<div class="article-content">
<p><strong>សៀមរាប ៖</strong> បុរស ២នាក់ បានរងរបួស យ៉ាងធ្ងន់ធ្ងរ ម្នាក់ដេរជាង ២០ថ្នេរ និងម្នាក់ ទៀត <br />ដេរជិត ១០ថ្នេរ បន្ទាប់ពីជនបង្ក ៤ ទៅ ៥នាក់ ប្រដាប់ដោយពូថៅ និងដំបង ជ្រុង ទៅកាប់<br /> និងវាយប្រហារ ខណៈដែល ជនរងគ្រោះទាំង ២នាក់ កំពុងរាំលេង សប្បាយនឹងសំឡេង<br />ធុងបាស់ ក្នុងពិធីមង្គល ការ របស់អ្នកភូមិ ។ អំពើកាប់ចាក់គ្នាយ៉ាង អនាធិបតេយ្យ ក្នុង<br />ពិធីមង្គលការខាងលើ នេះ បានកើតឡើងកាលពីវេលាម៉ោង ២ រសៀល ថ្ងៃទី១៨ ខែមិថុនា<br /> ឆ្នាំ ២០១៣ ស្ថិតក្នុងភូមិសាលាកកោះ ឃុំកៀនសង្កែ ស្រុកសូទ្រនិគម ខេត្ដសៀមរាប ។</p>
<p>សេចក្ដីរាយការណ៍ ពីកន្លែងកើតហេតុ បានឱ្យដឹងថា ជនរងគ្រោះទី១ ឈ្មោះ ប៉ាត់ ញ៉ាញ់<br /> អាយុ ៣៣ឆ្នាំ មុខរបរ កសិករ រស់ នៅភូមិគោកមន ឃុំដំដែក ស្រុកសូទ្រនិគម រងរបួស<br />ចំក្បាលមួយពូថៅ និងខ្នង ២ពូថៅ ដេរអស់ ២២ថ្នេរ និងជនរងគ្រោះម្នាក់ ទៀត ឈ្មោះ<br /> បូ នរន្ដ អាយុ ២៤ឆ្នាំ មុខរបរ ជួសជុលរថយន្ដ រងរបួសចំក្បាល ដោយ ដំបងឈើជ្រុង <br />ដេរអស់ចំនួន ៧ថ្នេរ ជនរង គ្រោះរូបនេះ រស់នៅភូមិស្រែធ្នង់ ឃុំដំដែក ស្រុកសូទ្រនិគម<br /> ហើយបច្ចុប្បន្នកំពុងសម្រាក ព្យាបាលមុខរបួសទាំង ២នាក់ នៅគ្លីនិកឯក ជន ។</p>
<p>ជនរងគ្រោះ បូ នរន្ដ បាននិយាយថា មុនពេលកើតហេតុ ខ្លួនត្រូវបានសាច់ញាតិ ខាង<br />កូនកំលោះ ពឹងឱ្យទៅជួយរត់តុ និង មើលការខុសត្រូវ លើកម្ហូបជូនភ្ញៀវលុះ ដល់រត់<br />ចំពិធីមង្គលការ ខណៈដែលភ្ញៀវនៅ សល់តែអ្នកផឹកស៊ី ២ទៅ៣តុ ជនរងគ្រោះ ក៏បាន<br />ចូលទៅរាំលេងសប្បាយកំដរឆាក អមដោយសំឡេងធុងបាស់នោះ ។ជនរងគ្រោះបន្ដថា<br /> នៅពេលកំពុងរាំលេងកំសាន្ដ ស្រាប់តែមានជនបង្កមួយក្រុម ពី ៤ទៅ ៥ នាក់ ប្រដាប់<br />ដោយពូថៅ និងដំបងជ្រុងបាន ចូលទៅវាយពួកគេ បណ្ដាលឱ្យរងរបួសធ្ងន់ តែម្ដង ធ្វើ<br />ឱ្យមានការភ្ញាក់ផ្អើលយ៉ាងខ្លាំង នៅក្នុងពិធីមង្គលការនេះ ។</p>
<p>សេចក្ដីរាយការណ៍ ពីអ្នកដែលទៅចូល រួម ក្នុងពិធីមង្គលការខាងលើបានឱ្យដឹងថា តាំង<br />ពីល្ងាចមកម្ល៉េះ ជនរងគ្រោះ និងជន បង្កបានទាស់សំដីគ្នាមួយប្រាវ រហូតដល់ការ វាយតប់<br /> ប៉ុន្ដែ ត្រូវបានចាស់ទុំនៅក្នុងរោងការ ចេញមកបំបែក ហើយក៏ត្រឡប់ទៅ ផ្ទះរៀងៗខ្លួន ។</p>
<p>លុះដល់ម៉ោងកើតហេតុ ជនបង្កខាងលើ ក៏បានមកធ្វើសកម្មភាព វាយកាប់ចាក់ជន រង<br />គ្រោះតែម្ដង ។ ក្រោយកើតហេតុក្រុម ជនបង្កទាំងនេះ បានគេចខ្លួនបាត់មិនទាន់ ត្រូវបាន<br />ចាប់ខ្លួននៅឡើយទេ ។</p>
<p>គួរបញ្ជាក់ថា សកម្មភាពក្មេងទំនើងបង តូចបងធំ នៅក្នុងភូមិសាស្ដ្រខាងលើបាន កើតឡើង<br /> ជាបន្ដបន្ទាប់ មិនថា ក្នុងពិធី មង្គលការឡើយ ពោលដេញកាប់ចាក់គ្នា នៅតាមដងផ្លូវ<br /> ក៏កើតមានដែរ ប៉ុន្ដែមិន ដែលឃើញសមត្ថកិច្ចណាមួយ បង្ក្រាបបាន នោះទេ ។ ដូច្នេះ<br />សូមលោកស្នងការខេត្ដ សៀមរាប ឧត្ដមសេនីយ៍ទោ សត ណាឌី ជួយប្រាប់លោកអធិការ <br />ឱ្យជួយពង្រឹងសន្ដិ សុខ ជូនប្រជាពលរដ្ឋនៅតំបន់នោះផង ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0736.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0737.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>