<p>សេដ្ឋកិច្ចរបស់ប្រទេស Venezuela កំពុងតែជួបនូវវិបត្តិដ៏ធ្ងន់ធ្ងរមួយ ដែលកត្តានេះបានធ្វើឲ្យទំនិញ និងឧបករណ៍ប្រើប្រាស់ មានការខ្វះខាត (មានចំនួនតិចតួច) ដែលធ្វើឲ្យតម្លៃលក់របស់វា ក៏ឡើងថ្លៃខ្ពស់កប់ពពកផងដែរ។</p>
<p>បើយោងតាមអត្រាប្តូរប្រាក់ផ្លូវការ ប្រជាជន Venezuela ត្រូវទិញ iPhone 6 មួយគ្រឿងតម្លៃជាង 47,000 USD។ មូលហេតុដែលបង្កឲ្យមានស្ថានភាពបែបនេះ គឺមកពីអតិផរណាខ្ពស់ និងប្រភពទំនិញមានការខ្វះខាត។</p>
<p><a href="http://www.camnews.com.kh/News/Detail/56901/samsung-galaxy-s6-is-the-selfie-smartphone"><span style="color: #3366ff;"><em>អាន៖ Samsung ថា Galaxy S6 គឺជាស្មាតហ្វូនជំនាញ Selfie (Video inside)</em></span></a></p>
<p><br /><a class="thickbox" title="" href="/FileManager/Commons/2015/6/23/ip6-1-23-06-2015--15-34-21.jpg"><img src="/FileManager/Articles/mce/2015/6/23/ip6-1-23-06-2015--15-34-21.jpg" alt="" /></a></p>
<p>រូបិយវត្ថុ Bolivar របស់ Venezuela បច្ចុប្បន្ននេះមានអត្រាប្តូរប្រាក់ផ្លូវការពីរ នៅកំរិត 6.3 និង 12 ប្រាក់ Bolivar ប្តូរបាន ១ដុល្លារអាមេរិច។ បណ្តាអត្រាប្តូរប្រាក់នេះ ត្រូវបានរដ្ឋាភិបាលប្រើប្រាស់សម្រាប់ទូទាត់ ទៅលើមុខទំនិញជាចម្បងដែលមានដូចជា ថ្នាំពេទ្យ ឧបករណ៍បរិក្ខាពេទ្យ ជាដើម។ ប៉ុន្តែជាក់ស្តែង អត្រាប្តូរប្រាក់នៃរូបិយវត្ថុ Bolivar នៅលើទីផ្សារងងឹត (ទីផ្សារខាងក្រៅ មិនផ្លូវការ) បានធ្លាក់ចុះដល់កំរិតធ្ងន់ធ្ងរមួយ។ នៅលើទីផ្សារងងឹត 1 USD ប្តូរបានដល់ទៅ 456 Bolivar។ កត្តានេះបានធ្វើឲ្យតំលៃស្មាតហ្វូន iPhone កើនឡើងខ្ពស់យ៉ាងខ្លាំង។</p>
<p><a href="http://www.camnews.com.kh/News/Detail/41596/samsung-ibm-has-most-patents-in-the-first-half-of-2015"><span style="color: #3366ff;"><em>អាន៖ Samsung និង IBM មានចំនួនប៉ាតង់ ច្រើនជាងគេបំផុត នៅពាក់កណ្តាលដើមឆ្នាំ ២០១៥</em></span></a></p>
<p>បច្ចុប្បន្ន ស្មាតហ្វូនស៊េរីមធ្យមមួយនៅ Venezuela មានតំលៃ 17,000 Bolivar ដែលប្រហាក់ប្រហែលទៅនឹង ប្រាក់ខែអប្បបរមានៃប្រជាជន Venezeula ដល់ទៅជាង ២ខែ។ សម្រាប់ស្មាតហ្វូន iPhone 6 ថ្មីមួយគ្រឿងតម្លៃឡើងដល់ 300,000 Bolivar។ ដូច្នេះបើគិតតាមអត្រាប្តូរប្រាក់ផ្លូវការទាបជាងគេ ស្មាតហ្វូន iPhone 6 ថ្មីមួយគ្រឿងមានតម្លៃលក់ដល់ទៅ 47,619 USD។ ប៉ុន្តែបើគិតតាមអត្រាប្តូរប្រាក់ទីផ្សារងងឹតនោះ iPhone 6 មួយគ្រឿងមានតម្លៃតែ 657 USD ដែលជាកំរិត តម្លៃធម្មតាសម្រាប់ iPhone 6 unlock (ជាប់កូដ)។</p>
<p>ស្ថានភាពលួចឆក់ស្មាតហ្វូននៅប្រទេស Venezuela ក៏កំពុងតែមានការកើនឡើង ដោយសារតែកង្វះប្រភពនៃផលិតផល និងកំរិតតម្លៃកើនឡើងខ្ពស់។ “បើសិនជាអ្នកមានស្មាតហ្វូនតម្លៃថ្លៃ ហើយអ្នកយកចេញមកបង្អួតនៅតាមដងវិថី វានឹងប្រឈមមុខ នូវការឆក់លួចគ្រប់ពេលវេលាទាំងអស់” អ្នកជំនាញប្រឹក្សាយោបល់ Venezuela បញ្ជាក់ឲ្យដឹង៕</p>
<p><a href="http://www.camnews.com.kh/News/Detail/86950/iphone7c-screen-4-inch-will-be-introduced-in-2016"><span style="color: #3366ff;"><em>អាន៖ iPhone 7c អេក្រង់ ៤អ៊ីន នឹងបង្ហាញខ្លួន នៅក្នុងឆ្នាំ ២០១៦</em></span></a></p>
<p><br /><br /></p>
<p style="text-align: right;">ប្រែសម្រួល៖ ករុណា<br /> ប្រភព៖ <em>Business Insider</em><em>, Vreview</em></p>