<div class="article-content">
<p><strong>ភ្នំពេញ ៖</strong> ជនជាតិវៀតណាម ចំនួន៥ នាក់ ត្រូវបានកម្លាំង នគរបាលខណ្ឌដូនពេញ<br /> ដេញតាម ហើយឃាត់ខ្លួននិង ឃាត់ខ្លួនពួកគេ ទាំង៥នាក់ នៅជិតវិមានឯករាជ្យ បន្ទាប់ពី<br /> ពួកគេទាំងនេះ មានជម្លោះរហូតដល់វាយ តប់គ្នា ជាមួយសន្ដិសុខ ដែលយាមកាមនៅ<br /> ហាងផឹកស៊ី និងច្រៀងខារ៉ាអូខេ យីហោសូនី ស្ថិតនៅផ្ទះលេខ៥៤ពែ០ ផ្លូវលេខ១៣<br />សង្កាត់ ផ្សារកណ្ដាលទី១ ខណ្ឌដូនពេញ កាលពីវេលា ម៉ោង១២និង៣០នាទីយប់រំលង<br />អាធ្រាត្រឈានចូលថ្ងៃទី២៥ ខែមីនា ឆ្នាំ២០១៣។</p>
<p>យោងតាមប្រភពព័ត៌មានពីសមត្ថកិច្ច មូលដ្ឋានបានឱ្យដឹងថា មូលហេតុដែលនាំឱ្យ<br /> មានជម្លោះកើតឡើង រវាងបុរសជនជាតិ វៀតណាមទាំង៥នាក់ និងសន្ដិសុខបម្រើ <br />ការងារនៅហាងតន្ដ្រីសូនី ដោយសារតែជន ជាតិវៀតណាមទាំង៥នាក់ ដែលនាំយក<br />កូន ប្រុសម្នាក់ទៅជាមួយផងនោះ ហើយពេល ចេញពីច្រៀងខារ៉ាអូខេ និងផឹកស៊ីចប់<br /> មន្ដ្រី សន្ដិសុខ បានទៅដាស់កូនក្មេងឱ្យភ្ញាក់ឡើង ប៉ុន្ដែកូនក្មេងនោះ ពេលកំពុងដេក<br />នៅលើ ប៉ៅអ៊ី ដើម្បីរង់ចាំឪពុកច្រៀងយំ ទើបធ្វើឱ្យ ពួកគេខឹងនិងសន្ដិសុខ កើតជា<br />ជម្លោះតែម្ដង រហូតដល់វាយគ្នា ផ្អើលក្នុងហាង ។</p>
<p>ប្រភពព័ត៌មានពីសមត្ថកិច្ចមូលដ្ឋានបាន ឱ្យដឹងថា មុនពេលកើតហេតុបុរសជនជាតិ<br /> វៀតណាមទាំង៥នាក់ រួមជាមួយកូនក្មេង អាយុ៧ឆ្នាំម្នាក់ផងនោះ បានជិះ រថយន្ដម៉ាក<br /> តាកូម៉ា ពណ៌ក្រហមមួយបាំងកន្លះ ពាក់ស្លាក លេខភ្នំពេញ 2M-4579 ឆ្ពោះទៅហាងផឹក <br />ស៊ីខាងលើ ។</p>
<p>ប្រភពព័ត៌មានបានបន្ដថា ពេលទៅដល់ ហាងផឹកស៊ីពួកគេទាំង៥នាក់បានចូលផឹកស៊ី <br />និងច្រៀងខារ៉ាអូខេ ប៉ុន្ដែដោយសារយប់ជ្រៅ ពេក កូនរបស់ខ្លួនងងុយដេក ហើយដេក<br />នៅ លើប៉ៅអ៊ី របស់សន្ដិសុខយាម លុះម៉ោង ប្រមាណ១២ជាង នៅពេលដែលពួកគេផឹក<br /> ស៊ីនិងច្រៀងចប់ សន្ដិសុខ ពេលឃើញដូច្នេះ ក៏ទៅដាស់ កូនក្មេងរូបនេះ ឱ្យភ្ញាក់ប៉ុន្ដែវាយំ <br />ជាហេតុនាំឱ្យឪពុករបស់វាខឹងនឹងសន្ដិសុខ ដោយមិនបានសួរនាំអ្វីនោះ ក៏កើតជម្លោះ <br />ហើយព្រួតគ្នាវាយសន្ដិសុខ បង្កឱ្យមានការ ភ្ញាក់ផ្អើល នៅក្នុងហាង ។ ប៉ុន្ដែក្រោយពីបង្ក <br />ជម្លោះនិងព្រួតវាយសន្ដិសុខ បុរសជនជាតិ វៀតណាមទាំង៥នាក់ បាននាំគ្នាជិះរថយន្ដ<br /> ចេញពីហាងធ្វើព្រងើយ ទើប ធ្វើឱ្យកម្លាំង សមត្ថកិច្ចខណ្ឌដូនពេញ ទាក់ទងនិងដេញពី<br />ក្រោយ ទើបចាប់បាននៅក្បែរវិមានឯករាជ្យ ដើម្បីនាំខ្លួនពួកគេ ទៅសាកសួរនិងដោះស្រាយ<br /> តាមនីតិវិធី ។</p>
<p>អធិការរងនគរបាលខណ្ឌដូនពេញ លោក ញ៉ែម សៅណុល បានប្រាប់មជ្ឈមណ្ឌលព័ត៌ មាន<br /> ដើមអម្ពិលតាមទូរស័ព្ទនៅរសៀលថ្ងៃ ទី២៥ ខែមីនា ឆ្នាំ២០១៣ឱ្យដឹងថា ចំពោះ ករណីនេះ<br /> កម្លាំងនគរបាលខណ្ឌដូនពេញ ពិត ជាបានឃាត់ខ្លួនបុរសជនជាតិវៀតណាមទាំង ៥នាក់ពិត<br />ប្រាកដមែន បន្ទាប់ពីទទួលព័ត៌ មានថា កើតមានជម្លោះនៅក្នុងហាងផឹកស៊ី ខាងលើ។</p>
<p>យ៉ាងណាក៏ដោយបើយោងតាមលោក ញ៉ែម សៅណុល ចំពោះករណីនេះ សមត្ថកិច្ច បានធ្វើ<br />ការសម្របសម្រួលរវាងពួកគេទាំង៥ នាក់ និងភាគីជនរងគ្រោះ ដោយសារតែករណី នេះ មិន<br />បានបង្កឱ្យមានរបួសស្នាមធ្ងន់ធ្ងរ នោះឡើយ ។ បើមានការសម្របសម្រួល យ៉ាងនេះក្ដី ពី<br />សំណាក់សមត្ថកិច្ចនោះ ប៉ុន្ដែ មជ្ឈដ្ឋាន មួយចំនួននិងប្រជាពលរដ្ឋ ដែល បានឃើញព្រឹត្ដិ<br />ការណ៍នេះ បានរិះគន់ជនជាតិ វៀតណាមទាំង៥នាក់ ដែលបង្កការអុកឡុក និងបង្កទំនាស់<br /> ដោយសារតែការ ផឹកស៊ីស្រ វឹង ហើយបើករថយន្ដចេញពីកន្លែងកើត ហេតុ ដោយគ្មានការ<br />ទទួលខុសត្រូវសោះ ឡើយ ។ ម្យ៉ាងវិញទៀត នៅពេលដែល សមត្ថកិច្ចទៅឃាត់រថយន្ដ<br /> នៅក្បែរវិមានឯក រាជ្យនោះ ពួកគេទាំង៥នាក់បានបញ្ចេញឫក ពារនិងកាយវិការច្រង៉េង<br />ច្រង៉ាងនៅលើរថយន្ដ ដោយសារតែអាការៈស្រវឹង ធ្វើឱ្យប្រជា ពលរដ្ឋ ដែលឈរមើល<br />ព្រឹត្ដិការណ៍នេះម្នាក់ៗ នាំគ្នារិះគន់យ៉ាងខ្លាំង ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0537.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0538.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0539.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0536.jpg" alt="www.dap-news.com" width="400" /></p>
</div>