងប្រទេសថៃដោយឥតគិតថ្លៃ។>></p>
<p>បន្ថែមលើនេះទៅទៀត សេវាកម្ម Regional ATM Link របស់ធនាគារ CIMB ក៏ធ្វើការផ្តល់នូវការប្តូរប្រាក់ដោយស្វ័យប្រវត្តនៅពេលអតិថិជនធ្វើការដក់ប្រាក់។ លោកស្រីហេង ធីតាបាន<br />ពន្យល់អោយដឹងថា <<ធនាគារ CIMB ក៏ដឹងច្បាស់ពីផលលំបាករបស់អតិថិជនដែលត្រូវស្វែង<br />រកកន្លែងប្តូរប្រាក់ និងការដែលទទួលបានអត្រាប្តូរប្រាក់ទាប ដូច្នេះធនាគារ CIMBក៏បានរួម<br />បញ្ចូលនូវសេវាកម្មប្តូរប្រាក់ដោយស្វ័យប្រវត្ត នេះមានន័យថាអតិថិជនអាចទទួលបាននូវរូបីយ<br />ប័ណ្ណរបស់ប្រទេសដែលគាត់ធ្វើប្រតិបត្តការដកប្រាក់ភ្លាមៗ ហើយអត្រាប្តូរប្រាក់ដែលយើង<br />ផ្តល់ជូននោះ គឺជាអត្រាដែលទាបជាងគេមួយនៅក្នុងប្រទេសផងដែរ។>> លោកស្រីក៏បានបន្ថែម<br />ផងដែរថា <<បន្ទាប់ពីធ្វើការពង្រីកសាខាបន្ថែមចំនួនបួននៅចុងឆ្នាំ២០១២ កន្លងមកនេះ ធនា<br />គារ CIMB បានធ្វើការណែនាំជូន នូវសេវកម្ម និងផលិតផលថ្មីៗសម្រាប់ផ្តល់នូវភាពងាយស្រួល<br />បន្ថែមដល់អតិថិជនរបស់ខ្លួននូវដំណោះស្រាយផ្នែកសេវាកម្មធនាគារក្នុងស្រុកក៏ដូចជាក្នុង<br />តំបន់អាស៊ាន។</p>
<p><strong>អំពីធនាគារ ស៊ីអាយអិមប៊ី ភីអិលស៊ី</strong><strong></strong></p>
<p>ធនាគារស៊ីអាយអិមប៊ី ភីអិលស៊ី បានបង្កើតឡើងនៅក្នុងប្រទេសកម្ពុជាជាផ្នែកមួយនៃ ស៊ី<br />អាយអិមប៊ីគ្រូប។ធនាគារស៊ីអាយអិមប៊ី ភីអិលស៊ីផ្តល់ជូននូវសេវាកម្ម និងផលិតផលជាច្រើន<br />ពីធនាគារហិរញ្ញវត្ថុពាណិជ្ជកម្ម និងធនាគារបម្រើការប្រើប្រាស់សម្រាប់អាជីវករ និងបុគ្គល<br />ទាំងឡាយដែលជាជនជាតិខ្មែរ ក៏ដូចជាជនបរទេស។</p>
<p>ស៊ីអាយអិមប៊ីគ្រូប គឺជាស្ថាប័នសេវាហិរញ្ញវត្ថុដ៏ធំទីពីរនៅប្រទេសម៉ាឡេស៊ី និងជាធនាគារសា<br />កលនាំមុខគេមួយក្នុងតំបន់អាស៊ាន។ ធនាគារសាកលនេះបាននឹងកំពុងផ្តល់នូវសេវាកម្មប្រតិ<br />បត្តិការធនាគារបម្រើការប្រើប្រាស់ ធនាគារវិនិយោគ ធនាគារអ៊ីស្លាមិក គ្រប់គ្រងទ្រពសកម្ម <br />ផលិតផលធានារ៉ាប់រង និងសេវាកម្មផ្សេងៗទៀត។ ស៊ីអាយអិមប៊ីគ្រូប មានទីស្នាក់ការធំនៅទី<br />ក្រុងកូឡាឡាំពួរ ហើយបច្ចុប្បន្ននេះមានសាខាធំៗចំនូន៨ នៅក្នុងប្រទេសទាំង១០ ក្នុងតំបន់<br />អាស៊ាន (ប្រទេសម៉ាឡេស៊ី សឹង្ហបូរី ឥណ្ឌូនេស៊ី ថៃឡង់ដ៏ កម្ពុជា ប្រ៊ុយណេ វៀតណាម និង<br />ភូមា)។ ក្រៅពីតំបន់អាស៊ាន ស៊ីអាយអិមប៊ីគ្រូប មានការិយាល័យនៅប្រទេសចិន ហុងកុង <br />បារ៉ែន ឥណ្ឌា ស្រីលង្កា សហរដ្ឋអាមេរិច និងចក្រភពអង់គ្លេស។</p>
