<p>ខណៈដែលមនុស្សជាច្រើនយល់ថា ស្នេហា មានរសជាតិល្វីង ជូចត់ ឬផ្អែម ក្រុមអ្នកវិទ្យាសាស្ដ្រ រកឃើញថា វាគឺជាដំណើរការរបស់អារម្មណ៍ ធ្វើឱ្យវិញ្ញាណទាំងឡាយបង្កើនការទទួលអារម្មណ៍ ចំណែករសជាតិរបស់ស្នេហា គឺមានតែម្យ៉ាង នោះគឺផ្អែមត្រជាក់។</p>
<p style="text-align: center;"><a class="thickbox" title="" href="/FileManager/Commons/2014/1/27/love-27-01-2014--09-51-32.jpg"><img src="/FileManager/Articles/mce/2014/1/27/love-27-01-2014--09-51-32.jpg" alt="" width="386" height="257" /></a></p>
<p><br />ដើម្បីបញ្ចេញនូវលទ្ធផលនៃការស្រាវជ្រាវនេះ Kai Qin Chan មកពីសកលវិទ្យាល័យ Radboud Nijmegen នៃប្រទេសហូឡង់ បានធ្វើការពិសោធ ទៅលើនិស្សិតចំនួន ១៩៧នាក់ នៃសកលវិទ្យាល័យជាតិសឹង្ហបុរី។ ក្នុងការពិសោធពីរលើកដំបូង និស្សិតត្រូវបានស្នើឱ្យរៀបរាប់អំពីរឿងរ៉ាវមួយ<br />នៃអារម្មណ៍ផ្អែមត្រជាក់ រ៉ូមេនទិចក្នុងរឿងស្នេហា(I), អារម្មណ៍ប្រចណ្ឌដែលធ្លាប់ឆ្លងកាត់(II) ឬ និយាយអំពីប្រធានបទមានលក្ខណៈកណ្ដាល គឺមិន ផ្អែម ហើយក៏មិនជូរចត់ (III)។<br /><br />បន្ទាប់មក ក្រុមនិស្សិតនេះ ត្រូវបានអញ្ជើញឱ្យភ្លក់ស្ករគ្រាប់សូកូឡា ដែលមានរសជាតិផ្អែម និង ជូរអែម។ ក្រុមអ្នកស្រាវជ្រាវរកឃើញថា ក្រុមនិស្សិតទីមួយ ក្រោយពីញ៉ាំស្ករគ្រាប់ យល់ថា ស្ករ គ្រាប់ទាំងពីរប្រភេទ មានរសជាតិផ្អែមដូចគ្នា ចំណែកក្រុមមួយទៀត បានដឹងអំពីរសជាតិខុសពី<br />គ្នានេះ។<br /><br />ក្រុមអ្នកស្រាវជ្រាវ បន្ដការពិសោធបន្ថែមទៀត លើកនេះ ពួកគេចង់ដឹងថា តើស្នេហា អាចធ្វើឱ្យ<br />ទឹកសុទ្ធ មានរសជាតិផ្អែម? លទ្ធផលបានបង្ហាញថា អ្នកកំពុងមានស្នេហា យល់ថា ទឹកសុទ្ធ គឺ មានរសជាតិផ្អែមបន្ដិច។ ចំណែកអ្នកដែលកំពុងប្រចណ្ឌ យល់ថា ទឹកសុទ្ធ នៅតែមានរសជាតិ ជាទឹកសុទ្ធពិត។<br /><br />Kai Qin Chan ឱ្យដឹងថា ការរកឃើញនេះ ពិតជាមានសារសំខាន់ ព្រោះថា នៅពេលញ៉ាំទឹកសាប អ្នកដែលមានស្នេហា បែរជាយល់ថា វាមានរសជាតិផ្អែម។ អ្នកដែលកំពុងមានស្នេហា តែងមាន<br />អារម្មណ៍ ត្រេកត្រអាល សប្បាយរីករាយ ដូច្នេះ វិញ្ញាណទាំងឡាយ ដូចជាអណ្ដាតជាដើម ក៏មាន “ប្រតិកម្ម” ជាមួយស្ករ។ ដូច្នេះ សូម្បីតែញ៉ាំទឹកគ្មានស្ករ ខួរក្បាលក៏នៅតែបញ្ចេញផលប៉ះពាល់ ធ្វើឱ្យអ្នកមានអារម្មណ៍ថា ទទួលបានរស់ជាតិផ្អែមពីទឹកនោះ។<br /><br />ទន្ទឹមនឹងនេះ ក្រុមអ្នកស្រាវជ្រាវយល់ថា ការតភ្ជាប់រវាងស្នេហា និងវិញ្ញាណនានា គឺមានទំនាក់<br />ទំនងដល់កុមារភាព។ ដោយសារភាពកក់ក្ដៅ ភាពស្និទ្ធស្នាលរបស់ម្ដាយ រួមនឹងរសជាតិផ្អែមនៃទឹកដោះម្ដាយ (ម្សៅទឹកដោះគោ) បានជួយឱ្យយើងដឹងបាននូវការជាប់ទាក់ទងគ្នា រវាងស្នេហា និងភាពផ្អែមល្ហែម។</p>
<p> </p>
<p><strong>អត្ថបទសខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/64719/night-work-throws-body-into-chaos"><span style="color: #3366ff;">"គេងថ្ងៃ សំចៃទុកយប់" ធ្វើឱ្យរាងកាយ មានបញ្ហាច្រើន</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/41607/why-women-cry-more-than-men"><span style="color: #3366ff;">ស្ដ្រីយំច្រើនជាងបុរស មកពីហេតុអ្វី?</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/64287/is-our-sun-falling-silent-and-making-the-new-ice-age"><span style="color: #3366ff;">យុគសម័យ Ice Age ថ្មី កំពុងមកដល់ ដោយព្រះអាទិត្យ អន់ថយកម្លាំង?</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ livesience<br /><br /></p>