<p>ប្រាសាទគូ គឺជាប្រាសាទមួយដែលមានវ័យចំណាស់ ក្នុងចំណោមប្រាសាទបាក់បែកនានាក្នុងខេត្ត <br />ស្ទឹងត្រែង ដែលមានទីតាំងស្ថិតនៅចំកណ្តាលទ្រូងព្រៃនៃឃុំកាំភូន ស្រុកសេសាន និងមានចំងាយ<br />៥គីឡូម៉ែតអំពីប្រាសាទបាឌឿមនិងមានចំងាយ២៥គីឡូម៉ែតនៅភាគខាងកើតនៃទីក្រុងស្ទឹងត្រែង។<br />ប្រាសាទគូ អាចត្រូវបានកសាងឡើង នៅក្នុងអំឡុងសតវត្សទី៦ និង ៧ ដើម្បីឧទ្ទិសចំពោះព្រហ្មញ្ញ<br />សាសនា។</p>
<p>សំណង់ភាគច្រើនកសាងឡើងពីឥដ្ឋ លាយជាមួយថ្មបាយក្រៀម។ យ៉ាងណាមិញដោយសារអាយុ<br />កាលរបស់វាដែលមានវ័យចំណាស់ និងស្ថិតនៅតំបន់ដាច់ស្រយាលឆ្ងាយពីអាជ្ញាធរ អភិរក្សមរត៌ក<br /> បានធ្វើឲ្យប្រាសាទនេះ ត្រូវទទួលរងការបាក់រលំ ដោយសារការគាស់កកាយ លួចប្លន់ និង ការ<br />ទន្ទ្រានយករបស់ធម្មជាតិ។ ដូចជាគោបុរៈមួយចំនួនត្រូបបានបាត់បង់ ឬខ្លះត្រូវបានបាក់ បែក ធ្លាក់<br />រាយបាយនៅទីនោះ។ ព្រមទាំងមានចំណែក នៃយោនីរបស់ព្រះនាងឧមា ក៏បានបន្សល់ទុក លើ<br />ខឿនប្រាសាទបាក់បែកនោះដែរ។</p>
<p>វត្ថុមួយនៅក្នុងចំណោមវត្ថុដ៏ អស្ចារ្យជាច្រើន ដែលបន្សល់ទុកនៅជុំវិញប្រាសាទនោះ គឺផ្ទាំងសិលា <br />ពណ៌ខ្មៅដ៏ធំមហិមាចំនួនពីរផ្ទាំងរបស់ដូនតាខ្មែរ បានបន្សល់ទុកឲ្យ នៅទីនោះ ដែលក្រាលគ្រប <br />ទីនោះតាំងពី បុរាណមក ហាក់ដូចជាគេចាក់បេតុង ស៊ីម៉ង់លាយដូច្នេះ។ ម្យ៉ាងទៀត នេះជារឿង<br /> ចំឡែកមួយ ពីព្រោះថា នៅក្នុងតំបន់នេះ ពុំមានថ្មប្រភេទនេះឡើយ ហើយថ្មដ៏ចំឡែកនិងអស្ចារ្យ <br />នេះ ត្រូវបានប្រជាជននៅតំបន់នេះនាំគ្នាហៅថា " ប្រសាទគូ "។<br />បន្ទាប់ ពីប្រសាទគូ និងថ្មចំនួនពីរផ្ទាំង មានផ្ទាំងថ្មដ៏ធំមួយទៀត ដែលមានអង្កត់ផ្ចិតចំនួន៧ម ត្រូវ<br />បានគេហៅថា " អណ្តូងបុរាណ " ដែលនៅពីមាត់អណ្តូងនៅមាន ផ្ទាំងថ្មដ៏ធំមួយ។ អណ្តូងបុរាណ<br />នេះមានអង្កត់ផ្ចិតចំនួន ១ម និងជំរៅ១ម និងតែងតែមានទឹកខួបប្រាំង ខួបវស្សា។ ប្រជាជនដែល<br />រស់នៅតំបន់នេះ តែងមានជំនៅថា ទឹកនៅក្នុងអណ្តូងបុរាណនេះ អាចផ្តល់សំណាង និងសុខភាព<br />ល្អផងដែរ៕</p>
<p><strong>សូមទស្សនា រូបភាព ខាងក្រោម</strong></p>
<p><a class="thickbox" title="" href="/FileManager/Commons/2013/11/28/3-28-11-2013--13-23-00.jpg"><img src="/FileManager/Articles/mce/2013/11/28/3-28-11-2013--13-23-00.jpg" alt="" width="500" height="214" /></a><strong></strong></p>
<p><a class="thickbox" title="" href="/FileManager/Commons/2013/11/28/1-28-11-2013--13-23-12.jpg"><img src="/FileManager/Articles/mce/2013/11/28/1-28-11-2013--13-23-12.jpg" alt="" width="500" height="216" /></a></p>
<p><a class="thickbox" title="" href="/FileManager/Commons/2013/11/28/2-28-11-2013--13-23-21.jpg"><img src="/FileManager/Articles/mce/2013/11/28/2-28-11-2013--13-23-21.jpg" alt="" width="500" height="247" /></a></p>
<p style="text-align: right;">ដោយ៖ វណ្ណៈ<br />ប្រភព៖ tourismcambodia</p>