<p>ស៊ីអាយអិមប៊ីគ្រូប មានបណ្តាញសាខាជាច្រើននៅក្នុងតំបន់អាស៊ាន ជាមួយសាខាជាង ១.១១៧<br /> ដែលគិតត្រឹមថ្ងៃទី៣១ ខែធ្នូ ឆ្នាំ២០១១។ ផ្នែកនៃធនាគារវិនិយោគរបស់ស៊ីអាយអិមប៊ីគ្រូប <br />បានលេចឡើងក្លាយជាធនាគារវិនិយោគប្រចាំតំបន់អាស៊ីប៉ាស៊ីហ្វិក និងជាបន្តបន្ទាប់មកទៀត<br />បានប្រកាសនៅការទិញយក ធនាគារវិនិយោគអាស៊ីប៉ាស៊ីហ្វិក និងប្រតិបត្តិការមូលធនសាច់<br />ប្រាក់របស់ធនាគារ អប៊ីអេស (RBS) នាពេលថ្មីៗនេះ។</p>
<p>ស៊ីអាយអិមប៊ី ហ្គ្រូប ធ្វើប្រតិបត្តិការអាជីវកម្មតាមរយៈអង្គភាពចំបងបី គឺធនាគារ ស៊ីអាយអិមប៊ី<br /> (CIMB Bank) ធនាគារវិនិយោគ ស៊ីអាយអិមប៊ី (CIMB Investment Bank) និង ធនាគារ ស៊ី<br />អាយអិមប៊ី អ៊ីស្លាមិក (CIMB Islamic)។ស៊ីអាយអិមប៊ី ហ្គ្រូប មានភាគហ៊ុន ៩៧.៩៣% នៅក្នុង<br />ធនាគារ ស៊ីអាយអិមប៊ី នៀហ្គា (Bank CIMB Niaga) នៅប្រទេស ឥណ្ឌូនេស៊ី និង ៩៣.១៥% <br />នៅធនាគារស៊ីអាយអិមប៊ី ថៃ (CIMB Thai) នៅប្រទេស ថៃឡង់ដ៏។</p>
<p>ស៊ីអាយអិមប៊ី ហ្គ្រូប ត្រូវបានចុះផ្សាយភាគហ៊ុននៅលើទីផ្សារភាគហ៊ុន ប៊ូរសា ម៉ាឡេស៊ី (Bursa <br />Malaysia) តាមរយៈ ស៊ីអាយអិមប៊ី ហ្គ្រូប ហូលឌីង ប៊ឺហាដ (CIMB Group Holding Berhad)។<br /> វាមានតំលៃ ក្រុមហ៊ុននៅលើទីផ្សារភាគហ៊ុនប្រហែលនឹង ៥៥.៣ កោដ រីងហ្គីតម៉ាឡេស៊ី (RM<br /> 55.3 billion) គិតត្រឹមថ្ងៃទី ៣១ ខែធ្នូ ឆ្នាំ២០១១។ ស៊ីអាយអិមប៊ី ហ្គ្រូប មានបុគ្គលិកសរុបច្រើន<br />ជាង ៤០.០០០នាក់នៅក្នុងបណ្តាប្រទេសទាំង១៤។</p>
<p><strong>សម្រាប់ពត៌មានបន្ថែម សូមទំនាក់ទំនងមកកាន់</strong><strong></strong></p>
<p>លោក ហៃ ភិរម្យ</p>
<p>ផ្នែកទីផ្សារ និងទំនាក់ទំនង</p>
<p>ទូរស័ព្ទ៖ ៨៥៥ (០) ៧៧ ៧៧៧ ០៩៥</p>
<p>ទូរសារ៖ ៨៥៥ (០) ២៣ ៩៨៨ ០៩៩</p>
<p>អ៊ីម៉ែល៖ <a href="mailto:phirum.hay@cimb.com.kh">phirum.hay@cimb.com.kh</a></p>
<p> </p>
<p style="text-align: right;">ដោយ ៖ សីហា</p>
<p> </p>