<div>បើទោះជាបានដឹង បានឮហើយថា ជាអ្នកធ្លាប់បោះបង់ការសិក្សា លោកមហាសេដ្ឋី Bill Gates អ្នក បង្កើតក្រុមហ៊ុន Software Microsoft តែងតែទទួលបានការគាំទ្រយ៉ាងច្រើន។ ទន្ទឹមនឹងនោះ អ្នកគាំ ទ្រ Bill Gates ជាច្រើននាក់ ក៏បានធ្វើការបោះបង់ការសិក្សា ដើម្បីរៀនសូត្រតាមភាពជោគជ័យ ដែលគាត់ទទួលបាន ដូចសព្វថ្ងៃនេះទៀតផង។ ប៉ុន្តែសម្រាប់ខ្លួនលោក Bill Gates ផ្ទាល់ គាត់មិន</div>
<div>ដែលចូលចិត្ត ការដែលគ្រប់គ្នា រំលឹកដល់រូបគាត់ ជានិស្សិតបោះបង់ការសិក្សាម្នាក់នោះទេ។</div>
<div></div>
<div style="text-align: center;"><a class="thickbox" title="" href="/FileManager/Commons/2014/2/11/bg1-11-02-2014--16-16-14.jpg"><img src="/FileManager/Articles/mce/2014/2/11/bg1-11-02-2014--16-16-14.jpg" alt="" /></a></div>
<div></div>
<div>នៅក្នុងកិច្ចសម្ភាសន៍បន្តផ្ទាល់ កាលពីពេលថ្មីៗនេះ នៅលើបណ្តាញសង្គម Reddit លោកមហា សេដ្ឋី Bill gates បាននិយាយឲ្យដឹងថា ការដែលគ្រប់គ្នា ភ្ជាប់រូបគាត់ ថាជាអ្នកបោះបង់ការសិក្សា គឺពិតជា មិនត្រូវត្រឹមនោះទេ។ រូបគាត់បានរៀនចប់ ៣ឆ្នាំ នៅ Harvard និងរៀនសូត្រ គ្រប់ចំនួន មុខវិជ្ជា ដើម្បីបញ្ចប់ការសិក្សា។ ប៉ុន្តែរូបគាត់មិនមានគំនិត ចង់បញ្ចប់ការសិក្សានោះទេ ហើយបាន ប្រើប្រាស់ចំណេះដឹងដែលបានរៀនសូត្រកន្លងមកនោះ ទៅបង្កើតក្រុមហ៊ុនផ្ទាល់ខ្លួន។</div>
<div></div>
<div><a class="thickbox" title="" href="/FileManager/Commons/2014/2/11/bg2-11-02-2014--16-16-33.jpg"><img src="/FileManager/Articles/mce/2014/2/11/bg2-11-02-2014--16-16-33.jpg" alt="" /></a></div>
<div></div>
<div>ក្រៅពីនេះ នៅក្នុងកិច្ចសម្ភាសន៍បន្តផ្ទាល់នេះដែរ Bill Gates ក៏បានបង្ហើបពីវត្ថុមានតំលៃជាងគេ បំផុត ដែលគាត់ធ្លាប់បានទិញ នោះគឺ យន្តហោះផ្ទាល់ខ្លួន។ រូបលោកបាននិយាយឲ្យដឹងថា យន្ត ហោះនោះ បានជួយគាត់យ៉ាងច្រើន ស្តីពីសកម្មភាពដែលពាក់ព័ន្ធទៅនឹងការងារសប្បុរសធម៌ ក៏ដូចជាបណ្តាការងារ ដែលត្រូវការផ្លាស់ទី បន្តបន្ទាប់គ្នា។ </div>
<div></div>
<div><a class="thickbox" title="" href="/FileManager/Commons/2014/2/11/bg3-11-02-2014--16-16-52.jpg"><img src="/FileManager/Articles/mce/2014/2/11/bg3-11-02-2014--16-16-52.jpg" alt="" /></a></div>
<div></div>
<div>នៅពេលត្រូវបានសួរនាំ ពីតួនាទីថ្មីរបស់គាត់នៅ Microsoft, Bill Gates បានកំណត់បញ្ជាក់ឲ្យដឹងថា លោកនឹងប្រើពេលវេលា ១/៣ របស់ខ្លួន ដើម្បី Microsoft ។ នៅពេលវេលាខាងមុខនេះ Bill Gates មានភារកិច្ចធានាទៅលើ Microsoft នឹងតែងតែដើរត្រូវតាមគោលដៅ និងរក្សាបានភាពខ្លាំងដ៏ក្លៀវ ក្លា របស់ខ្លួនជានិច្ច៕</div>
<div></div>
<div class="content">
<div style="text-align: right;">ប្រែសម្រួល៖ សិលា<br />ប្រភព៖ kenh14</div>
</div>