<p><span style="color: #000000;"><strong>ភ្នំពេញៈ</strong> នៅពេលនេះរឿងរ៉ាវ ស្នេហារបស់អ្នកមេម៉ាយ ចាយសម្រស់ អ្នកនាង ចន ច័ន្ទលក្ខិណា ហាក់កំពុងតែមាន ការទាក់ទាញ ការចាប់អារម្មណ៍ខ្លាំង បន្ទាប់ពីលេចឮព័ត៌មានថា នាងបានលែងលះអតីតស្វាមី ហើយនាងបានងាក ទៅស្រវាគូស្នេហ៍ថ្មី ដែលជាប្អូនធម៌ របស់អតីតស្វាមីរបស់នាង ។ ប៉ុន្តែទាក់ទងទៅនឹងពាក្យ ចចាមអារ៉ាម លើកឡើងបែបនេះ ត្រូវបានម្ចាស់សាម៉ីខ្លួន ចេញមុខច្រានចោល ព័ត៌មាននេះថា មិនមែនជាការពិត ហើយគូស្នេហ៍ថ្មីរបស់នាង ក៏គ្មានទំនាក់ទំនង ជាប្អូនធម៌អតីតស្វាមី គឺលោក យុត្ថារ៉ា ឆានី ដែរ ។</span></p>
<p><span style="color: #000000;">តាមរយៈសារខ្លីមួយ ដែលតារាសម្តែង និងជាពិធីការិនី អ្នកនាង ចន ច័ន្ទលក្ខិណា បានបង្ហាញអារម្មណ៍ ក្រេវក្រោធឆ្លើយឆ្លង ទៅបណ្តាញសារព័ត៌មាន ដែលចុះផ្សាយថា នាងស្រវាប្អូនធម៌ អតីតស្វាមីមកធ្វើជាសង្សារថា «ខ្ញុំសូមឆ្លើយសម្រេចហើយ ក៏ឈប់ call មកសួរ ថាគាត់មិនមែន ជាអ្នកមានទ្រព្យស្តុកស្តម្ភអីទេ គឺអ្នករកស៊ីធម្មតា ហើយក៏មិនមែនជាប្អូនធម៌ របស់អតីតស្វាមីខ្ញុំដែរ អ្នកផ្តល់ព័ត៌មាន សូមផ្តល់ឲ្យច្បាស់ កុំចូលចិត្តធ្វើជាមនុស្ស ប្រុសមាត់ស្រី...!»។</span></p>
<p><span style="color: #000000;">តារាស្រីរាងខ្ពស់ស្រឡះ តែងតែបង្ហាញការប្រតិកម្ម ស្ទើរគ្រប់រឿង ដែលប៉ះទង្គិចលើខ្លួន អ្នកនាង ចន ច័ន្ទលក្ខិណាបានសរសេរជា សាធារណៈទៀតថា «ចង់បញ្ជាក់ថា ទូរស័ព្ទខ្ញុំបើករហូត សូមកុំបំពាន លើជីវិតអ្នកដទៃ ហើយរៀនគោរពសិទ្ធិឯកជនផង បើការ Post រូបផ្សេងៗ របស់ខ្ញុំនៅលើ Facebook & page & IG មានអ្នកយកទៅធ្វើជាព័ត៌មានទៀត ខ្ញុំនឹងឈប់លេងប្រព័ន្ធទាំង អស់ហ្នឹងទៀត ដើម្បីកុំឲ្យមានព័ត៌មានច្រើន ហើយថែមទាំងជាព័ត៌មាន ដែលបំពានខ្លះទៀត បើឈប់លេង គឺអស់ព័ត៌មាន សូម្បីតែ acc របស់គាត់ ក៏តាមដានដែរ Heng Loong សួរថាជីវិតឯកជន របស់ពួកខ្ញុំ គឺគ្មានអ្នកដោះលែងទេឬ?»។</span></p>
<p><span style="color: #000000;">សម្រាប់ការបង្ហាញសារខ្លី របស់តារាសម្តែងចាស់វស្សា អ្នកនាង ចន ច័ន្ទលក្ខិណា នេះ ពិតជាមានចម្ងល់ខ្លាំងណាស់ថា គ្រាន់តែទស្សនិកជន និងបណ្តាញសារព័ត៌មាន ចុះផ្សាយពីជីវិតស្នេហារបស់នាង និងគូស្នេហ៍ប៉ុណ្ណឹង ហេតុអីបានជានាង ដល់ថ្នាក់ប្រកាសថាផ្តាច់ឈប់លេងបណ្តាញ ទំនាក់ទំនងសង្គម Facebook ដែលបណ្តាញមួយនេះ គឺជាផ្នែកមួយដែលចូលរួម សាងប្រជាប្រិយភាពឲ្យនាង នាពេលកន្លងមក តើចំណងស្នេហានេះ មានអាថ៌កំបាំង អ្វីនៅពីក្រោយខ្នងដែរឬយ៉ាងណា? ហេតុអីនាងមានបំណង ចង់លាក់បាំងចំណងស្នេហ៍នេះ ពីក្រសែភ្នែកទស្សនិកជនទៅវិញ ?</span></p>
<p><span style="color: #000000;"><a class="thickbox" title="" href="/FileManager/Commons/2015/4/28/50-28-04-2015--16-01-38.jpg"><img src="/FileManager/Articles/mce/2015/4/28/50-28-04-2015--16-01-38.jpg" alt="" /></a></span></p>
<p><a class="thickbox" title="" href="/FileManager/Commons/2015/4/28/51-28-04-2015--16-01-46.jpg"><img src="/FileManager/Articles/mce/2015/4/28/51-28-04-2015--16-01-46.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/28/50-28-04-2015--16-01-38.jpg"></a></span></p>
<p><a class="thickbox" title="" href="/FileManager/Commons/2015/4/28/52-28-04-2015--16-01-54.jpg"><img src="/FileManager/Articles/mce/2015/4/28/52-28-04-2015--16-01-54.jpg" alt="" /></a></p>
<p><a class="thickbox" title="" href="/FileManager/Commons/2015/4/28/56-28-04-2015--16-02-02.jpg"><img src="/FileManager/Articles/mce/2015/4/28/56-28-04-2015--16-02-02.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>