<div class="article-content">
<p><strong>កំពង់ចាម៖</strong> ក្នុងព្រះរាជពិធីច្រត់ ព្រះនង្គ័ល នៅថ្ងៃទី២៨ ខែឧសភា ឆ្នាំ២០១៣នេះ ដែលប្រារព្ធធ្វើ<br />ឡើង នៅ ពហុកីឡដ្ឋាន ខេត្តកំពង់ចាម គោឧសភរាជ បាន សោយពោតច្រើនជាងគេ ក្នុងចំណោម<br />អាហារ៧មុខ។</p>
<p>បន្ទាប់ពីការភ្ជួររាស់ និងសាបព្រោះស្រូវ ពោត សណ្តែក ល្ង ជានិមិត្តរូប ចំនួន ៣ជុំ នៅវាលព្រះស្រែ<br /> ក្នុងទីលានបាល់ទាត់ ទីរួមខេត្តកំពង់ចាម ក្រុម អ្នករៀបចំពិធី បានដឹកគោឧសភរាជ ( គោបារបស់<br />ព្រះមហាក្សត្រ ) ចំនួន ២ក្បាល ដើម្បីឲ្យបរិភោគវត្ថុ ៧យ៉ាងរួមមាន៖ ស្រូវ ពោត សណ្តែក ល្ង ស្មៅ<br /> ទឹក និងស្រា។</p>
<p>លទ្ធផលនៃការផ្សងប្រផ្នូល ត្រូវបានអាចារ្យព្រាហ្មបរោហិត ទូលថ្វាយ និងជម្រាបជូនអង្គពិធីថា គោ<br />ឧសភរាជ បានបរិភោគតែពោតមួយមុខប៉ុណ្ណោះ នាំឲ្យទំនាយទាយថា ក្នុងឆ្នាំនេះ ពោត នឹងទទួល<br />បានទិន្នផលល្អប្រសើរ។ នេះគឺជាការផ្សងប្រផ្នូល ទៅតាមទំនៀមទម្លាប់ព្រះរាជវេណី នៃព្រះរាជ <br />ពិធីច្រត់ព្រះនង្គ័ល ដែលមានតាំងពីបុរាណកាលមកប៉ុណ្ណោះ ក៏ដូចជា ការប្រកាសថា រដូវវប្បមង្គល<br /> ចូលមកដល់ហើយ។ ដូច្នេះសូមប្រជាកសិករ ត្រៀមលក្ខណៈសម្បត្តិប្រុងប្រៀប រៀបចំការងារបង្ក<br />បង្កើនផល ឲ្យបានទទួលនូវទិន្នផលខ្ពស់ ដើម្បីលើកស្ទួយកម្រិតជីវភាពបានល្អប្រពៃ។</p>
<p>តាមការប្រកាស របស់លោកតា អាចារ្យបានឲ្យដឹងថា គោឧសភរាជសោយពោត ច្រើនជាងគេ ស<br />បញ្ជាក់ ឲ្យឃើញថា ការដាំដំណាំពោត របស់ប្រជា កសិករ នៅទូទាំងប្រទេស នឹងទទួលបានលទ្ធ<br />ផលល្អ ប្រសើរទៅតាមលក្ខណៈ ប្រពៃណីទំនៀមទំលាប់ ហើយប្រទេសជាតិនឹងមាន សេចក្តីសុខ<br /> ត្រជាក់ត្រជុំ។</p>
<p>ព្រះរាជពិធីនេះ ត្រូវបានធ្វើឡើង ក្រោមព្រះរាជាធិបតីភាពដ៏ ខ្ពង់ខ្ពស់របស់ព្រះមហាក្សត្រ ព្រះបាទ<br />សម្តេចព្រះបរមនាថ នរោត្តម សីហមុនី និងមន្ត្រី ជាន់ខ្ពស់រាជរដ្ឋាភិបាល ព្រឹទ្ធសភា រដ្ឋសភា ព្រម<br />ទាំងអ្នកមុខអ្នកការ និងប្រជាពលរដ្ឋជាច្រើនផ្សេងទៀត។ អភិបាលខេត្តកំពង់ចាម ឯកឧត្តម លន់<br /> លឹមថៃ ជាស្តេចមាឃ និងភរិយាគឺលោកជំទាវ ស្រ៊ុន ណាង ជា ព្រះមេហួ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0574.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>