<p><span style="color: #000000;"><strong>ភ្នំពេញ៖</strong> តារាសម្តែងរូបស្រស់ និយមតែងខ្លួនបែបនារី ស្រគត់ស្រគំ កញ្ញា ឡោម លក្ខិណា បានបង្ហើបឲ្យដឹងថា សន្ទុះការងាររបស់នាង ក្រោយពេល ត្រឡប់ មកពីប្រទេសបារាំងវិញ ហាក់មានភាពស្ងប់ស្ងាត់ ប្លែកខុសពីមុនៗ ពោលគឺពេលនេះ នាងទំនេរសម្ងំ នៅតែក្នុងផ្ទះ មិនសូវមានការងារធ្វើទេ ។</span></p>
<p><span style="color: #000000;">ជួបសម្ភាសន៍ តាមទូរស័ព្ទជាមួយ គេហទំព័រ LookingTODAY តារាស្រីរូបស្អាតសម្បុរ ស្រអែមស្រស់ សមជានារីខ្មែរ កញ្ញា ឡោម លក្ខិណា បានប្រាប់ឲ្យដឹងថា មួយរយៈពេលក្រោយពី នាងត្រឡប់មកពីសម្តែង នៅប្រទេសបារាំង នាងមានពេលទំនេរច្រើន ដោយមិនសូវមានខាងណា ទាក់ទងការងារមកទេ ពោលមួយរយៈនេះ នាងសម្ងំនៅតែក្នុងផ្ទះទេ ។</span></p>
<p><span style="color: #000000;">តារាស្រីរូបនេះ បានប្រាប់ឲ្យដឹងទៀតថា "ការងារគ្រប់យ៉ាង ហាក់ស្ងប់ស្ងាត់ ស្ទើរគ្រប់ច្រក ចាប់តាំងពីខ្ញុំ ត្រឡប់មកវិញ ប៉ុន្តែខ្ញុំមិនមានការព្រួយបារម្ភ អ្វីឡើយ ព្រោះខ្ញុំគិតថា ជារឿងធម្មតា សម្រាប់អ្នកសិល្បៈ គឺមានពេលរវល់ និងទំនេរជារឿងធម្មតា ហើយសម្រាប់គម្រោងចេញ ទៅក្រៅប្រទេសនៅឆ្នាំក្រោយនេះ ខ្ញុំក៏មានគម្រោងចេញ ទៅប្រទេស១ទៀត តែសុំលាក់សិនថា ចេញទៅប្រទេសណា" ។</span></p>
<p><span style="color: #000000;">តារាសម្តែង និងជាតារាចម្រៀង ឡោម លក្ខិណា បានប្រាប់ឲ្យដឹងបន្ថែមទៀតថា សម្រាប់នាងមួយរយៈពេល ចុងក្រោយនេះ បើទោះជាការងារ នៅក្នុងស្រុក ហាក់មិនសូវមានច្រើន តែសម្រាប់សន្ទុះការងារ នៅក្រៅស្រុក បែរជាលោតឡើង មានខាង Sponsor ទាក់ទងហៅ ទៅសម្តែងច្រើនប្រទេស តែនាងមិនចង់ទទួលច្រើន ព្រោះថាខ្លាចប៉ះ ប្រជាប្រិយភាពក្នុងស្រុកខ្លាំង ។ ម្យ៉ាងបើទទួលតែការងារ ក្រៅស្រុក គឺអាចធ្វើឲ្យនាង បាត់មុខពីសិល្បៈ ក្នុងស្រុកដោយសារតែ ការចេញ ទៅសម្តែងម្តងៗ គឺមានរយៈពេលយូរបើទទួលតែ២-៣ប្រទេស ទស្សនិកជននៅក្នុងប្រទេស បា្រកដជា ភ្លេចមុខនាងមិនខាន។ ដូច្នេះ ចំពោះគម្រោង ទៅក្រៅប្រទេស នាងទទួល១ឆ្នាំ តែម្តងប៉ុណ្ណោះ ពេលវេលានៅសល់ គឺចង់ទុកសម្រាប់ការងារ ក្នុងស្រុកឲ្យច្រើន ។</span></p>
<p><span style="color: #000000;">ទន្ទឹមជាមួយនឹង ការនិយាយរៀបរាប់ ពីការងារសិល្បៈនោះ តារាស្រី លក្ខិណា ក៏បានឆ្លៀតពេលផ្ញើរសារជូន ដល់បងប្អូន ប្រជាពលរដ្ឋខ្មែរ ដែលអញ្ជើញពីបណ្តាល ខេត្តផ្សេងៗ មកចូលរួមអបអរសាទរ ក្នុងឱកាសបុណ្យអ៊ុំទូក អកអំបុក សំពះព្រះខែ នេះផងដែរថា សម្រាប់បងប្អូន ប្រជាពលរដ្ឋ ទាំងអស់ នៅពេលធ្វើដំណើរកម្សាន្ត ក្នុងឱកាសបុណ្យអ៊ុំទូកនេះ បានសប្បាយរីករាយ ទាំងអស់គ្នា មានការអធ្យាស្រ័យ យោគយល់លើគ្នា ទៅវិញទៅមក ហើយក៏សូមឲ្យមានការ ប្រុងប្រយ័ត្ន ចំពោះទ្រព្យសម្បត្តិ ផ្ទាល់ខ្លួន ផងដែរ ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/11/5/msp-134-05-11-2014--15-13-59.jpg"><img src="/FileManager/Articles/mce/2014/11/5/msp-134-05-11-2014--15-13-59.jpg" alt="" /></a><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/11/5/msp-135-05-11-2014--15-14-09.jpg"><img src="/FileManager/Articles/mce/2014/11/5/msp-135-05-11-2014--15-14-09.jpg" alt="" /></a><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-132.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-133.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-136.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/ID-141/MSP-137.jpg" alt="" width="600" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>