<div class="article-content">
<p><strong>ភ្នំពេញ ៖</strong> កម្មការដឹកនំប៉័ង តាមម៉ូតូ ម្នាក់ បានបើកបុកទ្វារ រថយន្ដរបស់ ព្រះរាជអាជ្ញារងម្នាក់ <br />ហើយត្រូវសងលុយព្រះរាជ អាជ្ញារង ដែលគេមិនស្គាល់ឈ្មោះ ចំនួន ១១០ដុល្លារ បន្ទាប់ពីថៅ<br />កែរបស់កម្មកររូប នេះ ពីដំបូងមានការប៉ះពារសំដីគ្នាមួយប្រាវ ខណៈដែលព្រះរាជអាជ្ញារងរូប<br />នេះ ទារ សំណង រហូតដល់ ៣០០ដុល្លារ ។</p>
<div dir="ltr">
<p>យោងតាមសេចក្ដីរាយការណ៍ ពីកន្លែង កើតហេតុ បានឱ្យដឹងថា គ្រោះថ្នាក់ចរាចរ រវាងកម្មករ<br />ដឹកនំប៉័ង តាមម៉ូតូ និងរថយន្ដ របស់ព្រះរាជអាជ្ញារងមួយរូប ដែលគេមិន ស្គាល់ឈ្មោះ បានកើត<br />ឡើងកាលពីវេលា ម៉ោងប្រមាណ ៣និង ៣០នាទីរសៀលថ្ងៃ ទី០៣ ខែឧសភា ឆ្នាំ ២០១៣ ស្ថិត<br />នៅតាម បណ្ដោយផ្លូវលេខ ១៤៣ ក្នុងសង្កាត់បឹង ព្រលិត ខណ្ឌ ៧មករា ។</p>
<p>សេចក្ដីរាយការណ៍ ពីសាក្សីដែលបាន ឃើញគ្រោះថ្នាក់ ចរាចរនេះបានឱ្យដឹងថា មុនពេលកើត<br />ហេតុ បុរសម្នាក់ជាកម្មករដឹក នំប៉័ង បានធ្វើដំណើរតាម បណ្ដោយផ្លូវលេខ ១៤៣ ក្នុងទិសដៅពី<br />ត្បូងទៅជើង លុះដល់ ចំណុចកើតហេតុ ខណៈដែលរថយន្ដលុច្ស ស៊ីស ១គ្រឿង RX 400 ពណ៌<br />ខ្មៅ ពាក់ ស្លាកលេខ ភ្នំពេញ 2V-5398 ធ្វើដំណើរ ក្នុងទិសដៅ ពីលិចទៅកើត ស្រាប់តែម៉ូតូរបស់<br />កម្មករ ដឹកនំប៉័ង បុកទ្វាររថយន្ដតែម្ដង ។</p>
<p>ក្រោយ កើតហេតុ អ្នកបើករថយន្ដដែលសមត្ថកិច្ច លួចបង្ហើបថា ជាព្រះរាជអាជ្ញារងមួយរូប បាន<br />ទារលុយពីកម្មករដឹកនំប៉័ង រហូតដល់ ៣០០ដុល្លារ ។ ពេលនោះកម្មកររូបនេះបាន ហៅថៅកែរបស់<br />ខ្លួនមកចរចា ដោយសារ តែបើកម៉ូតូ បុករថយន្ដរងការខូចខាតបន្ដិច បន្ដួច ។</p>
<p>សាក្សីបានបន្ដទៀតថា នៅពេលដែល ថៅកែរបស់ខ្លួន បានមកដល់ចំណុចកើត ហេតុ ក៏ប៉ះពាក្យ<br />សំដីជាមួយម្ចាស់រថយន្ដ មួយប្រាវ ប៉ុន្ដែ ទំនងចាញ់ប្រៀប ព្រោះ ម្ចាស់រថយន្ដមានតួនាទីខ្ពស់នៅ<br />សាលាដំបូង រាជធានីភ្នំពេញផងនោះ ថៅកែនំប៉័ងក៏សុខ ចិត្ដសងលុយ ចំនួន១១០ដុល្លារ ដោយ<br />លុយ ដុល្លារចំនួន ១០០ និងលុយខ្មែរចំនួន ៤ម៉ឺន រៀល ។</p>
<p>យ៉ាងណាក៏ដោយ នគរបាលចរាចរ ខណ្ឌ ៧ មករា មិនបានប្រាប់ឈ្មោះព្រះរាជ អាជ្ញារងរូបនោះ<br />ឡើយ ។ ជាមួយគ្នានេះ សមត្ថកិច្ច ខណ្ឌ៧មករា បានអះអាងថា ករណីគ្រោះថ្នាក់ចរាចរណ៍ ខាង<br />លើនេះ បានកើតឡើងនៅក្នុងទឹកដីខណ្ឌចំការមនោះទេ ៕</p>
</div>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0077.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0078.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0079.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0080.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>